Entre as actividades que se programan desde os Equipos de Biblioteca e de Dinamización da Lingua, había unha que estaba esperando a súa aparición e foi hoxe cando puido entrar en escea.
Tivemos a sorte de poder contar coa visita de Santiago Fernández Fernández, un persoeiro moi polifacético: actor, director de teatro, experto en dobraxe, autor de varios libros e tamén de numerosos artigos. E como di el, o máis importante, é de Muros.
Estivo contándonos cousas do seu "oficio" como el o chama. Que é o cine, que é o teatro e as súas diferencias. Remontámonos a Grecia onde coas "hipócrates" (as caretas que utilizaban) os actores facían de distintos personaxes; falamos de sentimentos, de imaxinación, de representación,...
Contounos como empezou, descubrimos algúns dos personaxes que tivo que interpretar (algúns malos, malísimos!!), e tamén coñecimos varias das películas nas que actuou como "O lapis do carpinteiro" e mesmo series de televisión como "Mareas vivas".
Ademais tamén nos enteramos de que dobrou a un personaxe moi. moi coñecido nunha serie televisiva e de que era a súa voz a que pronunciaba esa frase tan típica "Estás bébeda Sue Ellen". Preguntádelle aos maiores de que personaxe se trata que seguro que o saben!
Pasámolo moi ben con el e dámoslle as grazas por compartir parte do seu tempo e da súa experiencia con todos nós.
Neste video tedes un resumo do que foi este visita.
