CEIP PLURILINGÜE DE CONMENIÑO

Onte fixemos un obradoiro de galletas e sesión de cine en infantil, pasámolo xenial!!!!

Este martes 5 de marzo o alumnado de primaria realizou unha visita á Casa-Museo de Rosalía de Castro (Padrón) dentro do programa "Rosalía, a súa casiña, o meu lar" posto en marcha pola Deputación de Pontevedra.

Nas seguintes fotos podedes ver o moito que aprendemos sobre esta autora, figura central da cultura galega. 

Este luns 4 de marzo tivemos no noso colexio a unha axente da Garda Civil que veu dar dúas charlas ao alumnado de 5º e 6º curso de Educación Primaria, sobre acoso escolar e sobre ciberseguridade, dentro do Plan Director para a convivencia e a mellora da seguridade escolar. 

A charla - que foi interactiva e na que os alumnos/as puideron intervir ao longo da mesma para formular as súas dúbidas e inquedanzas- apoiouse nunha serie de diapositivas e vídeos que aclararon que tipo de condutas se consideran  acoso, como podemos actuar cando somos testemuñas das mesmas e cales son as consecuencias negativas que teñen para as vítimas non intervir. 

Moitas grazas á organización do Plan Director e a Vanesa en particular pola súa presenza no noso centro.

Compartimos algunha imaxe da sesión:  

O xoves 29 de febreiro o alumnado de 5º e 6º curso de primaria foron a Naturnova (Vigo), con motivo da celebración do Día Internacional da Muller na Ciencia. Nas instalacións puideron aprender a través de módulos interactivos sobre as mulleres pioneiras no campo científico.

Nas seguintes fotos podedes comprobar o interesante que lles resultou esta experiencia.  

* 5º e 6º EDIXGAL (non teñen que comprar libros, o que aparece na lista son cuadernillos de traballo).

* Na etapa de infantil queda pendente a elección do cuadernillo de traballo. 

* Informarase do material preciso para cada unha das etapas a comezo de curso.

* Podedes descargar a listaxe no arquivo adxunto ou consultala no taboleiro de anuncios do centro.