Actividades Complementarias

Mandado do Meco para o luns

28/02/2011 00:00
28/02/2011 14:00
Etc/GMT

 Xa chega o MECO cos seus mandados... preparádevos para a Entroidada!!!


 

O Humor na Ópera

08/02/2011 10:00
08/02/2011 11:15
Etc/GMT

  O vindeiro martes 8 de febreiro ás 10:00h os rapaces e rapazas de 2º e 3º ciclo asistirán a unha representación de Ópera no Teatro Jofre, que leva por título "O Humor na Ópera".


   O Humor na Ópera consta de catro das máis coñecidas e representadas óperas buffas da historia da música: A frauta máxica, Así fan todas, El barbero de Sevilla e O elixir do amor.


   Neste espectáculo elíxense as partes máis espectaculares de cada obra na súa máis alta calidade musical e vocal pero engadíndolles sorpresas interpretativas que conseguen achegarlles aos nenos e nenas a idea de cada compositor.


   Unha representación moi áxil, amena e divertida, á vez que ortodoxa nas formas clásicas da ópera que nunca se deben de abandonar.


 


 





Onte fomos ao Teatro Jofre a ver, tal e como tiñamos anunciado, un espectáculo sobre o humor na ópera. Unha selección de catro pezas que se correspondían con outras tantas óperas. Non interpretaron a tan esperada "La flauta mágica", de Mozart, pero si puidemos ver outras tres: "Así hacen todas" de Morzart, "El barbero de Sevilla" de Rossini e "El elixir de amor" de Donizetti.
Na Biblioteca e nas aulas traballamos co libro "ÓPERA". Se non o coñecedes, recomendámovolo. É un fermoso libro na que están recollidas as máis importantes óperas de todos os tempos e os seus autores. Está belamente ilustrado por
Ericka Martínes; e os textos son de Juan Arturo Brennan. Editorial Castillo, na súa colección El Armadillo

Tamén podedes disfrutar dun pequeno vídeo da recente representación en Ourense de "El Humor en la Opera" - Camerata Lírica de España. Fonte: tempodelecer

Día da Paz 2011

28/01/2011 12:15
28/01/2011 13:55
Etc/GMT

     Este venres para celebrar o Día da Paz e a Non Violencia temos preparada unha actividade moi especial.


     Organizamos unha caza do tesouro que mobilizará a todo o cole. Todos xuntos, nenos e profes teremos uns mandados moi particulares que facer se queremos conseguir o premio final... pero para logralo teremos que traballar todos xuntos!!!


     Todos somos importantes!!! Formamos un gran EQUIPO!!!



Adicamos gran parte da mañá do venres a celebrar o Día da Paz.
A primeira actividade consisitíu na lectura do novo Libro colectivo da Paz, no que traballamos ao longo destes últimos días. Por fin chegou o momento de que todos puidesemos ver o que fixeron os compañeiros e compañeiras dos outros cursos, incluíndo as especialidades, como podedes ver na portada do libro: PAZ EN PAZos.
Despois, como era de esperar, chegou a maleta de Chispa cunha carta, máis libros e as intrucións dunha Caza do Tesouro que tivo lugar despois do recreo e que continuaremos o luns.

E por fin chegou a hora de A CAZA DO TESOURO. Todos os nenos e nenas meturados en dez grupos recorreron cinco postos repartidos polo cole para superar cinco probas, e conseguir cinco pezas dun puzzle, que se correspondía coas portadas de dez libros da PAZ que temos na Biblio. A intriga continúa e ata o luns non saberemos que sorpresa garda o tesouro; para iso aínda deben localizar os libros nos andeis da Biblioteca, coller a chave agochada dentro deles e localizar o cofre. Pffff! Canto camiño queda aínda...

Ata o luns!

Festival de Nadal

21/12/2010 11:00
21/12/2010 13:30
Etc/GMT


Convidamos a toda a Comunidade Educativa a asistir á representación que terá lugar na Sala de Usos Múltiples do colexio a partir das 11:00 da mañá do vindeiro martes 21 de decembro.


Despois haberá unha degustación de productos típicos de Nadal no ximnasio á que tamén estades convidados.


Esperámosvos a todos e a todas!!!  Bo Nadal!!!



¿Queredes ver as fotos de festival de hoxe? Acaban de chegar, quentiñas, quentiñas do forno.
Bailes, teatro, panxoliñas, entrega de diplomas e un audiovisual que poderemos ver máis adiante.

Estas son as primeiras fotos... é que fixemos moitas.

E estas, o resto.

FELICES FESTAS!

Cine: O espíritu do bosque

15/12/2010 10:00
15/12/2010 13:00
Etc/GMT

Sesión de cine para Infantil e 1º ciclo de Primaria, nos cines Dúplex, Ferrol.

Un poderoso home de negocios pretende construír unha estrada que atravese a Fraga e a malvada Sra. D’ABONDO ve chegar a súa oportunidade para acabar co bosque.

CARBALLO e os seus compañeiros están en perigo e todos os animais que viven ó seu amparo terán que fuxir. Pero as toupas FURI e LINDA e o rato PIORNO non pensan renderse, e tampouco CEBOLO, un toupo asustadizo recén chegado da cidade. Na súa nova aventura contan coa axuda do “Clan dos Gatos Libres”, liderado polo valente, aínda que algo vaidoso, TIGRE.

Incluso HU-HU e HO-HO, as moscas pillabanas, deciden botarlles unha man. Cando descobren de que ten medo a Sra. D’ABONDO, FURI propón darlle “vida” … ó ESPÍRITO DO BOSQUE.

Distribuir contido