Skip to Content

Dinamización da Lingua Galega

FOTOS DO SAMAÍN

Mar, 11/04/2014 - 00:00 — Anónimo
Dende o ENDL queremos destacar a gran participación que tivo este Samaín e darvos as grazas polas fantásticas cabazas que decoráchedes. 
Este traballo en colaboración coas familias amosa o interese ás actividades propostas dende o centro e queremos destacar a importancia deste tipo de traballo entre o alumnado e as familias. 
De cara ao vindeiro ano a exposición durará un día máis xa que parécenos que dous días non foron suficientes para lucir os traballos que fixéchedes.
 
 

XA ESTÁN CHEGANDO AS PRIMEIRAS FOTOS

Mar, 10/07/2014 - 16:27 — Anónimo
 

TECNOLOXÍAS DO SÉCULO XX

Mar, 10/07/2014 - 16:24 — Anónimo
Dende o Equipo de Normalización e Dinamización Lingüística do CEIP Viñagrande, dirixímonos ás familias para pedir a vosa colaboración na realización da seguinte actividade.
 
Este ano a temática que vai servir de eixo vertebrador do traballo a realizar no centro xira arredor de “As tecnoloxías do século XX”, polo cal a nosa intención é a realización de murais, exposicións,… sobre aquela tecnoloxía que todos nós aínda gardamos nas nosas casas e que o alumnado descoñece.

Gustaríanos pedirvos que enviedes fotografías dos diferentes aparellos tecnolóxicos que tendes nas casas relacionada coa: escola (o meu primeiro ordenador,…), tempo de lecer (un disco de vinilo, un radiocasete,…), fogar (espremedor, molinillo,…) ou traballo. Unha vez recibidas o alumnado traballará sobre as mesmas clasificándoas, confeccionando murais para expoñer, elaborando un dicionario terminolóxico,... Posteriormente, a nosa intención é facer unha exposición con aquela tecnoloxía que máis nos guste e que serva de interese para o alumnado.


A dirección de correo electrónico a cal podedes enviar as fotografías é a seguinte: pingas.nl@gmail.com

I FESTIVAL "CANTANDO CONTOS"

Mar, 09/23/2014 - 23:17 — Anónimo

A finais do curso pasado celebramos o I Festival "Cantando contos" onde todo o alumnado do centro mostrou as súas dotes de artistas poñendolle letra e música a contos traballados na aula:

a) O alumnado do terceiro ciclo do CEIP de Viñagrande Deiro canta e conta "A máscara do león" de Margarita del Mazo coas ilustracións de Paloma Valdivia e editado por OQO editora.

A base musical foi editada a partires de "The final countdown" de Europe.

 

 

b) O alumnado do primeiro ciclo de Educación Primaria do CEIP Viñagrande Deiro conta mentres canta "A cousa que máis doe do mundo".

Un conto onde se narra que hai algo que doe moitísimo.... Que será?  A autoría corre a cargo de Paco Liván e as ilustracións de Roger Olmos e algunhas outras do alumnado. Editado por OQO editora.

A base musical foi editada a partires de "O porquiño" de Susa Herrera.

 

c) O alumnado do segundo ciclo do CEIP Viñagrande Deiro canta o conto "Carabuñas" de Margarita del Mazo con ilustracións de Charlotte Pardi e editado por OQO editora.

A base musical foi editada a partires de "Under pressure" de Queen e David Bowie.

 

d) O alumando de Educación Infantil do CEIP Viñagrande Deiro canta e conta "O pirata pata de lata" de Oli. As ilustracións coren a cargo de Ramón Trigo e a edición é de Kalandraka.

Un rap que ten como orixe unha canción dun centro amigo: o CEIP Coirón Dena, a quen lle pedimos prestada a base musical e as súas ideas. GRAZAS.

 

SEMANA DAS LETRAS GALEGAS. A REALIDADE VIVIDA 4ª PARTE.

Xov, 06/05/2014 - 08:22 — Anónimo
Para o último día deixamos a visita máis esperada. 
 
Tivemos o pracer de contar co grupo de rock "Quilma" que nos trouxeron un ambiente moi agradable de música, baile e diversión que fixeron gozar dende os máis cativos ata os non tan cativos.
 
Para mostra, un botón. Estas foron as catro primeiras cancións que tocaron no patio do noso colexio.

SEMANA DAS LETRAS GALEGAS. A REALIDADE VIVIDA 3ª PARTE.

Xov, 06/05/2014 - 08:20 — Anónimo
Nesta entrada engadimos algunhas das curtas de animación que foron visionadas polo alumnado nas sesións organizadas polo centro para todo o alumnado e que tiñan como finalidade acercar a lingua galega aos nenos e nenas do colexio e mostrarlle que en Galicia tamén se fan grandes curtas de animación en plastilina que teñen como base obras literarias de autores galegos de gran prestixio.

O DEMO OVEIRO

 
 
 
A ESCOLA DAS AREAS
 
 
 
 
Se estades interesados/as en ver máis curtas de animación, chuzade na seguinte imaxe.
 
