Iniciar sesión: Accede co teu contrasinal

infantil, infantil 1, infantil 2 , Infantil xuntos

(2017-2018) Atopamos un tesouro seguindo o mapa no noso xogo de pistas

O último día do curso participamos no noso "tradicional" xogo de pistas para atopar un tesouro.

Nesta ocasión así quedaron os tres equipos participantes:

EQUIPO NOBEL DA PAZ AMARELO:

 

EQUIPO NOBEL DA PAZ VERMELLO:

 

EQUIPO NOBEL DA PAZ AZUL:

 

Seguindo a indicacións do mapa fomos recorrendo diferentes lugares do colexio e do patio...

 

... para ir atopando unha pegatina da nosa cor e así completar as diferentes parte do mapa.

 

 

A última etapa, segudo indicaba o mapa, era voltar á aula, alí estaba escondido o tesouro, descubrimos que eran uns "pompeiros"

 

Para repoñer forzas nada mellor que unha pequena festa de despedida.

 

E xa con forzas renovadas... por fin probamos os nosos pompeiros no patio.

 

 

(2017-2018) Recibimos a visita dos compañeiros e compañeiras da Galiña Azul

Como cada fin de curso, o pasado 14 de xuño (tal como tiñamos marcado no calendario de Infantil 1 e Infantil 2) iamos recibir a visita dos compañeiros e compañeiras da Escola Infantil "A galiña Azul").

Dos catro que virían, do dous deles estarían nas nosa aulas o vindeiro curso.

Antes da visita creamos uns marcos de regalo para cada un deles, que puidemos coñecer por fotografías, onde pegaríamos unha foto de grupo.

 

 

Así de fantásticos nos quedaron.

 

Finalmente chegou o gran día e recibimos a visita dos nenos/as maiores da Galiña azul, acompañado por dúas profes, que por suposto xa coñecíamos, de cando eramos pequenos ;)

 

Fixémonos unha foto de grupo todos xuntos...

 

... para poder pegala, xunto cos novos compañeiros e compañeiras nos marcos de regalo, que levarían para as súas casas.

 

Tamén descubrimos con eles todo o que había nas dúas aulas e xogamos xuntos un anaco.

 

Por suposto tamén lles presentamos á nosa tartaruga "Rayo"

 

Antes de que tivesen que marchar, saímos todos xuntos ó patio para merendar e xogar nos columpios con eles.

 

Foi un día fantástico... agora temos que agarda a que veñan para o vindeiro curso e pasen a forma parte do noso grupo  ;)

 

(2017-2018) Celebramos os aniversarios de xuño e do verán. Os últimos do curso.

Como cada curso, no mes de xuño ademais de celebrar os aniversarios das compañeiras e compañeiros que cumprenanos nese mes, tamén o facemos con aqueles que cumpren anos no verán, cando non hai clase.

Nesta ocasión escolleron a tarta de galletas Oreo, pero que tería chocolate de cor azul, posto que formaría parte da festa "debaixo do mar", que podes atopar ó final desta entrada.

 

Fomos seguindo paso a paso a receita do noso libro de receitas.

 

Cunhas gotiñas de colorante azul e chocolate branco de fundir puxemos a capa "azul" como o mar.

Tan só falta a decoración con tabeiróns de gominola "nadando no mar".

 

Xa na "festa debaixo do mar" sopramo as candeas segundo os anos que cumpliamos.

 

 

Con esta tarta participamos na festa "debaixo do mar" que podes ver na seguinte entrada: 

infantil 2 (2017-2018) Rematada a investigación sobre os tabeiróns, convertimos a aula no fondo do mar para facer unha festa 

(2017-2018) Rematada a investigación sobre os tabeiróns, convertimos a aula no fondo do mar para facer unha festa

Podes ver os pasos previos deste proxecto de traballo e investigación nas seguintes entradas deste mesmo blogue:

27/04/18: (2017-2018) Comezamos a investigar sobre os tabeiróns e o mar para convertir a nosa aula nun acuario xigante.  

