Bo día nenos e nenas,
Para esta semana imos organizar unha viaxe de fin de curso por todo o alto. Lembrádesvos dos tres debuxos sobre os lugares aos que iriades despois do confinamento?
Pois ben agora, deses tres debuxos ides escoller un. Ese será o voso destino da viaxe.
Como toda boa viaxe, hai que organizala ben. Non podemos ir dun día para outro, así ao tolo.
Entón, o que vos propoño é organizar a viaxe a ese lugar, da seguinte maneira
1) Como chegariades ata alí (avión, coche, barco, autobús…), se hai que facer escalas ou non.
2) Cal é a comida típica dese lugar. Un xantar e unha sobremesa.
3) Que lugares visitariades unha vez que esteades alí (5 cousas como mínimo).
Para saber toda a información que precisades, tendes que buscar en Internet.
Por exemplo, se queredes ir a Barcelona tendes que buscar:
- Como chegar a Barcelona desde Vilanova. Aí xa vos van aparecer rutas para facer en coche, pero tamén podemos viaxar dende o aeroporto de Santiago, así xa vos sairán os voos.
- Que ver en Barcelona. Vanvos aparecer moitísimas cousas. De todas esas tendes que escoller como mínimo cinco, as que máis vos gusten.
- Comida típica de Barcelona. Agora só tendes que escoller a comida e a sobremesa que máis vos guste.
Agora o que vos vou pedir e quero que o fagades moi ben, porque sei que podedes todos e todas é que presentedes un traballo con:
1.Portada, na que vaia un debuxo dese lugar, coloreado e moi ben feitiño.
2.Ten que ir o nome do lugar que visitades e o voso nome para eu poder recoñecervos.
3.Todo o que escribades dos puntos que vos expliquei anteriormente. (Como chegar ata aí, que lugares se poden visitar e a comida típica).
4. Isto tenvos que ocupar 2 folios. Un é para a portada e o outro para escribir
Coma sempre, unha vez finalizado tendes que mandalo a: marinas@edu.xunta.gal
Moito ánimo
Mariña
