2008-2009

SEMANA CULTURAL

     O Equipo de Normalización Lingüística xunto co Equipo de Biblioteca, con motivo da celebración do DÍa das Letras Galegas, organizamos unha Semana Cultural coas seguintes actividades:

  • O luns 18, actuación do contacontos  Mario Tomás.
  • O martes 19, celebramos no noso colexio a fase provincial das " Xornadas de Multideporte Escolar".
  • O mércores 20, sesión de música e baile galegos. Ademais lemos a biografía de Ramón Piñeiro, escritor homenaxeado este ano no Día das Letras Galegas, e expuxemos os cadros da pintora galega Maruja Mallo realizados en cada ciclo.
  • O xoves 21, asistimos ao 4º recital poético.
  • E para rematar o venres 22, proxectamos a película galega " O espírito do bosque".

 ¡ Foi unha semana coa que disfrutamos moito !

 

O contacontos Mario Tomás escenificando unha das súas historias.

 

O alumnado ensemesmado escoitando ao contacontos.

 

Un grupo de nenos e nenas interpretando unha cantiga.

 

" A laranxa foi á fonte ", peza bailada por un grupo de alumnos e alumnas.

 

No recital de poesía os nenos e nenas de 3 anos interpretando " Xan de Outeiro ".

 

Os alumnos e alumnas de 4 anos recitaron " Todos somos iguais ".

 

O grupo de 5 anos escolleron unha poesía sobre a primavera.

 

" A pita choca " de Manuel María foi interpretada por un grupo de 1º curso.

 

O curso de 2º memorizou poemas de Ana Mª Fdez.

 

Rosalía de Castro foi a autora escollida polo grupo de 3º.

 

Un grupo de 4º recitou " A fouce " de Manuel María .

 

" As rúas do vento ceibe " de Manuel María foi interpretada polo curso de 5º.

 

Un alumno de 6º recitou " Galicia " de Manuel María. 

 

O alumnado de 6º deunos a coñecer as súas creacións poéticas.

 

EN ABRIL, LIBROS MIL.

       Baixo o título " En abril, libros mil " englobamos unha serie de actividades encamiñadas a que o noso alumnado e as súas familias atopen na lectura unha fonte de coñecementos, unha forma de evadirse, un medio de diversión, un xeito de coñecerse mellor a un mesmo e aos demais...

     Así durante este mes puxemos en práctica as seguintes actividades:

  • Lectura de contos de Andersen en cada aula realizadas polo profesorado durante a " Hora de ler " , solicitando a colaboración da Biblioteca Municipal con empréstitos dalgúns destes contos.
  • " Libros ao patio ". Exposición das novidades bibliográficas para o alumnado no patio e no pavillón durante os recreos.
  • Mostra dos libros da " Sección de adultos " na entrada do colexio co obxecto de achegalos ás familias. Se lles invita a levar o libro que desexen realizando eles mesmos o empréstito. 
  • Representación teatral da obra " A cebra Camila " a cargo dun grupo de nais do noso alumnado.
  • Coma todos os xoves, contacontos realizado polas familias do alumnado de Infantil.
  • Exposición de traballos elaborados polos nenos e nenas sobre o seu libro favorito.
  • Teatro de monicreques " A xoaniña rosmona " a cargo dos profesores Mª Jesús e Luis.
  • Entrega do premio ao " Máis León ou Leona " deste trimestre e do Boletín Informativo da Biblioteca xunto cun marcapáxinas de agasallo.

    

 

No patio observando as novidades.

 

As nais escenificando un conto.

 

 

Recollendo o premio ao " Máis León". 

Nais escollendo un libro do expositor de adultos habilitado na entrada do colexio. 

 

 Traballos do noso alumnado.

 

 Monicreques ao cargo dos profes. 

 

ENTROIDO 2009

               Dende a Biblioteca propuxemos unha serie de actividades para celebrar o entroido:

  • Obradoiro de carautas durante os recreos .
  • Debuxo da nosa mascota Tepo disfrazado libremente polo noso alumnado. Estes traballos utilizáronse para decorar a Biblioteca.
  • Proxección dun video documental sobre o entroido en Laza ( Ourense), solicitado a este concello.
  • En colaboración co Equipo de actividades complementarias e extraescolares celebrouse na Biblioteca o desfile e baile de disfraces ao que asistiron numerosos familiares. Duranre o recreo degustáronse lambetadas propias destas datas aportadas polo alumnado, así como unha chocolatada preparada pola ANPA.

                                    ¡¡¡QUE BEN O PASAMOS!!!

