Iniciar sesión: Accede co teu contrasinal
       

infantil 2

(2021-2022) Recibimos información e atopamos a primeira resposta na nosa investigación sobre os cans salchicha

Podes ver os pasos previos desta investigación nas seguintes entradas publicadas neste mesmo blogue:

05/11/21: (2021-2022) Comezamos a noso primeiro proxecto de traballo do curso. Imos investigar sobre os “cans salchicha"

  

Ó longo dos seguintes días, despois de decidir o que iamos investigar no noso primeiro proxecto deste curso, comezamos a xuntar moita información sobre o tema.

Algunha recibímola das nosas familias por e-mail, respostando a cada un deles agradecéndolle a información.

    

Tamén conseguimos uns libros que falaban dos cans salchicha. Seguro que serán de utilidade nalguha das preguntas.

   

Fomos xuntándoo todo no noso recanto da información, para poder consultala cando a precisemos.

  

Tamén completamos o noso recanto virtual da información, na web do colexio (recanto de infantil > vídeos), onde publicamos as ligazóns e vídeos que nos chegaron por e-mail, e todo aquilo que non se podían imprimir.

  

Con toda esta información xa podíamos comezar a investigar, asi foi como atopamos a resposta a unha das preguntas que nos plantexáramos:

  

Cal é o nome verdadeiro dos cans salchicha?

Atopamos a resposta visualizando un dos vídeos no noso recanto virtual da información. Alí explicaba que tiñan dous nomes alemáns e o que significaban.

Anotamos as respostas escribíndoas na pizarra branca.

      

Decidimos plasmala no mural da investigación indicando tamén, de onde viñan eses dous nomes que teñen. Ademais acordamos con que imaxe acompañaríamos a resposta.

    

Así quedou plasmada no mural da investigación esta primeira resposta que atopamos.

   

Á volta do Nadal, que agora estamos "líados" con outras cousas ;),  continuaremos con esta investigación, buscando as respostas a tódalas preguntas que aínda nos quedan pendentes.

Xa sabedes que poderedes estar ó tanto de todo o que fagamos neste bloge.

   

   

(2021-2022) E ademais en novembro... sucedeu todo isto en Infantil 2

Ó longo do mes de novembro, na nosa aula, sucedeu todo isto que xa vos comentamos en entradas anteriores:

Pero ademáis, no día a día en Infantil 2, tamén tivo lugar todo o que vos contamos de seguido:

O día 25 de novembro celebramos o "Día internacional para a eliminación da violencia contra as mulleres", creando e poñéndonos o lazo morado representativo...

    

... e participando na creación da árbore "para a igualdade" no muro do colexio, xunto ós demais compañeiros e compañeiras do colexio. Nós encargámonos de estampar a nosas mans de cor morado.

   

Así de xenial quedou rematado.

 

    

Podes ver como o creamos no seguinte vídeo:

   

Deixamos tamén as nosas impresións sobre esta data tan sinalada, no programa que gravamos na "radio escolar".

   

Continuamos a completar o noso dicionario xigante para logo encher os dicionarios individuais, coas nosas palabras favoritas. 

     

Escribindo a palabra na aplicación do "dicionario" (que podes atopar no recanto de infantil) e, imprimindo tantas fotos delas como precisaríamos.

  

Participamos no concurso para elixir un nome e un logotipo da nosa radio escolar. Nunhas semanas saberemos cal foi o escollido, de entre os elaborados polos compañeiros e compañeiras de todo o colexio. 

 

  

Continuamos a desenvolver as nosas habilidades creativas...

  

... experimentando con diferentes técnicas

    

Participamos na gravación dun podcast xunto a tódolos compañeiros e compañeiras do colexio. Ós de Infantil correspondeunos falar dos morcegos.

   

E ata recibimos un agasallo, feito con follas, elaborado polos nosos compañeiros e compañeiras de 1º e 2º; que fixeron coa profe Bea de inglés (podes ver a publicación correspondente no recanto de inglés). Quedou así de fantástico no corredor da zona de infantil do colexio.

   

Agora en decembro, preto xa do Nadal, están a acontecer unha chea de cousas. Poderedes velas en futuras entradas deste blog.

   

   

(2021-2022) Creamos un ovo saltarín no exeperimento deste mes. Queres ver como se fai?

Este mes experimentamos cun ovo, vinagre e un vaso. Que poderíamos facer con todo isto?

Entre todos e todas plantexamos hipóteses do que críamos que ía suceder:

  • Estouparía
  • Rompería
  • Cambiaría de cor
  • Convertiríase nunha pelota
  • ...

