Agora que comezamos a traballar sobre algún deporte no terceiro ciclo viravos moi ben botarlle unha ollada a toda información que atoparedes sobre algúns deles. Para elo aquí tedes un enlace a unha web sobre deportes individuais e colectivos. Pinchades sobre a que queredes e atoparedes toda a información sobre campo, implementos,....

.

Para a celebración do Magosto dende a nosa área preparáronse como os últimos anos unha serie de xogos polos que o alumnado iría pasando.

Este curso fíxose un circuito de 7 xogos cunha temática común que foi "as celebracións do noso centro" ( A festa das festas) . Así de haber un xogo sobre o MAGOSTO, tamén houbo outros sobre: o NADAL, o día da PAZ, o ENTROIDO, as LETRAS GALEGAS, o día do LIBRO, os MAIOS e o SAMAÍN.

En cada un deles estaban de monitores 2 nenos e nenas de 6º curso. Eles encargáronse tamén de preparar algúns dos materiais e carteis.

A estación número 1 ocupouna o Magosto co xogo do Tizón. Explicábano Fátima e Ismael Escariz

De alí pasaban a actividade do Día do Libro, onde tiñan que ordenar e completar cada curso unha historia. Estaban de bibliotecarias Antía e Tania.

O 3º xogo foi sobre a Festa do Nadal. Nel tiñan que seguir o percorrido que os levaría ata Papa Noel. Se lles contaban o ben que se portaron este darialles un caramelo. O noso Papa Noel foi Xermán e a súa dona Andrea

 No medio da pista estaba a xogo do Día da Paz. Tiñan que tentar botar fóra do paracaídas sacudíndoo unha pequena bomba. De militar estaba Jose e de pacifista Uxía

Na 5º estación do circuito celebrábase o Día dos Maios. Alí Lara e Meritxell pedíanlle axuda aos nenos e nenas para colorear e recortar flores e laranxas para decorar o seu maio.

De alí pasamos a celebrar o Samaín cunha carreira de bruxas e bruxos que se pisaban as vasoiras unhas as outras. De monitoras estaban Noelia e Tamara

E , por último, celebramos o Entroido. Para elo o paiaso Ismael Serrapio prestábanos unha das súas motos para ir a mercar a tenda de Maica un gorro de paiaso . Pagábase cun pequeno chiste ou broma. Se Maica ría, Maica vendía!

Durante este mes de outubro o alumnado do terceiro ciclo andivo a traballar unha unidade didáctica que xiraba en torno a nosa saúde, hixiene corporal e postural, primeiros auxilios, ...

Para elo simulamos na clase ter diferentes lesións que os nosos compañeiros atendían, analizamos todo o que deberiamos ter nun botiquín, analizamos as nosas pegadas, ...

Tamén tivemos unha clase na que traballamos a través dun programa informático todo o referente a levar unha vida saudable.

Podedes acceder a ela clicando nesta imaxen

Como remate dela elaboramos un panel no que iamos explicando con imaxes e pés de foto as posturas correctas e incorrectas nas diferentes actividades da nosa vida diaria. Así os demais poderían poñerse ao día nisto de coidar a nosa espalda.

Quedou así de chulo:

(Se pinchas enriba del poderalo ver a modo de revista)

Agardo que tomáredes nota e recordedes o que non se pode facer...

 Coidade a vosa espalda!

Como remate de curso dende a nosa área preparamos unha búsqueda do tesouro.

Xa que no 2º e 3º ciclo estivemos a traballar unha unidade sobre todo o referente aos Xogos Olímpicos, escollemos este tema para as probas.

Na porta do pavillón empezabamos. Alí esperábanos unha imaxen de Pierre de Coubertain (impulsor da recuperación dos Xogos Olímpicos de Grecia)

 

2º Proba: Noraboa.... Mais falta acender a antorcha olímpica. Os deportistas despois lévana, sen se lle apagar, dende ........ ata.......... Pasándoa de un a outro deportista. A éstes chámaselles.................

Vós teredes tamén que dar unha volta ao estadio sen que se vos apague. (A axuda nesta proba atoparédela onde podemos tamén acender algo para tamén que den comezo as nosas clases de ximnasia) Cunha vela de cumpreanos tiñan que facer o recorrido ademais de completar as palabras que faltaban

3º proba: O primeiro día todos os deportistas participantes, máis de 10.000, agrupados por países, dan a volta ao estadio ólímpico coas súas bandeiras. Mais no estadio, ademais de todas estas tamén ondea unha a maiores; é a bandeira...............

