Biblioteca

       Chaveta quere axudarnos cos encargos destas datas de Nadal e, por iso, nos deixa unha selección de bos agasallos. Regalar un libro sempre é regalar unha aventura, animar a descubrir e a explorar, coñecer universos novos, viaxar a mundos descoñecidos....

       Bo Nadal e feliz Ano Novo cargado de BOAS LECTURAS!

       Xa están aquí os heroes, viláns e outros personaxes de banda deseñada para facer as ledicias das nosas lecturas. Durante o meses de novembro e decembro imos poder gozar das aventuras dos mellores cómics que nos chegaron nesta maleta viaxeira prestada pola Asesoría de Bibliotecas.

       Este curso abrimos a biblioteca o día 23 de outubro, co gallo do Día das Bibliotecas Escolares. Nesta xornada de presentación dúas nenas do equipo de voluntarios de bibllioteca, Andrea e Ainhoa de 6º curso, contáronnos a historia de Chaveta, a nosa mascota.

Despois os mestres que forman o equipo de biblioteca fixeron un pequeno teatriño con marionetas, contándonos as aventuras dun personaxe moi particular que tanto vemos pola biblio: "O CONTO".

       As mochilas viaxeiras remataron a súa andaina e, despois de visitar todas as familias, voltaron ao colexio con fabulosas pegadas nos seus cadernos viaxeiros. Non é posible deixar aquí a mostra de todas as páxinas destes cadernos, pero si vos deixamos algunhas das achegas que nos fixestes chegar. Agardamos que fora unha boa experiencia, que repetiremos o próximo curso.

      Moitas grazas a todos e felices lecturas!