26/05/18: (2017-2018) Continuamos a investigar sobre o mar e os tabeiróns. Atopamos a primeiras respostas  

08/06/18: (2017-201) Rematamos a nosa investigación sobre os tabeiróns. Todo está listo para convertir a nosa aula no fondo do mar 

 

Como lembraredes, cando comezamos esta investigación sobre os tabeiróns e o man, queríamos conseguir convertir a nosa aula no fondo do mar para facer unha festa alí. Para elo precisábamos saber cousas dos tabeiróns e o mar que fomos descubrindo ó longo das semanas.

Agora que estaba xa rematada a investigación chegou o momento de crear o fondo do mar na nosa aula, para o que escribimos unha lista de cousas que deberiamos facer e incluír na nosa decoración.

 

O profe trouxo un tabeirón que inflamos ata que quedou enorme... tiña branquias e tódalas partes que descubríramos na investigación.

 

Cremos que é un tabeirón branco. 

 

Pendurado do teito daba moitísimo medo.... sobre todo ós peixes.

 

Outra das cousas que tiñamos anotadas na nosa lista eran as "algas" e o "mar" así que co tiras de celofan, que fomos cortando de cor verde e azul completamos a decoración.

 

Para facer as ondas do mar, despois de propoñer varias ideas, acordamos que o mellor era pintalas de azul e logo recortalas, para pegalas no teito. E así o fixemos.

 

Fixemos peixes "globos"...  inflando globos e pegándolle aletas e cola.

 

Pendurámolos no teito xunto ó tabeirón xigante que fixera YAIZA na súa casa coa súa nai e irmán... agora xa tiñamos dous na aula.

 

Con algúns polbos, caraquexos, estrelas de mar e cunchas a nosa aula xa estaba convertida nun mar... incluso na nosa porta.

 

Mentras non chegaba o día da festa preparamos o noso dosier individual a investigación. Para a portada escollemos noso tabeirón favorito de entre os que descubríramos durante a investigación.

 

E fomos completando as diferentes partes, onde contamos todo o que descubríamos ó longo das semanas.

 

Cunha chea de páxinas que tivemos que enumerar.

 

Podes ver como quedou o dosier dun dos nosos compañeiros/as facendo click na seguinte portada.

 

 

 

Xuntamos unha chea de cousas para celebrar a nosa festa... como moitas chuches de animais mariños. Anotamo no noso calendario online a data da festa e convidamos os compañeiros de infantil 1.

 

Decoramos a "tarta do fondo do mar" que fixéramos os que cumpríamos anos en xuño e en verán, descubre como a fixemos nesta entrada:

(2017-2018) Celebramos os aniversarios de xuño do verán. Os últimos do curso.

 

O día da festa preparamos todo  o que iamos ofrecer ós nosos convidados e convidadas.

 

E desta xeito, á vez que celebrábamos os aniversarios do mes de xuño e do verán, que podes ver na entrada que antes che contamos, celebramos a nosa fantástica festa debaixo do mar.

 

 

Ata deixamos no corredor unhas sorpresiñas para os compañeiros e compañeiras de primaria.

 

Reto conseguido !!!  Conseguimos facer unha festa debaixo do mar.

 

(2017-2018) Último experimento do curso: Queres saber como facer un ovo saltarín?

Como cada mes, levamos a cabo na aula experimentos científicos e facemos
un vídeo explicativo de cada un deles por cada un dos equipos
cooperativos. 

Nesta ocasión, o equipo "Super Estrella" serían os encargados de contarnos nun vídeo como facer que un ovo saltase e non rompese o deixalo caer.

Antes de facer o vídeo, entre todos fomos seguindo os pasos para conseguir que o ovo saltase. 

Enchemos un vaso con vinagre e introducimos un ovo dentro.

 

Tamén metimos outro ovo en auga, para ver se sucedía o mesmo.

 

Cada un dos equipos deixou o seu ovo en vinagre durante uns días...