   
   
   

SEMANA DO AMOR E DA AMIZADE

Aproveitando a data de S.Valentín, do día 9 ata o 13 de febreiro celebramos a "Semana do amor e da amizade" realizando as seguintes actividades:

  • Exposición de libros de amor e amizade que o alumnado trouxo das súas casas, xunto coas súas opinións sobre estes contos.
  • Redacción de cartas para seren entregadas en cada aula pola mensaxeira da nosa mascota Tepo.
  • Por último, invención de poemiñas de amor.

        ¡¡¡ FOI UNHA SEMANA CON MOITISIMO CORAZÓN !!!    

   

TEPO QUERE SABER...

     Coa finalidade de conseguir que o noso alumnado adquira as habilidades necesarias para buscar a información que precisan nos fondos da biblioteca, puxemos en marcha un concursiño chamado "Tepo quere saber...".

     Aproveitando as enormes posibilidades que nos ofrece o noso programa semanal en Radio Tui, damos a coñecer tres preguntas: unha para Infantil, outra para os cursos de 1º e 2º e a última para os nenos e nenas de 3º ata 6º.

     As respostas deberán atopalas nos andeis e libros que lles indicamos. Unha vez escritas as introducen no buzón de Tepo. Tamén poden comprobar as puntuacións que van conseguindo, unha estreliña por cada resposta correcta, nos taboleiros situados na biblioteca.

     Esta experiencia está a constituír todo un éxito. O alumnado agarda con interese o programa de radio para coñecer as solucións ás cuestións propostas, así como as novas preguntas.

Nenos e nenas buscando as respostas do concursiño.

 

Buzón de Tepo.

 
Taboleiro coas puntuacións.

 

Preguntas de tepo quere saber.

SEMANA DO SAMAÍN

  Do día 27 ao 31 de outubro celebramos a Semana do Samaín, en colaboración co Equipo de Normalización Lingüística e  de Radio, realizando as seguintes actividades:

  • Audición da "Danza Macabra" de Saint Saëns nas entradas e saídas.
  • Exposición de libros terroríficos baixo o título: "Bruxas,monstros,pantasmas...na Biblioteca".
  • Ornamentación e exposición de cabazas realizadas en colaboración coas familias.
  • Elaboración de relatos de medo.
  • Creación de personaxes monstrosos coa súa descrición.
  • Proxección dos curtos de Disney titulados: "Danza macabra", "La casa encantada" e "El club de los villanos".
  •  Dramatización do conto "A bruxa enrabechada".
  • Por último, entrega dos premios ás cabazas máis votadas polo alumnado así como diplomas a todos os participantes. 

      Se queredes mergullarvos neste mundo de conxuros, feitizos, magos, vampiros, monstros e demais personaxes terroríficos, no apartado de "Recomendámosche" tedes unha relación de libros clasificados por ciclos, que vos fará disfrutar de medo.

 

Nenos e nenas de 4º e 6º dramatizando "A BRUXA ENRABECHADA"

  Alumnado e profesorado na proxección dos curtos de "DISNEY"

 

 
Personaxes terroríficos e a súa descrición.
  
Mostra de cabazas realizadas polas familias de Infantil e 1º Ciclo.
   
Entrada da nosa biblioteca. 
  
 Cartel realizado polo alumnado de 4º de Primaria.

DÍA DAS BIBLIOTECAS

O día 24 de outubro celebrouse o Día das Bibliotecas. Co obxectivo de presentar a Biblioteca do Centro como un lugar de encontro do alumnado e profesorado, a nosa mascota TEPO enviou a todas as clases unha invitación para asistir á lectura de diferentes contos na Biblioteca. Ademais deixou,  como agasallo en cada aula, un cartel de animación á lectura de Bibliotecas Escolares recollido polo profesorado do Centro, que asistiu aos II Encontros de Bibliotecas Escolares de Galicia, celebrado en Santiago os días 17 e 18 de outubro.

              FELIZ DÍA DAS BIBLIOTECAS ESCOLARES !!

            

MOCHILA VIAXEIRA

   No 3º trimestre do curso pasado puxemos en marcha só para a alumnando de 6º de Educación Primaria a campaña da "MOCHILA VIAXEIRA" . Dada a boa acollida da mesma, tanto polas familias como polo alumnado do cole, decidimos darlle continuidade,  incorporándoa a todos os cursos do Centro.

     As mochilas viaxeiras entregaranse ao alumnado os venres e serán devoltas o venres da semana seguinte. Levan contos, películas e música para todos os membros da familia. Ademais irán acompañadas do " DIARIO DUNHA MOCHILA" que contén :

  • Información sobre esta campaña.
  • Unha folla na que cada familia poderá dar a súa opinión sobre o  seu contido.
  • Un listado dos fondos prestados.

      

 

Con esta campaña pretendemos concienciar ás familias do importante papel que desempeñan no fomento da lectura.

 

Distribuir contido