   

Metimos un ovo en auga e outro en vinagre, e deixámolos varios días. Sucedería algo do que plantexábamos?

     

Escribimos o nome do líquido no que se atopaban, para diferencialos, e fomos observándoos ó longo dos días.

   

Cada un dos equipos cooperativos cooperativos reproduciu, de forma autónoma e chegando a acordos, os pasos do experimento...

   

..e fixo a auto-avaliación o seu traballo, de forma figuro-analóxica, cando remataron.

   

Os vasos cos "ovos" de cada equipo, correctamente etiquetados cos nome dos mesmos, estaban listos para agardar uns días... que sucedería?

   

Despois de 4 días chegou o momento de verificar o resulado final. A profe ZAIRA, que estaba tamén connosco na aula ese día, comprobou que sucedía se se tiraba o ovo que estaba en auga... 

    

... que rompeu.

Cando o fixo o mesmo co ovo en vinagre, rebotaba. Convertírase en "saltarín"!!!

   

Chegou logo o momento de que cada equipo, comprobase que sucedía co seu ovo en vinagre. Repitiríase o resultado e así poderíamos ter unha "teoría científica"?.

Cada equipo verificou a teoría, e descubrimos que todos "eran saltaríns" grazas ó vinagre e a deixalos varios días "transformándose".

   

E sí, por suposto, fomos tirándoo cada vez desde máis alto ata que rompeu. Houbo que facelo desde moi alto para que non rebotase e "emporcallase toda a mesa" ;)

    

Tan só nos quedaba por completar o noso caderno de campo dos experimentos individual. Nel anotamos o material que empregamos, escribimos o nome do mesmo e o seu número, pregándolle unha fotografía nosa facendo o experimento.

      

Este mes os compañeiros e compañeiras da aula de EI1 foron os encargados de crear o vídeo do experimento. De seguido podes ver o ven que lles quedou. Agora tamén podes tentalo ti na casa se queres.

    

No seguinte experimento, seremos nós novamente os encargados de crear o vídeo. Que será o que nos toque experimentar?

     

Lembra que podes acceder ós vídeos de tódolos experimentos que facemos na aula desde aquí.

   

(2021-2022) Comezamos a noso primeiro proxecto de traballo do curso. Imos investigar sobre os “cans salchicha"

Despois dunhas primeiras semanas de atapación dos novos compañeiras e compañeiras a Infantil 2, por fin puidemos poñernos mans á obra e iniciar unha nova investigación na aula. A primeira dese curso.

Antes de comezar lembramos, visitando entradas antigas da web, como foi todo o proceso da investigación que levamos a cabo o curso pasado, cando investigamos os ponis. Fomos comentándoo cos novos compañeiros e compañeiras.

     

Para escoller o tema a investigar, despois de varios diálogos e debates, acordamos propoñer unha serie de temas que nos interesaban. Cando cada quen propoñía un tema, tiña que argumentar que aspectos concretos do mesmo quería descubrir.

     

Despois de levar a cabo unha votación a "man alzada", quedamos con 4 finalistas. Entre eles levaríamos a cabo unha nova votación, xa en furna,  da que sairía o tema de investigación que levaríamos a cabo. 

Para elo preparamos as papeletas de votación, escollendo as imaxes dos temas entre todos e todas.

      

Xa coas papeletas listas organizamos a mesa electoral, na que CLAUDIA, encargada dese día, fixo as veces de presidenta para "vixiar a limpeza de todo o proceso" ;).

     

Para poder votar, cada compañeiro ou compañeira, tiña que traer a súa papeleta cuberta, ben dobrada, co tema que elixira rodeado. Tamén tiña que traer o seu carnet "para confirmar a súa identidade" e que tiña dereito a depositar o seu voto.

A presidenta da mesa foi anotando nunha lista, a medida que iamos votando todos e todas, para evitar que alguén puidese votar máis dunha vez.

       

Rematada a votación chegou o momento de facer o reconto de votos...

    

.... con este resultado final. O tema elexido foron "OS CANS SALCHICHA".

    

Xa co tema elixido comezamos a preparar o "mural da investigación", anotando nel o títuo do tema e escollendo, imprimindo e recortando, unha imaxe representativa que buscamos en internet.

      

Tamén acordamos entre todos e todas, que co descuberto, crearíamos unha exposición para contarllo ó todo o mundo xunto cun pequeno documental.

Plasmámolo tamén no mural, para telo presente sempre, tanto escrito como cunha imaxe representativa que buscamos por equipos en internet.