(Axuda: hoxe cedo púxenme a lavala no baño pero escapóuxeme a lixivia e blanqueoume de máis, síntoo.... Poderiades pintala correctamente?

 4º proba: O impulsor de que se celebrasen os Xogos Olímpicos foi.................... El estaba firmemente convencido de que o deporte era fundamental para......

(Axuda: toda esta información poderédela ver a través da ventana do director deste centro)

5º proba: Nunha Olimpiada compítese a numerosos deportes, mais todos eles cumpren unha norma para poder ser olímpicos. Cal é?

(Axuda: dentro de onde podedes atopar con que xogar a estas diferentes disciplinas, se mirades cara atrás, atoparedes respostas)

6º proba: Estes xogos xurdiron en........... Entre as diferentes probas había ................................. Tamén estaba a de loita. Para elas os deportistas facían algo especial para poder loitar mellor. Se vós tamén o facedes...seguro que teredes mellores resultados!

(Axuda: atoparedes o necesario no lugar onde se preparaban antes de sair a loitar, coma vós antes de comezar a clase)

7º proba: Cando foron as Olimpiadas en España a mascota foi "Cobi". En Londres serán......... e ............... Teredes que facelas vos mesmos axudándovos do debuxo, modelándoas o mellor posible.

(Axuda: O diseñador delas tamén atopou o material orixinal para crealas no esqueleto do antigo estadio. Dentro e debaixo da entrada do noso atoparedes todo o necesario)

8º proba: Por sorte, hoxe en día, xa non se fai ningún tipo de discriminación entre homes e mulleres. E tamén agora poden participar deportistas con calquera tipo de lesión ou deficiencia. Mais eles e elas participan nas .................... Por certo... a unha deportista, practicando Boccia, perdéuselle un dos seus materiais. Se llo atopades agradeceríavolo un montón!

(Axuda: estaba a xogar por última vez pola zona do horto)

9º proba: Coma fin de calquera evento destas dimensións faise unha festa final, con banquete incluido!. Os gregos facíano con iogur, froitas, zumes,...todo moi san. Eles sí que sabían coidarse!

Pero a vós, hoxe xustamente, iso... coma que non, non?

Se queredes banquete

terédelo que atopar!

E moitas mais pistas

non vos vou a dar

Sentádevos a pensar

que Mirón vos vai a axudar

(Tiñan que buscar algo no que sentarse. Unha vez alí verían a seguinte e última pista)

10ª proba: Eu fixen o Discóbolo inspirándome nos deportistas gregos.

Este colexio fíxose inspirándose en......  SORTE!

E por fin algún grupo foi dando co premio final!

No 2º ciclo tamén o atoparon... e leron o que poñía.

Por suposto... foron bos deportistas! 

Para dar remate a nosa participación durante este curso escolar no Programa Xogade, acudimos á Festa do Deporte que celebramos todos os nenos e nenas dos colexios participantes neste Programa na Carballeira de San Xurxo de Sacos.

Alí fóronnos chamando ao palco por categorías para darnos as medallas como participantes,

 os trofeos aos colexios,

 e as medallas aos tres primeiros nas diferentes categorías do cross.

Do noso colexio conseguira un primeiro posto Anxo Viaño e un segundo acadado por Arantxa Mirás, os cales recibiron unha medalla de ouro e prata respectivamente.

Ademais tamén estivo unha muller olímpica "Sandra Azón" que competiu en varias olimpíadas en vela e que nos contou a súa experiencia no mundo do Deporte de Alta Competición, recordounos que o importante é participar, esforzarse, nunca olvidar a importancia dos estudos e que se pode con todo. Incluso nos trouxo as súas medallas que gañou en Sidney e ...... Ao final firmounos autógrafos e deunos algunha foto súa adicada.

Tamén tivemos un anaco para xogar e merendar pola carballeira antes de regresar ao colexio.

Ata o curso que ven!

Los JUEGOS PARALÍMPICOS (Página Oficial de los Juegos Paralímpicos de España)

En este enlace encontraréis toda la información sobre los deportes en los cuales compite un deportista paralímpico, además de vídeos sobre ellos, fotos,...