 

... ata que se les saiu a cáscara e quedaron "blandiños". Pero o que estaba en auga quedou igual.

 

Fomos probando como os ovos de vinagre "saltaban ó deixalos caer", pero o que estaba en auga rompía, igual que pasaba antes de metelo nela.

 

Durante un anaco plantexamos as nosas hipóteses de que tería sucedido, porque o ovo de auga rompía e de vinagre non. Que tiña o vinagre que non tivera a auga para poder "quitarlle a cáscara".

Preparamo un panel cos materiais que precisábamos para o experimento, xa que o precisaríamos para rodar o vídeo coa explicación do experimento.

 

Cando estaba rematado, planificaron dentro do equipo como o ían contar e que diría cada quen.

 

Así quedou o noso vídeo do experimento unha vez rematado:

 

Tan só quedaba por completar o noso caderno de campo da investigación cos datos observados para dar por rematado o último experimento deste curso.

 

 

Podes ver os experimentos anteriores levados a cabo na aula, ó longo deste curso, nas seguintes ligazóns:

11/11/17: (2017-2018) Experimento: Facemos funcionar un reloxo con laranxas. Queres ver o vídeo que creamos?

04/12/17: (2017-2018) Experimentamos con Coca-cola e Mentos e... sabes o que sucedeu?

27/01/18: (2017-2018) "A pementa que escapa": experimentamos e creamos o vídeo na aula. Queres velo? 

07/03/18: (2017-2018) Experimentamos para crear cores que se poden tocar... queres saber como facelo? 

12/05/18: (2017-2018) Creamos luz negra e experimentamos con ela. Queres saber como facelo? mira o vídeo que creamos

 

Lembra que podes ver os vídeos de outros experimentos, tanto desde curso como do curso pasado, no apartado de "VÍDEOS" do recanto de infantil, oudirectamente desde AQUÍ.

 

(2017-2018) Visitamos Naturnova, e pasámolo de medo en Indiana Bill, na nosa saída de fin de curso.

O 12 de xuño por fin chegou o gran día que tiñamos marcado no noso calendario online e de papel, tiñamos a nosa última saída do curso. Nesta ocasión de mañá e tarde para participar nas actividades de Naturnova e xogar no parque infantil Indiana Bill.

Xunto ós compañeiros e compañeiras de 1º e 2º, xa estabamos preparados para marchar.

 

Despois da viaxe en autobús ata Vigo fixemos unha paradiña para tomar a nosa merenda.

 

Xa coas forzas repostas camiñamos un anaco ata chegar a "Naturnova" en Vigo.

 

Alí "xogamos" con Claudia a buscar a unha pequena pantasma que estaba esacondida nos "cómics" da exposición, así como outros pintores famosos que estaban metidos nas diferentes viñetas.

 

E ata nos metimos denro dunha viñeta de cómic como súperheroes.

 

Remata a visita participamos nun obradoiro creando os nosos propios cómics.

 

Rematada a visita a Naturnova, viaxamos ata a Ramallosa (Nigrán), para tomar a nosa comida antes de poder xogar en Indiana Bill... o fantástico parque infantil que estabamos agardando.

 

Ata que chegase a hora de entrar en Indiana Bill, xogamos un anaco no parque onde coméramos.

 

Despois dun pequeno anaco camiñando...

 

Por fin puidemos xogar no parque Indiana Bill, ata os profes Cris e Óscar se meteron dentro ;)

 

Unha foto de grupo como despedida... pasámolo de medo.

 

Podes ver más fotografías na galería fotográfica.

 

(2017-201) Rematamos a nosa investigación sobre os tabeiróns. Todo está listo para convertir a nosa aula no fondo do mar

Podes ver os pasos previos deste proxecto de traballo e investigación nas seguintes entradas deste mesmo blogue:

27/04/18: (2017-2018) Comezamos a investigar sobre os tabeiróns e o mar para convertir a nosa aula nun acuario xigante. 

