"OSIÑO": MONICREQUES PARA INFANTIL

Dentro da programación para Escolares de Afundación, chegou a Ourense "Osiño", de Trompicallo. A vida nun anaquiño de fraga transfórmase coa chegada das diferentes estacións. Neste lugar vive Osiño coa súa nai. Con eles pasaremos un inverno en que Osiño ten moito frío, mais a súa mamá vaille ensinar o que un oso debe facer para non telo e poder xogar coa neve. Na primavera coñeceremos o avó de Osiño, que lle contará o seu conto favorito, o de cando a súa mamá de pequena coñecera un paporrubio. Polo verán levaranos dar un longo e fantástico paseo nocturno para poder levarlle á súa mamá un anaco de queixo moi especial. E no outono celebraremos o seu aniversario con el e os seus amigos Porquiño, Coello e os Ratos.

 Unha divertida función de teatro de actores e monicreques á que asistiron @s nen@s de Infantil de 3, 4 e 5 anos.