    

Entre todos e todas fomos anotando os nosos coñementos previos: 

       

E todo o que queríamos descubrir na investigación.

       

Tamén anotamos onde poderíamos buscar a información, preparando unha nota para levar a casa, pedindo axuda ás nosas familias.

       

Agora tan só nos queda agardar uns días, mentras preparamos a celebración do Magosto, para ir recopilando toda a información posible sobre o tema, e poder iniciar a busca e respostas. Tanto en papel como en formato dixital, no noso recanto da investigación da web.

     

Se tes algún tipo de información sobre este tema, estamos encantados de recibila en infantilcampolameiro@gmail.com 

   

Xa vos contaremos nas sucesivas entradas deste mesmo blog, como nos vai na nosa investigación. Permanecede atentos.

    

      

(2021-2022) E ademais, no mes de outubro en Infantil 2, sucedeu todo isto.

Ó longo das últimas semanas, na nosa aula, sucedeu todo isto que xa vos comentamos en entradas anteriores:

Pero ademáis, no día a día en Infantil 2, tamén tivo lugar todo o que vos contamos de seguido do que, de seguro, xa vos falaron os vosos fillos e fillas:

O encargado de cada día ten moitas reponsabilidades ese día: ordenar as letras do seu nome na árbore do encargado, completar o calendario online co seu canet QR (marcar o tempo, temperatura, quen está no colexio e quen falta, datas sinaladas, aniversarios...), organizar as entradas e saídas, etc.

    

Por suposto tamén se encarga de que todos e todas lavemos as mans con xabón.

    

E non pode esquecerse de darlle de comer ás nosas tartarugas: RAYO e EVAN.

   

Diariamente comentamos todo o que queiramos na nosa asamblea diaria, onde aprendemos respectar as quendas de palabra, as opións dos outros e, sobre todo, desenvolvemos a nosa expresión e comunicación oral.

Obviamente existen outros momentos ó longo da xornada na que tamén existen momentos de diálogo, tanto en gran grupo como dentro dos equipos cooperativos, presentes en moitos dos traballos que levamos a cabo.

     

Comezamos a completar dicionario xigante, coas nosas palabras favoritas de cada letra. Deste xeito podemos ir completando tamén o noso diccionario individual, escollendo de entre todas elas as que queiramos incluír.

Este dicionario invidual comezámolo en 3 anos, cando entramos no colexio, e rematámolo cando imos para primaria. Desde xeito podemos ver como fomos evolucionando no noso proceso de aproximación á lecto-escritura, a medida que fomos medrando e madurando.

    

Para facelo decidimos, nun diálogo, entre todos e todas que palabras poñer, buscámolas no dicionario online, e imprimimos a foto grande (para o xigante), así como tantas pequenas como pensamos que precisaremos para os dicionarios individuais.

    

Comezamos o préstamo de libros da biblioteca de aula, que levamos para casa dos venres. Deste xeito cada un de nós escolle o libro que quere levar e, usando o seu carnet QR na aplicación da biblioteca online, consigue imprimir a portada do libro (se introduce correctamente o número do mesmo).

    

Con esa portada pode completar o seu libro de rexistos en papel. Segundo a idade completarán máis ou menos datos.

 

    

A profe ZAIRA, proponnos cada semana diferentes xogos para desenvolver a nosa "lóxica matemática".

     

Sempre son moi divertidos e nos que, habitualmente, traballamos por equipos. Con eles ademais de afondar no traballo de aspectos lóxico-matemáticos, tamén desenvolvemos a nosa atención, hábitos e cooperación e usod do diálogo para chegar a acordos.

        

Tamén adicamos algún anaco a xogar no EDI, como ó xogo de memoria, que permite que desenvolvamos a nosa atención e memoria, así como moitos outros: ós que tamén podedes xogar na casa, e que atoparedes no recanto de infantil desta mesma web.

        

Durante as merenda comezamos a facer o rexistro de "merendas saudables" que, tal como sucedera no curso pasado, organizou o profe PAULO.

      

Por suposto, tamén adicamos tempo da xornada ó xogo libre que permite a socialización, a resolución de conflictos, aprender a través do xogo simbólico..., tanto na aula como no patio, como por exemplo nos recreos.

    

Antes de rematar o mes, e xusto coincidindo coa semana na que celebramos o Samaín (que podes ver noutra entrada), participamos nas actividades organizada pola Biblioteca pública do Concello, para celebrar o "Día internacional das Bibliotecas"

  

Alí coñecimos a Cruz, a responsable da Biblioteca pública, quen nos tiña preparadas unha chea de propostas. 