26/05/18: (2017-2018) Continuamos a investigar sobre o mar e os tabeiróns. Atopamos a primeiras respostas 

 

Continuamos a nosa investigación sobre o mar e os tabeiróns buscando a respostas ás últimas preguntas que nos quedaban aínda por descubrir.

Varias das preguntas que restaba decidimos investigalas nos equipos cooperativos e, unha vez atopadas as respostas, compartir a información atopada co resto dos compañeiras e compañeiras. Como sempre o primeiro era acordar dentro do equipo que "rol" asumiría cada quen.

 

E unha vez rematado o traballo levaron a cabo a auto-avaliación do seu traballo, valorando se "todos traballamos", "falamos para chegar a acordos", "rematamos a tempo" e "recollimos o material".

 

Cada un dos equipos escolleu cal das preguntas restantes quería investigar, para atopar a resposta.

 

Anotando o número da pregunta no cadro de organización, xunto a fotografía do seu equipo.

 

Algúns buscaron en internet, ou no material impreso que tiñamos na aula e ata empregamos unha maqueta para descubrir que comían os tabeiróns.

 

Cada equipo foi tomando nota dos das respostas que ía atopando, coa axuda do mestre nalgúns casos.

 

Coa resposta xa atopada cada equipo acordou de que xeito o ía contar no mural, decidindo qeu fotos acompañarían os textos que xa tiñan escritos.

 

Coa resposta xa plasmada no mural da investigación cada un dos equipos contoulles ós restantes compañeiros e compañeiras, os descubrimentos que fixeran. Antes, por suposto, tiveron que planificar e acordar (coa axuda do mestre) como poderían contalo de xeito que todos participasen.

 

Así quedaron as respostas ás catro preguntas investigadas.

 

As tres preguntas restantes acordamos investigalas todos xuntos, e así o indicamos na táboa organizativa do noso mural.

Entre todos e todas demos conta delas, escoitando o que dicía en diferentes fontes de información (e internet, nas fotocopias que tiñamos na aula, etc...)

 

Así plasmamos, na lista de tabeiróns que tiñamos no mural doutra pregunta, os datos de canto pesaban e medían... agora xa sabemos cal é o tabeirón máis grande. (fai click na imaxe e poderás descubrilo cando a vexas máis grande)

 

Para descubrir como respiran atopamos a información nunha web que se chamaba a "tiburonpedia", un nome que nos fixo moita gracia.

 

Alí descubrimos como respiraban e porque non podían parar de nadar, nin saír moito tempo da auga.

 

Comparamos a súa forma de respirar coa nosa... e eso que ambos respiramos osixeno... pero de lugares diferentes. 

 

Para rematar a nosa investigación, atopamos a resposta á pregunta "Como cazan?", descubrindo que empregan os seus sentidos, que son máis dos que temos os humanos.

 

E así, cun gráfico, o plasmamos no noso mural da investigación.

 

Por fin o noso mural estaba xa completo, con tódalas preguntas coa súa resposta. Un traballo feito entre todos e todas.

 

Coa investigación rematada, e con tódolos datos que precisabamos xa descubertos, estamos listos para convertir a nosa aula no fondo do mar, e poder facer nela unha festa, tal como decidiramos e tiñamos fixado como producto final desde o comezo desta investigación. 

Seguide atentos ás entradas deste blogue onde vos manteremos informados desta "transformación acuática" da nosa aula, así como da creación do dosier persoal coas respostas atopadas.

 

 

 

 

(2017-2018) E ademais... no mes de maio, tamén sucedeu todo isto.

No mes de maio, ademais de todo o que xa vos contamos en entradas precedentes deste blogue, como continuar coa investigación sobre os tabeiróns e o mar ou crear a nosa película da "supermulleres da paz"; sucedeu tamén todo isto en Infantil 2.

 

CONCURSO DE RELATOS DA ANPA:

Inventamos entre todos e todas, e logo creamos por equipos cooperativos, o conto "A Bruxa dos tabeiróns", para participar no concurso de relatos organizados pola ANPA. 

