Comedor escolar

Actividades complementarias e extraescolares

Preme nas imaxes se queres máis info

Contacta con nós

ceip.pazos.ferrol@edu.xunta.gal

Usuarios conectados

Agora mesmo hai 0 usuarios e 1 invitado conectados.

Biblioteca

CONTACONTOS EN LSE: "Me he perdido"

Enviado por ros.rod o Dom, 17/06/2012 - 17:10

Biblioteca

Start: 04/05/2012 11:45

End: 04/05/2012 12:15

Timezone: Etc/GMT

Contacontos no recreo para Infantil e os primeiros ciclos de Primaria en Linguaxe de signos.

Lola e Paula, contacontos na Biblio Xoán Farias

O pasado venres as profes Paula e Lola déronnos unha sorpresa porque preparon un conto para as nosas sesións de "CONTACONTOS NOS RECREOS". Escolleron "¡Me he perdido!", de JuanolO (entra, se o desexas, no seu blog), de Carambuco Ediciones. Navegando pola páxina deste escritor e ilustrador atopamos unhas láminas para colorar do noso amigo caracol... ¿Anímaste a intentalo? Que ¿quen é o noso amigo o caracol? Pois o portagonista do conto. Busca que te buscarás unha casiña e resulta que o caracoliño levábaa enriba! ¡Este caracooooool!

* Así foi a sesión: A medida que a profe Lola nos contaba e ensinaba as preciosas ilustracións, Paula completábao coa LSE. Resultou unha activdade moi interesante da que xa había tempo que non disfrutabamos, Ao final escoitamos e vimos o DVD. ¡FENOMENAL!

Grazas ás dúas por este ratiño tan bo e grazas a JuanolO por escribir e ilustrar este conto. ¡Gustounos moito!

Ata a próxima!
Deixámosvos coas fotos da sesión.

E, por últimoooooo... ¡O CONTO!

Calendario

CELEBRACIÓN DO DÍA DO LIBRO NA BIBLIOTECA

Enviado por ros.rod o Dom, 17/06/2012 - 17:05

Biblioteca

Start: 23/04/2012 12:15

End: 23/04/2012 13:15

Timezone: Etc/GMT

O pasado luns subimos á Biblioteca tan pronto como entramos no cole para, un ano máis, celebrar o Día do Libro. Alí estaba na pantalla Miguel de Cervantes.

Durante a semana pasada, cada clase, elaboramos un conto con temática do Sáhara e chegara o momento de lelo, ou contalo. Michelle comezou a sesión falándonos sobre a figura de Cervantes, para dar paso á lectura dos contos. Empezaron os de E. Infantil coa profe Rosa para continuar co resto dos grupos. Aquí os tedes. Esperamos que vos gusten.

1º

Calendario

CELEBRACIÓN DO DÍA DA POESÍA E O TEATRO

Enviado por ros.rod o Dom, 17/06/2012 - 17:03

Biblioteca

Start: 17/06/2012 15:00

Timezone: Etc/GMT

Reunidos na Biblioteca Xoán Farias do noso Centro, celebramos o Día da Poesía e o Teatro.

Este ano retrasamos un pouco a nosa festa, pero non pensedes que por iso foi menos importante. Este foi o programa:

Infantil 3-4 anos: Baile "Chis-pum"
Infantil 4-5 anos: Poesía "Por la noche sale el gato"
1º EP: Teatro " Por fin vacacións!"
2º EP: Poesía "Estaba a amora"
3º-4º EP: Poemas "As catro estacións"
5º EP: Romance "A pomba"
6º EP: Poema "El rey de papel" (Se picades no enlace atoparedes máis información nos Cadernos de 5º e 6º). Incluso estas versións musicadas.
Ademais, Alberto Souto, interpretou, xunto cos seus compañeiros, un poema en linguaxe de signos: " "

Deixámosvos aquí as fotos da celebración. Con maleta de Chispa incluída, claro.

Calendario

CONTACONTOS NO RECREO

Enviado por ros.rod o Dom, 17/06/2012 - 16:52

Biblioteca

Start: 20/03/2012 11:45

End: 20/03/2012 12:15

Timezone: Etc/GMT

FREDERICK: Contcontos no recreo. A profe Feli coa axuda de Michelle e Dani

Esta mañá Feli contounos "Frederick".

Frederick de Leo Lionni, conta a historia dun pequeno rato de campo ao que só lle gustaba mirar as estrelas e atrapara os raios do sol, as cores e as palabras no aire. Cando vai chegar o inverno os ratiños que vivían con el comezan a recoller provisións, pero Frederick non. El soñaba coas cores da primavera... Recollía os raios do sol para os fríos días do inverno.
Cando chegou o momento agocháronse entre as pedras do muro. Foron pasando os días e pouco a pouco as provisións foron diminuíndo ata que non quedou nada. Daquela os ratos empezaron a enfadarse e a poñerse nerviosos.
¿E as túas provisións, Frederick? Preguntáronlle.
O ratiño comezou a contarlles historias cheas de luz, de color e das palabras bonitas que fora recollendo. Os demais comezaron a soñar e a sentir de novo a vida que Frederick lles transmitía.

Igual que Frederick, hoxe Feli fíxonos felices transmitíndonos unhas raiolas de sol, unhas pinguiñas de color e as máis fermosas palabras.

¡FELIZ PRIMAVERA E FELICES LECTURAS!

¿Queredes ver as fotos desta sesión? Hainas de antes de que empezase a sesión, porque a profe Feli fíxonos sufrir un pouco, ¿a que si? Tamén podedes ver a Dani e a Michelle que formaron equipo coa profe. E por último podedes ver máis fotos dos debuxos de Frederick que se repartiron para que cada quen poida facer a súa marioneta.

Aquí vos deixo este vídeo en inglés por se queredes recordar o conto...