CEIP de Curtis

O próximo luns, 1 de marzo, abre o prazo de admisión de alumnado para o vindeiro curso escolar: 2021- 2022. Rematará o 22 de marzo. 

Ademais da instancia que poden solicitar no centro educativo ou descargar no documento adxunto, deberán presentar unha fotocopia cotexada do libro de familia. 

No caso de separación ou divorcio, a solicitude deberá estar asinada por ambos proxenitores, agás que aquel que presenta a instancia teña atribuída a patria potestade con carácter exclusivo mediante resolución xudicial. En ambos casos será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.

Para solicitar a instancia ou entregala, deben solicitar cita previa no teléfono: 881880647, en horario de 09:00 a 14:00.

As nenas e nenos do Ceip de Curtis cociñaron postres típicos desta época do ano, o entroido. Mirade que boa pinta teñen!

Queremos aclarar que dito procedemento se refire  ao alumnado que se matriculará en ESO. A titora de sexto entregará ao alumnado o documento de solicitude na vindeira semana para que o devolvan cuberto no prazo especificado. 

En canto á solicitude de admisión de alumnado que se matriculará en 4º de Educación Infantil, informaremos nesta páxina web.

QUERIDAS FAMILIAS:

COMO TODOS SABEDES, HOXE, 22 DE DECEMBRO, REMATAN AS CLASES E REANÚDANSE O VINDEIRO 8 DE XANEIRO.

FINALIZA O PRIMEIRO TRIMESTRE, AFORTUNADAMENTE, SEN INCIDENCIAS DESTACABLES.

CANDO COMEZAMOS ESTE CURSO, A NOSA PREOCUPACIÓN ERA IMPORTANTE, PERO GRAZAS AO ESFORZO DE TODA A COMUNIDADE EDUCATIVA, ESTA FOI DISMINUÍNDO E PUIDO DESENVOLVERSE A ACTIVIDADE EDUCATIVA CON NORMALIDADE, AINDA QUE, NUNHA NOVA REALIDADE.

O CLAUSTRO DO CEIP CURTIS QUERE AGRADECERVOS O GRAN ESFORZO QUE FIXESTES AS FAMILIAS E, EN ESPECIAL, OS ALUMNOS E ALUMNAS, PARA INTENTAR NORMALIZAR A SITUACIÓN.

DESEXÁMOSVOS MOITA SAÚDE PARA ESTE VINDEIRO 2021 E QUE COMO SE SOE DICIR, QUE DE HOXE NUN ANO... ESTA SITUACIÓN SEXA UN MAL RECORDO, AINDA QUE, ISO SI, NOS DEIXE UNHA APRENDIZAXE DE VIDA.

BO NADAL E FELIZ 2021!