   

Deste xeito rematou o mes de outubro, no que tamén, comezamos a "ogranizar" un novo proxecto de investigación que comezaremos a vindeira semana, e comezamos a traballar cos nosos robots educativos.

Pero diso xa vos iremos contando en próximas entradas deste blog.

   

   

(2021-2022) Experimentamos coa luz negra. Xa podes ver o vídeo que creamos explicándoo.

Na última semana levamos a cabo na nosa aula o primeiro experimento científico do curso: Descubrimos como crear unha "luz negra".

Xunto ós compañeiros e compañeiras de EI1 miramos un vídeo onde aparecía este mesmo experimento, pero explicado por antigos compañeiros de infantil de cursos anteriores.

      

Despois de plantexar hipóteses sobre como se podía crear unha "luz negra", e para que servía. Seguindo os pasos indicados no vídeo e puxémonos mans á obra.

Pintamos entre todos e todas as 20 capas de cor azul con rotulador.

     

O equipo CONEJITO, que sería o encargado de crear o vídeo explicativo deste experimento, creou o cartel dos materiais necesarios, que logo empregaría durante a grabación.

 

Precisarás todo este material. 

 

    

Xa coa luz negra preparada, chegou o momento de debuxar, por equipos con rotuladores fluorescentes e azuis, en diferentes papeis. Como se verían coa luz negra?

 

    

Cando encendemos a "luz negra" observamos como os "fluorescentes brillaban", e os rotuladores azuis case non se vían.

 

   

Finalmente creamos un gran "debuxo" entre todos e todas, para probar, por última vez, se funcionaba a luz negra nun papel tan grande. 

    

Fomos comprobando como se vía cada un dos debuxos que creáramos coa luz negra.

     

Durante todas estas probas, o equipo CONEJITO, foi grabando as diferentes escenas para a creación do vídeo explicativo.

Así quedou o seu vídeo unha vez rematado. Atréveste a repetir este experimento na casa?

   

Tan só nos quedaba por completar o noso caderno de campo dos experimentos individual. Nel anotamos o material que empregamos, escribimos o nome do mesmo e o seu número, pregándolle unha fotografía nosa facendo o experimento.

   

Lembra que podes acceder ós vídeos de tódolos experimentos que facemos na aula desde aquí.

 

(2021-2022) Acordamos e refacemos as normas da nosa aula

Nos útlimos días adicámonos a refacer as normas da nosa aula, para que os novos compañeiros e compañeiras puidesen tamén participar na súa elaboración.

Entre todos e todas fomos acordando as normas que deberíamos ter na aula, para que o profe as fose anotando no EDI. Finalmente rematamos con 8 propostas.

   

Fomos dramatizando cada unha das normas, como bos actores e actrices que somos, para logo poder usalas no panel das normas que iamos elaborar.

                      

Tan só quedaba plasmalas nun mural para que todos e todas puidesen consultalas cando o precisasen.

Cada un dos equipos tivo que dialogar para acordar, e decidir, como pintar os catro "cadrados" que formaban a súa parte do panel. Acordando tamén cal das catro partes querían deixar de cor branca.

      

Despois de varios debates lograron chegar a un acordo entre os integrantes do equipo, e deron conta da súa parte do panel. 

         

Unha vez rematado este traballo en equipo, chegaba o momento de facer unha auto-avaliación "figuroanalóxica", para determinar que tal traballaran xuntos, e en que poderían mellorar.

        

Co panel de cores xa seco, chegou o momento de completalo coas fotos, das que eramos os protagonistas, e cos textos das normas que representaba cada unha das fotos.

         

Novamente, cada un dos equipos auto-avaliou o seu traballo, completando o panel do equipo; decidindo se falaron para chegar a acordos, se recolleron o material usado, se remataron a tempo e, sobre todo, se todos e todas participaron na tarefa realizada.

           

Tan só quedaba poñerlle un "título" ó panel, para que todos e todas soubesen para que servían todas esas fotografías.

     

Así quedou, unha vez rematado, o panel das normas da nosa aula deste curso. Xa podemos consultalas cando queiramos.

 

Levaremos para casa estas mesmas normas, nun formato máis pequeno (obviamente), para poder comentalas coas nosas familias, e que elas tamén as coñezan.

  

(2021-2022) Queres coñecer os nosos novos equipos cooperativos deste curso?

Ademais do que xa vos contamos na entrada anterior, na nosa aula, nestas primeiras semanas de clase, tamén creamos os novos equipos cooperativos deste curso.

