Skip to Content
Lugar de Pedrouzos s/n Brión , A Coruña, Tfno 881866078 ceip.pedrouzos@edu.xunta.gal

Menús comedor 2º trimestre curso escolar 2015/16

Xuntamos menús do servizo de comedor para o segundo trimestre do curso escolar 2015/16.

Os Paxes Reais en Pedrouzos

Hoxe os nenos e nenas do Ceip de Pedrouzos recibiron a visita dos Paxes de SS.MM. os Reis de Oriente aos que lles poideron entregar as súas cartas. Ao mesmo tempo os Paxes deron a cada neno un doce agasallo.

(ver fotos)

Visita do Apalpador

O Apalpador veu da serra do Courel para visitar aos máis pequenos/as de Pedrouzos.

Na noite do 25 ou do 31 de decembro, este xigante bonachón e de oficio carboeiro, abandoa as altas montañas nas que vive e baixa ás aldeas para entrar sen facer ruido nos cuartos dos máis pequenos. Despois de palparlles a barriguiña con moito coidado (de ahí o nome de Apalpador) e comprobar que estaban ben alimentados, desexáballes o que o vindeiro ano non pasen fame e como agasallo de Nadal deixalles unha boa presa de castañas asadas.

 O Apalpador tamén falounos do importante que é ter unha alimentación sá e equilibrada e de respectar e coidar o noso entorno. (ver fotos)

DE VISITA POR NOIA

O luns, catorce de decembro, todo o alumnado de cuarto fomos a Noia, en autobús, coas profes: Belén, Mariló, Paz e Bea para visistar o museo do Mar e facer un obradoiro no supermercado Eroski. O martes irán os nosos compañeiros/as de terceiro cos seus profes: Gabriel, Benedicta, Mª José e Teresa.  (ver fotos)

 

Ao baixar do bus, tivemos que ir andando ao museo de Santa María, a Nova, que antes era unha igrexa. Primeiro, vimos as laudas gremiais e despois, un belén moi grande que tiña un río con peixes.

Encontro na biblioteca co escritor David Fernández Sifres

 

David Fernández, o autor de Un intruso en mi cuaderno, ¡ Que vienen los marcianos ! e ¡ Que vienen los fantasmas!, pasou polo colexio para falarnos dos seus libros e dalgunhas anécdotas da súa infancia.

Tiñamos moitas ganas de coñecelo e non nos defradou. Rímonos moito cando nos contou os motivos que o levaron a escribir, entre eles para que unha rapaza lle fixese caso,  e para  poder inventar mentiras sen que os seus pais lle rifasen, máis ben ao contrario, porque estaban orgullosos do ben que escribía.

Tamén nos levamos unha sorpresa cando apareceu cunha pantasma da que penduraban unhas piruletas, que regalaba a quen acertara as preguntas que facía.

Rematou o encontro asinando exemplares dos seus libros.

 

Actividades de sensibilización sobre a discapacidade en Educación Física

Dende a área de Educación física, tratamos de sensibilizar ao alumnado sobre a discapacidade física a través do desenvolvemento de actividades onde os alumnos e alumnas teñen que poñerse no lugar dunha persoa invidente e experimentar as dificultades de movilidade coas que se atopan.

(VER FOTOS)

3 de decembro día internacional da discapacidade

Hoxe reunímonos todos no patio do recreo para conmemorar este día.

Todas as actividades realizadas na campaña tiveron como obxectivo concienciar ao noso alumnado sobre a situación e as dificultades coas que se atopan na sociedade as persoas con discapacidade e as barreiras existentes.
Quixemos contribuir a conseguir un mundo sen barreiras e en igualdade, xa que coñecendo e comprendendo as circunstancias destas persoas, podemos formar unha sociedade máis igualitaria, de aceptación activa á diversidade e á diferencia.
O alumnado de quinto e sexto leron as súas reflexións sobre o que quere dicir a integración e  a aceptación real da discapacidade. Despois cantamos todos xuntos unha canción de María Fumaça en lingua de signos "Eu teño alguén".

foto das gradas co alumnado

 

 

 

 

 

 

 

(Fotos)

Charla de Marián e Carmen da ONCE

Dentro do programa de actividades de sensibilización sobre a discapacidade que estamos a desenvolver ao longo destas dúas semanas, visitáronnos Marian e Carmen, traballadoras da ONCE de Pontevedra e de Santiago. Faláronos da problemática e dificultades das persoas con discapacidade visual e das ferramentas e estratexias que empregan para superalas e conseguir ter unha vida completamente normal. O noso alumnado tivo a oportunidade de experimentar como se despraza unha persoa cega con axuda de bastón ou dun acompañante, como xogar cun balón sonoro ou de recoñecer cores a través do olor.
Estas dúas mulleres demostráronnos que a integración e a inclusión é posible.

(Ver fotos)

Exposición materiais da ONCE

Estes días, na entrada do cole, está instalada unha exposición de materiais da ONCE emprestada polo centro de recursos da ONCE de Pontevedra.
O noso alumnado está a visitar estes materiais para persoas con discapacidade visual. Hai algúns adicados á aprendizaxe de Braille (xeradores, plantillas, alfabetos,...); educativos (mapa en Braille, xerador numérico, contos...)­; materiais de uso cotiá (bastóns, metro, detector de líquidos) e tamén de ocio como parchís, dominos, balón sonoro,...
Ademáis de experimentar con todos estes materiais, propuxemos aos nosos alumnos e alumnas un concurso no que teñen que ler unha frase en Braille.

(Ver fotos)

Frase escrita en Braille neno facendo puzzle adaptado

Carteis da campaña de sensibilización sobre a discapacidade

O alumnado de primeiro, segundo, terceiro e cuarto de primaria está a elaborar carteis co fin de concienciar sobre distintos aspectos da discapacidade e accesibilidade.

Despois de reflexionar nas aulas sobre os dereitos das persoas con discapacidade, queren reflectir, plásticamente  e cun lema, a importancia de mellorar e investir en accesibilidade dende a mirada da igualdade e a inclusión.

 

(Ver carteis)

 

Distribuir contido


by Dr. Radut