Iniciar sesión: Accede co teu contrasinal
       

Blog da biblioteca

(2022-2023) Libros en cada recuncho do cole

Por fin chegou a semana do libro! Xa sabedes que no noso cole somos moi de ler, por iso o noso obxectivo esta semana era claro: Quixemos encher o colexio de contos ata a última esquina!

Esta tarefa comezou o luns, có alumnado de Educación Infantil, 1º e 2º de Primaria acudindo ao Salón do Libro. Como xa sabedes as persoas que visitades habitualmente esta páxina, participamos cos nosos propios contos e estivemos moi implicados en todo o relacionado con este evento. Se queredes saber máis sobre esta visita, podedes velo aquí.

O martes, o alumnado de 1º e 2º coa axuda das profes Marta e Zaira, grabaron un audioconto que moi pronto teremos dispoñible e que compartiremos aquí na páxina do cole.

O mércores, os libros fixeron unha viaxe ao patio da escola. En diferentes puntos do mesmo, habilitáronse espazos lectores, onde todos os nenos e nenas pasaron para revisar os novos libros da nosa biblioteca, pero tamén para disfrutar dun momento de calma cun libro na man.

Sen duda imos a ter que repetilo pronto, porque a todos pareceu encantarlles a nosa bibliopatio!

Pero as sorpresas non remataron aquí, cando estivemos de volta dentro do cole, agardaban dous contacontos moi especiais a mans dos propios mestres e mestras do cole.

Como podedes ver nas fotos, foi unha experiencia xenial tanto para os alumnos e alumnas, como para o profesorado. Todos e todas o pasamos xenial grazas a lectura!

E xa o xoves, chegou o momento dos apadriñamentos lectores... pero nesta ocasión demoslle un pequeno xiro. Esta vez, os "pequenos" do cole apadrinaron aos "maiores", pero nesta ocasión o sorteo foi algo distinto. Aproveitando o noso Memory xigante de emocións, temática a traballar este curso no noso proxecto de biblioteca, emparellamos as distintas emocións para saber quen apadriñaría a quen para esta actividade.

E así, con cada ovella coa sua parella, os máis pequenos arrancaron a ler para contar aos seus compañeiros e compañeiras algunhas das suas historias e contos favoritos.

Igual que no cole, animamos a todos e todas a que a semana do libro sexa unha realidade tamén nas casas, ensinando a nenos e nenas a disfrutar e divertirse coa lectura!

(2022-2023) Bicos, bicos e máis bicos!

CComo xa sabedes aqueles e quelas que visitades a páxina do colexio, na nosa escola non hai nada que nos guste máis que unha boa celebración. Así que xa imaxinaredes a que liamos para celebrar o Día Internacional do Bico.

Non só nos pareceu unha ocasión perfecta para repartir agarimo polo colexio, senón que ademais foi unha moi boa oportunidade para continuar traballando as emocións como parte do noso proxecto de biblioteca.

E explicados os previos, imos contarvos que argallamos. O primeiro que fixemos, foi pegar un cartel no corredor do colexio, anunciando que día era, e despois preparamos un cadro de cores que sería o lugar no que, quen quixera, podería darse un bico cos seus compañeiros e compañeiras.

E xa co espazo preparado, pensamos que sería divertido poñer unha cámara, e así gardar un recordo de canto nos queremos entre compañeiros e compañeiras. Aínda así, os bicos empezaron moito antes de que puxeramos a funcionar a cámara...

Ningún alumno e alumna librouse de recibir un bico... e o mesmo pasou cos profes. Tan pronto tivemos a algún deles cerca, conseguimso que se acercasen para chearlles a cara de centos de bicos.

Queredes ver cantos bicos repartimos polo colexio tanto os nenos e nenas de infantil como de primaria? Pois aquí tedesos videos onde podedes velo (e un video extra cos momentos máis divertidos que colleu a cámara).

(2022-2023) Estudamos, relaxámonos e aprendemos a xestionar as nosas emocións!

No noso obxectivo de convertirnos en autenticos expertos e expertas na xestión das emocións, e como parte do noso proxecto de biblioteca, hoxe recibimos unha vez máis a Gloria, a nosa experta favorita nesta materia. Nesta ocasión, acudiu ao cole a ensinarnos a relaxarnos e xestionar as nosas emocións, ademáis de falar cos alumnos e alumnas maiores para ensinarlles técnicas de estudio.

Nas actividades levadas a cabo con Educación Infantil, e cos alumnos e alumnas de 1º e 2º, desfrutamos dun contacontos e a presentación dalgunhas ferramentas que nos van a ser de moita utilidade cando nos enfadamos e non sabemos como xestionalo.

Pero se falamos de cousas relaxantes, levase o premio o momento no que paramos para pintar uns mandalas, algo que tamén pode sernos de gran utilidade cando necesitamos relaxar a cabeza e pensar.

Pero non todo se quedou dentro do colexio, fora fixemos toda clase de xogos en movemento para aprender a identificar onde atopar as nosas pulsacións, vivir os nervios e a euforia, pero tamén a calma e a tranquilidade.