ANIMACIÓN EN GALEGO
 
 

SEMANA DAS LETRAS GALEGAS: A REALIDADE VIVIDA 2ª PARTE

Xov, 06/05/2014 - 08:18 — Anónimo
Agora mostrámosvos o ben que o pasamos con Xan e Miguel e outros xogadores da Liga Nacional da Billarda que nos estiveron ensinando os nomes dos distintos elementos que se utilizan para xogar a billarda (billarda, varal, palá...) e as normas do xogo.
 
As sesións foron divididas en dúas partes:
 
- Unha primeira parte teórica na que Xan nos introducía no mundo da billarda a través duns interesantes videos.
 
- Unha segunda parte práctica na que tivemos a oportunidade de xogar unha partida á billarda nas pistas deportivas do noso patio.
 

 

SEMANA DAS LETRAS GALEGAS. A REALIDADE VIVIDA 1ª PARTE.

Mér, 06/04/2014 - 08:48 — Anónimo
 
Nesta entrada queremos mostrarvos as vivencias do alumnado na SEMANA DAS LETRAS GALEGAS celebrada no noso centro dende o luns 12 ao venres 16 de maio.
 
 Así quedaron as exposicións ofrecidas á comunidade educativa no ximnasio do centro:
 
  • As partes dunha dorna.
  • Os oficios do mar
  • Vida e obra de Xosé María Díaz Castro.

 

SEMANA DAS LETRAS GALEGAS EN VIÑAGRANDE

Xov, 05/15/2014 - 10:50 — Anónimo
NOTA INFORMATIVA PARA AS FAMILIAS
 
Dende o Equipo de Normalización Lingüística do C.E.I.P. de Viñagrande Deiro queremos facer partícipe a toda a comunidade educativa do proxecto para o fomento do uso da lingua galega que se está desenvolvendo no centro este curso.
Nesta ocasión queremos convidarvos a gozar coa “Semana das Letras Galegas” que estamos celebrando no centro con distintas actividades ás que poderedes asistir atendendo ao seguinte horario
 

 

EXPOSICIÓNS:

 
 

“OS OFICIOS DO MAR”


                                                                                                                                                                               
 

 

“AS PARTES DUNHA DORNA”
















“VIDA E OBRA DE XOSÉ MARÍA DÍAZ CASTRO”.
 
Estas exposicións estarán toda a semana no ximnasio do noso centro e poderanse visitar en horario de maña (de 9:00 a 10:00h e de 13:00 a 14:00h) avisando previamente na dirección do centro para asegurarse da dispoñibilidade do espazo..
 
CARTEIS EXPOSICIÓN XOSÉ MARÍA DÍAZ CASTRO
Podedes descargar os carteis da exposición chuzando na imaxe 
 
Os carteis foron elaborados polo CEIP Plurilingüe Lagostelle resultando gañadores do concurso-exposición sobre a obra, época e lingua do autor homenaxeado no Día das Letras Galegas 2014.


 

CURTAS DE ANIMACIÓN SOBRE OBRAS LITERARIAS GALEGAS:

 
Esta actividade está destinada únicamente para alumnado. Consiste na proxección de curtas de animación en lingua galega producidas e dirixidas en Galicia que teñen como orixe obras literarias de destacados autores galegos.
Curtas animadas de adaptacións literarias galegas.
Para acceder ás curtas, chuzar na imaxe.
 

 

ACHEGAMENTO AOS XOGOS TRADICIONAIS: A BILLARDA

 
Un xogador da Liga Nacional de Billarda (que se celebra en Galicia de xeito anual) virá ao centro a  explicarnos as normas da billarda e, se fose posible, fará unha pequena demostración que lles permita, ao alumnado, profesorado e familias, achegarse a este xogo e practicalo no entorno máis próximo.
Esta actividade desenvolverase case con total seguridade o venres 16 a partires das 10:00 na aula de audiovisuais enunha das pistas do recinto escolar. Para asistir a esta demostración deberedes estar no centro cinco ou dez minutos antes. Podera haber cambios no horario que se notificarán deste mesmo xeito.
 

CONCERTO DUN GRUPO DE ROCK

 
O venres 16 a partires das 12:00 da mañá alumnado, profesorado e familias do CEIP Viñagrande poderemos gozar dun grupo de rock chamado QUILMA que se escapa dos estereotipos habituais sobre a relación entre a lingua galega e a música rock. Letras ben coidadas e música ao vivo farannos vivir unha xornada moi especial a todos xuntos.

 Aquí vos deixamos unha das súas cancións como aperitivo do que viviremos en directo.
 


Grazas de antemán pola vosa asistencia.
 
 
Equipo de Dinamización e Normalización Lingüística

ANUNCIOS PUBLICITARIOS A PROL DA NOSA LINGUA

Xov, 05/15/2014 - 10:11 — Anónimo

O alumnado do CEIP Viñagrande Deiro está decidido a promocionar a nosa lingua. Para iso gravaron unhas curtas publicitarias que animan e intentan convencer aos espectadores da importancia de CONSUMIR LINGUA GALEGA.

Distribuir contido


by Dr. Radut