A semana pasada coñecimos a obra máis famosa de Andy Warhol e decidimos darlle o toque "warholiano" á nosa Rosalía...

    Co gallo do Día da Paz, fixemos unhas pombiñas con pratos de plástico. Ao rematar o acto colgámolas no enreixado do patio para que disfrutaran das fermosas vistas que ten o noso cole.

      Os maiores decoraron círculos de cartolina con deseños moi creativos utilizando símbolos e mensaxes de Paz.

    Neste Nadal, o alumnado de 5º de Ed. Primaria fixo un adorno moi orixinal. Manipulamos un novo material que semella plastilina pero que seca ao aire e queda coma goma eva. Con el fixemos un bonequiño de neve cos seus detalles e metímolo nun frasco de vidro xunto con boliñas de neve artificial, unha ramiña dourada e un limpapipas simulando un abeto. Decoramos a tapa e... listo!

Neste Nadal, o alumnado de 4º de Ed. Primaria levou para casa unha mascota un tanto especial: un reno moi lambón, xa que no seu interior podíanse gardar bombóns ou doces. Pasámolo xenial facendo cornos con limpapipas,colocándolle a bufanda e a campaíña... noraboa polo resultado, quedaron realmente simpáticos.

Os alumnos e alumnas de 3º de Ed. Primaria elaboraron árbores de Nadal con goma eva. Gustoulles moito que levaran purpurina, e puxeron moita atención en recortar amodiño para obter un bo resultado. As bólas e as estrelas fixémolas con troqueladores.

   Os alumnos e alumnas de 1º e 2º de Ed. Primaria elaboraron uns divertidos duendes para adornar as árbores de Nadal. Marcharon contentísimos!!

   Aínda que o Nadal xa pasou,  tiña pendente mostrarvos a exposición dos vosos traballiños, porque a verdade é que quedaron chulísimos e o pasamos xenial elaborándoos, verdade que si? A exposición final gustou moito, noraboa!

    Non se pode comezar de mellor forma que observando estes preciosos cadros cos que me agasallaron esta semana. E aínda é mellor se escoitamos unha fermosa música: refírome ao "Valse das flores" de P. I. Tchaikovsky, un gran compositor...

Benvidos/as ao blog de Ed, Artística do C.E.I.P. de Rebordáns, Tui.

Con toda a ilusión do mundo mostraremos  actividades realizadas en Música e en Plástica, nas que a percepción e a produción artística serán as protagonistas.

Espero que disfrutedes tanto coma nós ao realizalas!