Eventos

ACTIVIDADE ANULADA POR RAZÓNS DA INFRAESTUCTURA DO TEATRO JOFRE

O teatro tivo unha avaría no telón de seguridade do escenario

e a día de hoxe non está reparada.

Aviso recibido ás 10:20 horas do 21/03/2011

     O martes 22 de marzo, os rapaces e rapazas do 2º e 3º ciclo de Educación Primaria asistirán ao Teatro Jofre para participar do espectáculo musical e teatral "As formas da música".

     Mostraranse algunhas das formas e estructuras máis sinxelas utilizadas ao longo da historia. En escena, un grupo de instrumentistas-actores, un director e un presentador algo músico, buscarán a complicidade do público para conseguir unha escoita atenta e participativa.

 

 

   Hoxe, venres 25 de marzo, celebraremos na Biblioteca o Día Mundial da Poesía e o Teatro cunha escolma poética e unhas pequenas representacións teatrais na que participarán todos os nenos e nenas do colexio.

Levamos unha semana con intercambio de poesías. Este é o terceiro curso en que decidimos agasallarmonos con poemas. ¿Recordades? "¿HAI VERSOS PARA MIN?" Claro que si! Todos os días visitamos a biblio para ver se alguén nos deixou algún verso de agasallo; ou, se cadra, a deixar algún sen que nos vexa demasiada xente... SORPRESAAA!!! Os libros de poesía da nosa Biblioteca non pararon de pasear dos andeis ou da exposición ás clases, ás casas, outra vez á biblio... - Pois déixame ese libro, anda, que teño que copiar un poema para enviarlle a... - A min encantoume o de... - Profe, profe! Que tes versos na biblio... - Hala!! Que non tes versos? Mmmm! Xa verás como mañá si. Algúns ímolos colocándoos na parede para compartilos cos demais. Pero este venres celebramos o día. Houbo tempo para poemas e para unha pequena escenificación tamén. Noraboa a todos e a todas pola vosa participación, polo voso traballo e entusiasmo.

Se queredes ver un fermoso video, premede en pequesPazos.

 

   O martes 5 de abril os rapaces e rapazas de 2º e 3º ciclo de Primaria asistirán a unha representación teatral en inglés no Teatro Jofre.

   Sinopse: Cindy sempre quixo ser unha estrela do pop, pero o único momento no que pode cantar é cando está a cociñar e limpando para a súa horrible irmá maior, Becky. Becky está obsesionada con comer chocolate e comida rápida e en xogar a xogos de video. Cando a fada madriña de Cindy "A raíña do Karaoke" vén visitala, parece que os seus soños se van facer realidade.

   Esta emocionante comedia é unha moderna versión do conto de fadas clásico "A Cinsenta". O espectáculo inclúe temas como a boa alimentación e vivir activamente perseguindo sempre os nosos soños.