Os primeiros acordos aos que tiveron que chegar, en cada equipo, foi decidir como ían chamarse. Non foi doado poñerse dacordo dentro de cada equipo, pero finalmente acordaron un nome co que todos e todas estaban dacordo.

           

Ademáis cada un dos equipos escolleu cal sería a súa cor "representativa", velaquí o que decidiron.

    

EQUIPO TORTUGA:

    

EQUIPO PATRULLA CANINA: 

     

EQUIPO CONEJITO: 

     

EQUIPO IRONMAN PRINCESA:

     

Cada un dos equipos tivo que preparar o seu panel, para poder facer a avaliación "figuroanalóxica"; polo que chegou o momento de acodar a forma de organizarse, para que todos e todas as integrantes do equipo participansen na elaboración.

      

Cada equipo tivo que pintar con témpera (coordinándose entre todos/as) da cor acordada, elexir unha imaxe para pegar no panel...

      

... recortar e pegar o nome do seu equipo e asinar cos seus nomes no panel.

      

Ata que finalmente deron rematado o panel do seu equipo.

         

Así de fantásticos quedaon os paneis dos diferentes equipos.

        

Xa están tódolos paneis listos, para comezar a traballar nos equipos e avaliar como o fixemos e en que podemos mellorar.

    

Ó longo das próximas entradas irémosvos contando todo o que faremos traballando en equipo.

   

(2021-2022) Así foron os primeiros días do curso na nosa aula e buscamos globos por todo o centro.

Durante estes primeiros días de curso, voltamos a adaptarnos ás rutinas da aula, adicamos o tempo a coñecernos uns ós outros, e a que os novos compañeiros e compañeiras foran descubrindo todo o que suecede e podemos facer en Infantil 2.

Comezamos a xogar todos xuntos e epxlicándolle ós novos compañeiros e compañeiras todo o que podemos usar na nosa aula.

          

Descubrimos as normas da merenda, desenvolvendo as nosas habilidades de autonomía, inciativa e toma de decisións. 

   

Creamos os nosos novos carnets QR, que empregaremos ó longo de todo curso en diferentes tarefas (calendario online, rexistro da biblioteca...) , e como vos iremos contando en diferentes entradas deste blog.

      

Retomamos as rutinas do encargado, usando o carnet QR para acceder ó calendario online... e tivemos as nosas primeiras asambleas.

    

Non nos esquencimos do lavado habitual das nosas mans, por mor da COVID-19.

         

Encantounos poder xogar todos xuntos no patio nos recreos. 

    

Descubrimos tódolos libros que temos na biblioteca de aula e que, moi pronto, comezaremos a levar para casa os venres.

 

        

Creamos as nosas novas bandexas para a merenda, buscando no ordenador, a fotografía que queríamos pegar.

 

    

Actualizamos a foto de grupo da nosa porta, para que puidésemos aparecer todos e todas nela.

    

Fixemos tamén unha foto individual, que levamos para as nosas casas. Agora xa poden coñecer as nosas familias, ós novos compañeiros e compañeiras.

      

Busca de globos escondidos polas dependencias do colexio:

Para que os novos compañeiros e compañeiras, que estaban nas dúa aulas, participamos nunha busca, ó longo da semana, de globos escondidos por diferentes dependencias do colexio.

 

     

Cada globo tiña o nome dun compañeiro ou compañeira, ademais de gomets para decoralo.

   

Ó longo dos días, todos e todas foron atopando os seus respectivos globos, por diferentes lugares do centro.

   

En próximas entradas continuaremos contando todo que nos que nos queda por facer (refacer as normas, organizar os equipos cooperativos...) para retomar as nosas aventuras na nosa aula.

  

  

     

(2020-2021) Xa estamos de volta con novos compañeiros e compañeiras. Queres coñecelos?

Xa estamos de volta. Este curso en Infantil 2 temos tros novos compañeiros e compañeiras.

Nas vindeiras semanas, irémosvos contando todo o que vaia sucendendo na nosa aula. Pero antes diso é importante que nos presentemos.

ELOY  - BREIXO  - GERMÁN  - CARLOTA  - MANUEL - VALENTINA - NEREA -  ENZO -  BRAIS - CLAUDIA - ELSA - VALERIA - ÓSCAR (PROFE)

Distribuir contido

Acceso rápido

Punto Laranxa contra o acoso escolar

Formación do profesorado

Proxectos T.I.C. do centro

Eleccións ó Consello Escolar

Eleccións ó Consello Escolar
Infomación do proceso

Usuarios conectados

Agora mesmo hai 0 usuarios e 0 invitados conectados.