Skip to Content

Laboratorio

CONTEXTO CIENTÍFICO

O alumnado de 3º e 4º, mesturados, e de 5º e 6º (tamén mesturados) desenvolven a súa aprendizaxe atendendo á seguinte actuación pedagóxica, organizativa e didáctica:

 

Contextos de Aprendizaxe: En cada contexto trabállanse proxectos dunha área que, unido a outros temas diversos, interrelaciona coas distintas áreas de coñecemento e complementan o currículo dun xeito multidisciplinar. En cada contexto traballa un docente como mínimo. 

O Contexto Científico denomínase LABORATORIO.

 

No LABORATORIO desenvólvense proxectos científicos nos que se desenvolven todas as competencias clave dun xeito integral e con naturalidade, e nos que se traballan establecendo relacións entre os contidos da competencia científica e os de outras competencias (lingüística, tecnoloxica, lóxica e matemática,social…etc.).

O contexto científico está dividido en catro ou cinco minicontextos (en función da ratio) nos que se traballan devanditos proxectos dende unha perspectiva ampla de desenvolvemento competencial.

Os diferentes recantos presentes nesa aula determinan a tipoloxía de actividades a desenvolver.

  • Laboratorio: recanto adicado principalmente á realización de experimentos ou investigacións diversas, segundo a temática do proxecto estudiado. O alumando pode comprobar de primeira man procesos coma a fotosíntese ou os cambios de estado da auga entre outros.
  • Museo: recanto entendido  como un espacio de cultura e de aprendizaxe, que moitas veces supón unha verdadeira revolución didáctica  moito máis potente que a mera transmisión de contidos. Os nenos traballan de maneira creativa na reproducción de murais ou maquetas coma a pirámide dos alimentos ou un ecosistema mariño ou terrestre.
  • Biblioteca: centro de recursos para a aprendizaxe que ofrece oportunidades para realizar experiencias de creación e utilización de información co fin de que adquiriran conoñecementos, comprendan e desenvolvan a imaxinación. O alumnado familiarízase coa investigación e búsqueda de información en libros de ciencia e guías didácticas.
  • Recanto das TICs: este é un lugar para coñecer e utilizar tódalas posibilidades que o soft e o hard informático posibilitan (procesadores, bases de datos, enciclopedias, aplicacións, multimedia, etc.). Preténdese que os nenos busquen e seleccionen na rede a información necesaria e a utilicen para os seus proxectos, actividades, traballos e iniciativas científicas. Que creen con estas ferramentas todo tipo de documentos, arquivos, información e a comuniquen a través de internet.
  • A impresión 3D: Consiste en reproducir pezas a escala dos seu diseños para fabricar prototipos de traballo relacionados con contidos escolares: arquitectura, máquinas simples, escultura...etc. Previamente á impresión 3D o proceso iníciase no traballo de debuxo en papel (2D) para logo trasladalo a barro ou a plastilina e finalmente ao linguaxe informático dun software que permite crear obxectos en tres dimensións.

 

 

 

AS ÁRBORES

No segundo proxecto do contexto científico “As árbores”, os alumnos de 3º, 4º, 5º e 6º traballaron as seguintes actividades:

 

MUSEO

Realizaron unha fermosa maqueta dun ecosistema mariño e outro terrestre relacionada coa súa contorna. A paisaxe escollida foi a praia “As Patiñas”.

 

 

Para comezar esta actividade os nenos copiaron no caderno e aprenderon teoría relativa aos ecosistemas. Unha vez realizada esta parte, visitamos a praia onde puxeron de manifesto os seus coñecementos e posteriormente recolleron mostras de seres bióticos e abióticos para a súa maqueta.

Foi unha experiencia moi agradable da que os nenos disfrutaron moito.

 

 

 

BIBLIOTECA

Completaron fichas de actividades que lle permitiron afianzar os contidos traballados ao longo deste proxecto (as plantas, nutrición, fotosíntese, respiración, …)


Traballaron por grupos pero cada neno completou a súa ficha de maneira individual aínda que as respostas foron  acordadas por consenso entre todos.

Para repasalo podes acceder ao seguinte enlace:

http://www.primaria.librosvivos.net/archivosCMS/3/3/16/usuarios/103294/9/5EP_Cono_cas_ud4_186/frame_prim.swf

 

 LABORATORIO

Neste recanto realizaron dúas actividades:

1) Manexo da LUPA no laboratorio para observar diferentes tipos de follas.  


2) Un experimento de fotosíntese dunha planta acuática.

 

 

TICS

Neste recanto os nenos fixeron unha búsqueda guiada a través da rede sobre información de árbores do colexio. Completaron unha ficha utilizando un procesador de textos e fixeron un código QR para cada unha.

Accede ao enlace e pica nas imaxes  para ver algúns dos exemplos.

https://www.thinglink.com/scene/876844996823613442

 

 

 

EXEMPLO

O profesor Manuel preparou carteis de madeira para colocar os códigos QR ao pé de cada árbore. Este foi o resultado.

 

 

OS ALIMENTOS

Os alumnos de 3º, 4º, 5º e 6º iniciaron o traballo no contexto científico cun proxecto relacionado cos alimentos, o corpo humano e os hábitos saudables.

Durante dúas semanas pasaron polos diferentes recantos nos que desenvolveron as seguintes actividades:

 

BIBLIOTECA

Completaron un dossier sobre o almorzo saudable dun programa dos Ministerios de Educación e Sanidade.

http://www.aecosan.msssi.gob.es/AECOSAN/docs/documentos/

nutricion/educanaos/cuaderno_alumnado_alimentacion_saludable_PERSEO.pdf

 

 Ademais abordaron os diferentes aparellos do corpo humano de maneira que cada grupo preparou un mural e un vídeo titorial explicativo para o resto da clase:

https://www.thinglink.com/scene/856840673796554753

    

 

TICS

Neste recanto desenvolveron miniquests sobre almorzo, comida e cea saudable ou o proceso da dixestión. Exemplo:

 

De maneira individual deron resposta a cuestións do tipo:

 

 

 

MUSEO

O museo o empregamos para traballar a creatividade e preparar maquetas moi didácticas que incluso serviron para apoiar as clases doutros cursos de primaria no centro.

 

 

Os nenos de 3º e 4º implicáronse na creación dun trivial sobre a alimentación saudable de xeito que o último día do proxecto puideron pasar un rato divertido xogando por grupos e repasando os contidos aprendidos.

 

 

 

LABORATORIO

Preparamos un buffet con alimentos variados para que os máis cativos puideran degustar un bo almorzo.

 

 

Despois de degustalo clasificaron os alimentos escollidos segundo os nutrientes que conteñen e finalmente gravaron de maneira individual un vídeo explicativo xustificando a súa elección.

https://www.youtube.com/watch?v=uYhyFCID7NQ

 

A VENDIMA

O mes de Setembro comeza en Viñagrande e para familiarizar aos nosos alumnos de 3º, 4º, 5º e 6º cos recantos do contexto científico aproveitamos unha actividade tan coñecida para todos eles como é a vendima.

 Durante quince días, alumnos e familias participaron en diferentes procesos: visitas, charlas, murais, elaboración e degustación de mosto, contos e moitas outras tarefas que nos fixeron gozar a todos do outono no cole.

 

Distribuir contido


by Dr. Radut