Además tenéis aquí un vídeo explicativo de cómo se juego al GOALBALL 

 , otro de los deportistas paralímpicos (triatlón) y un último vídeo sobre mujeres paralímpicas.

Dentro da nosa área estamos a traballar unha unidade no segundo e terceiro ciclo sobre as Olimpíadas.

Dividímola en tres partes: as Olimpíadas na Antigüedade, as Modernas, e as Paraolimpíadas.

Rematamos estes días a primeira parte.

Nela  coñecemos algúns datos interesantes como que ...

-as primeiras celebráronse no 776 a.C. no Santuario de Olimpia en honor a Zeus. Consistira só nunha carreira duns 200 m. vencendo Corobeo -despois fóronse engadindo carreiras máis longas, loitas e o pentatlón (5 probas: lanzamento de disco, de xabalina, carreiras de campo través, salto de lonxitude e loita libre) -tiveron moita influencia no mundo do Arte (por exemplo enn escultura O Discóbolo de Mirón) - celebrábanse no verán cada 4 anos, cunha duración de 6 días, paralizándose durante elas os conflictos bélicos.-competíase espido! Daquela non había problemas coa equipación! -A partir do século II a.C coa conquista de Grecia polos romanos foron transformándose  (loitas a morte entre gladiadores, escravos e prisioneiros,...) perdendo pouco a pouco, ata que o emperador Teodosio rematou abolindo os Xogos.

Tamén fixemos unha pequena simulación de como foran esas primeiras Olimpiadas en Grecia.

- Primeiro acendíase a Antorcha olímpica, tendo coidado de que non se apagase, posto que se isto pasase paralizaríanse todos os Xogos ata os seguintes 4 anos.

O seguinte era explicar as normas que se terían que cumplir durante a celebración das diferentes probas e inaugurar os Xogos con palabras sagradas!

Seguíanlle as carreiras hípicas e disputar o Pentatlón :

Carreiras e Salto de lonxitude

Lanzamento de disco e xabalina

Loita e Carreiras hípicas

O que vencera en máis probas conseguiría a preciada coroa de olivo sagrado.

Como remate celebrábase un gran banquete. Nós tamén, por suposto, o celebramos cun pouquiño dun rico manxar grego: o iogur grego

Só quedaba apagar a Antorcha para así darlle fin a este pequeno periodo de Paz.

O pasado venres visitou o noso centro un xogador profesional de Béisbol para falarnos sobre este deporte.

Durante a mañán estivo cos nenos e nenas do 2º e 3º ciclo.

Primeiro deunos unhas pequenas explicacións sobre o Béisbol e o Sofbol, os materiais que se precisan (casco, bate, bola, guante,...),

o campo (rombo ou diamante, bases, xardín,...), os distintas funcións dos xogadores ( catcher, pitcher, bateador,...), a técnica do bateo, etc.

Despois pasamos a desfrutar cun pequeno partido entre os dous cursos de cada ciclo en dúas tandas a ver cal dos dous completaba máis carreiras .

Todos pasámolo moi ben con este deporte case descoñecido para todos, salvo os adictos á Wii que o coñecían bastante ben.

Tanto nos gustou que demos a seguinte clase tamén sobre el, para así reforzar un pouco o traballado, e ver distintas maneiras de practicalo aínda sen ter o material necesario.

Así os bates puideron ser as palas de madeira da praia,

ou o batebote ( feito cun pau de vasoira e unha botella de 2 litros unidos cun pouco de cinta) 

As bolas sustituímolas polas de tenis que os do 1º ciclo convertiran en pelota cometa, posto que con elas mirabamos mellor a súa traxectoria e así acertabamos máis ao batear.

. ¿Coñecedes esta bola?

O próximo venres visitarannos uns monitores para explicarnos en que consiste este deporte.

Podedes atopar toda a información sobre el no seguinte enlace:       O BEISBOL

O pasado venres saímos a Cerdedo a participar nun novo encontro de Deporte escolar.

Mentras os de 3º e 4º xogaban, os maiores  encargáronse de anotar os resultados .

 Algúns de nós tamén desputamos as partidas de xadrez na biblioteca do centro de Cerdedo.

Para os nenos e nenas de sexto esta foi a súa última participación.