E por suposto, traballamos a respiración, unha ferramenta clave para calmarnos. Neste caso o fixemos con pompas de xabón, unha actividade que non só nos ensinou moito, senón que ademais nos divertiu un montón.

Outra das actividades consistiu en pasarnos un vaso de auga, evitando que o seu contido caise fora, o cal nos permitiu seguir aprendendo sobre o corpo en movemento e permitiu estreitar lazos con compañeiros de clases distintas a propia.

E por último, tamén participamos nun xogo grupal no que a respiración foi a protagonista e onde todos o fixeron super ben.

Sen dúbida estamos desexando que Gloria volva a darnos unha visita!

Pore outra parte, os maiores tamén tiveron a sorte de recibir unha charla sobre técnicas de estudio e ferramentas para organizarse que de seguro porán de práctica o máis pronto posible!

(2022-2023) Camiño á escola

Como xa saberedes, o día 15 de abril conmemórase o Día da Infancia. Por iso, nun cole como o noso, pareceunos especialmente importante celebrar esta ocasión dando visibilidade a nenos e nenas con vidas moi distintas a nosa.

Para facelo, visualizamos un fragmento da película "Camiño a escola", onde amósase como un dereito que consideramos tan fundamental como a educación, noutros países e unha auténtica odisea no simple feito de chegar a escola. A través da visualización deste filme, buscamos que os nenos e nenas entenderan que para outros nenos e nenas ir a escola non é unha obriga, senón que é un privilexio.

De forma complementaria ao visionado da película, en cada aula levouse a cabo un debate no que, non solo falamos do que vimos, senón que tamén reflexionamos sobre o seu significado. Pero sobre todo, nos dimos conta da sorte que temos de ter todas as facilidades do mundo para acceder a educación. 

(2022-2023) Traballamos a "Química emocional" coa nosa táboa periódica das emocións

Xa vai algo de tempo da nosa última publicación sobre o proxecto de emocións que estamos a desenvolver como parte do noso proxecto de biblioteca, pero todo é por algo, e neste caso débese a que estivemos argallando unha nova actividade. Queredes saber cal é? Pois ben, nesta ocasión ocurriusenos mesturar ciencia e emocións, e como resultado elaboramos unha taboa periódica de emocións que nos será de gran utilidade para axudar a poñer nome as nosas emocións.

Pero a idea vai máis alá de simplemente colocar os nomes de cada emoción na parede. Nesta ocasión quixemos que o colexio ao completo fose partícipe deste recurso tan especial. Así que a totalidade do alumnado recibiu unha emoción, coa que traballou para expoñer na taboa periódica escribindo o seu nome, deseñando a sua abreviatura e decorandoa ao seu gusto.

Unha vez as recolectamos todas, os nenos e nenas das distintas aulas acudiron ao taboleiro do noso pasillo para ir poñendo a súa emoción. Deste xeito, pouco a pouco, fomos completando a táboa periódica ao mesmo tempo que buscamos o xeito de organizar as emocións según a categoría na que á incluímos: medo, amor, alegría, tristeza, asco, sorpresa...

E así, despois de moitas voltas, conseguimos rematar a nosa táboa periódica. Quizás non sexa o máis bonito, ou as letras sexan distintas, ou haxa erros na elboración... Pero iso é xusto o que buscabamos; que ademais de aprender as emocións, representase a diversidade entre os nenos do noso colexio, e que cada vez que a vexamos poidamos ver un anaquiño de nós dentro de este traballo que tanto disfrutamos facendo.

(2022-2023) - TRABALLANDO AS EMOCIÓNS COAS FAMILIAS

O 18 de abril tivemos a seguda charla-coloquio coas familias  a cargo da psicóloga Gloria Fontán sobre "AS EMOCIÓNS "

A experiencia xoga un papel fundamental na vivencia de cada emoción, por eso resulta imprescindible que as familias saiban recoñecer, entender e actuar ante as emocións que surxen ao noso arredor e, en especial, as do nosos fillo/as

Deste xeito, falamos da confianza, de canto custa gañala e con que rapidez se pode perder. Pero tamén nos falou da escoita activa, de coherencia, de honradez...

Grazas a todas as persoas que vos acercastes a esta charla porque dende a escola sabemos o importante que é saber educar, tamén en emocións...

2022-2023 TRABALLAMOS AS EMOCIÓNS CO ALUMNADO

Seguindo co noso proxecto da biblio : " LENDO EMOCIÓNS ", esta vez foi o turno do alumnado, guiados da man de Gloria Fontán

O alumnado dende infantil ata 6º de E.P. participou nunha serie de actividades dirixidas ao recoñer, entender, e actuar ante as emocións que sentimos a cotío...

Tamén Gloria lles propuxo algunha actividade de traballo en grupo, e resolución de problemas...

E, para rematar, un reto para facer en grupos...

Cómo conseguir facer o cadradro máis grande con 8 folios...

Algunhas das solucións que aportaron foron XENIAIS!!!

