Este curso 2018-19 poderemos gozar do espectáculo "O xogo das letras", a cargo da compañía de teatro Galeatro, de Carballo. Nesta obra de teatro, o protagonista terá que superar unha serie de probas relacionadas coa cultura, a literatura e a xeografía galegas. Trátase de achegarnos á vida e obra do autor homenaxeado: Antonio Fraguas, dunha maneira amena, así como á doutros autores homenaxeados/as en edicións anteriores. 

A actuación terá lugar no salón de actos do noso centro o 10 de maio de 2019, formando parte das actividades que organiza o EDLG con motivo das Letras Galegas. Realizaranse dous pases, un para o alumnado de Ed. Infantil e outro para o de E. Primaria. 

O Concello de Arzúa vén de concedernos unha subvención ao CEIP de Arzúa que nos permite financiar esta actividade!!