(2022-2023) Un gran recital de poesía no colexio

Ola a todos e todas! Estamos de volta cunha nova actividade, esta vez como parte da celebración do "Día Mundial da Poesía". Nesta ocasión, e en colaboración coa biblioteca do noso centro, levamos unha actividade na que continuamos traballando as emocións, ao mesmo tempo que damos a coñecer distintos poetas e poetisas de renombre.

Cal é a actividade? Moi sinxelo, fixemos un sorteo entre as clases onde a cada alumno e alumna asignouselle un compañeiro/a de outra clase. Unha vez feitas as parellas, explicamos a tarefa: buscar ou crear unha poesía curta para regalar a esa persoa. Así que ao longo das semanas previas, fixemos visitas a biblioteca para buscar e ler libros de poemas que nos deran ideas para o regalo. Unha vez feito, despositamos os poemas na "Maleta Poeta", e agardamos ao 21 de marzo para vaciar o seu contido.

Chegado o día, os alumnos e alumnas se xuntaron por aulas (1º e 2º cos compañeiros e compañeiras de 3º e 4º; e Educación Infantil cos compañeiros e compañeiras de 5º e 6º).

E procedemos a entregar os poemas que fixemos, para levar a cabo recitais de poesía onde todos e todas disfrutamos de versos tanto de creación propia, como dalgúns autores e autoras coñecidos (e non tan coñecidos).

Deste xeito, non solo aprendemos máis sobre un xénero literario que as veces temos algo olvidado, senón que ademais reforzamos os lazos de amizade, continuando a nosa labor de crear un clima de convivencia cada día un pouco mellor no centro.

Apertas, risas, rimas... Foi un día cheo de emocións, onde todos e todas, tanto mestres e mestras como alumnado, marchamos a casa cun sorriso de orella a orella!

(2022-2023) O 8M é violeta e verde

Ola a todos e todas! Estamos de volta cunha nova publicación, esta vez para contarvos como pasamos no noso colexio a conmemoración do 8 de Marzo: Día da Muller.

Tras baraxar distintas propostas, ao final nos decantamos por celebrar a vida de mulleres ecoloxistas, que non sempre recibiron a visibilidade que merecen. Deste xeito, non só puxemos en valor o seu traballo, senón que aprendemos que unha soa persoa, cos seus actos, pode cambiar o mundo.

Para comezar, cada aula seleccionou a unha destas mulleres, co compromiso de investigar sobre as suas vidas e o seu traballo; co fin de elaborar un cartel informativo.

Unha vez o tivemos feito, pasamos á segunda parte da actividade. O propio día 8 de marzo, colgamos os carteis no exterior das aulas, de xeito que todos os compañeiros e compañeiras do colexio puideran apreciar os resultados de cada investigación.

E isto non é todo, ademais de compartir o cartel co resto do colexio, tamén fixemos un pequeno cambio ao nome das nosas aulas. Decidimos facer desaparecer as habituais placas co nome dos cursos, para renombralas co nome das mulleres que investigamos. Deste xeito o recordo do seu traballo poderá extenderse máis alá do 8 de marzo.

E xa con todo preparado, chegou o momento de dar a volta ao cole e aprender sobre a vida de Berta Caceres, Rachel Carson, Jane Goodall, Wangari Mathai e Vandana Shiva. E o fixemos de mans dos mellores expertos e expertas posibles... o propio alumnado!

Pero isto non é todo. Como acto simbólico para poñer un lazo de oro á conmemoración do 8M, e poñendo en práctica as ensinanzas sobre ecoloxía das mulleres antes mencionadas, levantamos no noso patio unha cabana de vimbio vivo. Unha cabana dentro da que nos poidamos sentir en contacto coa natureza, pero a mesmo tempo libres, protexidos e protexidas; e sen diferencias. Aportando así o noso graniño de area a un mundo máis verde, pero tamén máis igualitario.

(2022-2023) TRABALLANDO AS EMOCIÓNS COAS FAMILIAS

Seguindo co proxecto da biblio " LENDO EMOCIÓNS" tocoulle o turno agora ás familias...

A familia proporciónalles mostras de afecto,aceptación ou rechazo,valor, éxito,fracaso etc...

De aí a importancia da educaciónn emocional para un bo desarrollo afectivo nos cativos. Por este motivo, organizamos no centro unha xornada formativa na que as familias poideron interactuar coa psicopedagoga Gloria Fontán, e ao mesmo tempo, transmitirlle as súas inquedanzas ao respecto.

Gloria ofreceunos pautas e recomendacións para axudarnos a mellorar o autocoñecemento,para favorecer a regulación emocional. aumentar a autoestima.

Seguiremos con este tipo de actividades xa que esta foi todo un éxito.

Grazas a todos/as por participar con nós!!!!

Distribuir contido

Acceso rápido

Punto Laranxa contra o acoso escolar

Formación do profesorado

Proxectos T.I.C. do centro

Eleccións ó Consello Escolar

Eleccións ó Consello Escolar
Infomación do proceso

Usuarios conectados

Agora mesmo hai 0 usuarios e 0 invitados conectados.