 

Fai click na seguinte portada, para poder ver o noso conto completo.

Tan só faltaba levarllo á directora do colexio para que o entregase á ANPA.

 

O día da celebracion das "Letras galegas" derónnos un premio polo noso conto. Podes lembrar como foi este momento na seguinte entrada.

26/05/18: [Infantil xuntos]
(2017-2018) Descubrimos a Mª Victoria Moreno e facemos un mural coas
nosas mascotas, para celebrar a semana das Letras Galegas

 

Traballamos aspectos relacionados co ritmo nas sesións de expresión musical na aula de música. 

 

Participamos nunha video-conferencia co colexio de Lucía, que fora a nosa compañeira e agora está nun novo colexio. Puidemos descubrir como era o seu novo cole e coñecer ós seus novos compañeiros e compañeiras, así como a súa mestra.

 

Asistimos a unha sesión de visionado de curtametraxes organizadas pola biblioteca do centro, dentro do plan  "3, 2, 1... rodando libros", do que tes máis datalles noutra entrada sobre a rodaxe da nosa película "As supermulleres da paz".

 

Experimentamos co xeo e coa sal... creando primeiramente cubiños de xeo de diferentes cores, despois de plantexar hipóteses sobre como facer para "crear xeo".

 

Con sal e unha la, conseguimos que se quedase pegada ó xeo e podes mover o cubiño polo plato. Nesta ocasión é un dos equipos de Infantil 1, quenes crearán o vídeo deste experimento. Poderás velos, xunto cos demais que fixemos ó longo deste curso, no recanto de infantil desta web, ou directamente desde aquí.

 

Completamos o noso caderno de campo, anotando os datos e observacións deste experimento.

 

Traballamos en equipos cooperativos en diferentes momentos e para diferentes obxectivos, como sempre levamos a cabo a nosa auto-avaliación ó rematar o traballo.

27/04/18: (2017-2018) Temos novos equipos cooperativos na aula... Queres coñecelos?

 

Exploramos a nosa creatividade pintando con témpera.

 

Nas sesións de psicomotricidade no pavillón, desenvolvimos habilidades de control do espazo, coordinación de movementos, coordinación de movementos e accións cos outros, traballo en equipo...

ç

 

Asistimos, cos compañeiros e compañeiras de todo colexio ó musical de Pocahontas no Teatro Principal de Pontevedra.

 

E despois merendamos nun parque e xogamos todos nos columpios.

 

Antes de rematar este curso, no mes de xuño, aínda nos quedan cousas por facer: rematar a investigación sobre o mar e convertir a nosa aula no fondo no mar, crear o último vídeo dun novo experimento, recibir a visita dos nenos e nenas da Galiña Azul e  participar na excursión de fin de curso.

Como sempre lembrade que teredes cumprida conta nas respectivas entradas neste blogue.

 

(2017-2018) Así rodamos a nosa película "As supermulleres da Paz". Queres vela?

Lembras o noso conto "As supermulleres da paz" que creamos para participar no salón do libro?. Se non o recordas podes facelo nas seguintes entradas:

09/03/18: [Infantil xuntos] (2017-2018) Creamos o noso libro "As súper-mulleres da paz" para o Salón do libro. Queres velo? 

15/04/18: [Infantil xuntos] (2017-2018) Planificamos a visita e creamos un mapa para participar nas actividades do Salón do Libro e visitar a ORBIL 

03/02/18: [Infantil xuntos] (2107-2018) Descubrindo os Premios Nobel para celebrar o día da Paz 

 

Para participar na película de "centro" organizada pola biblioteca do colexio titulada "3, 2, 1... rodando libros", decidimos convertir esta historia creada por nós, nun guión e con el rodar a nosa participación na película.

Así naceu "As supermulerres da paz"... a película.

Foron necesarios moitos diálogos e acordos para organizar o traballo de rodaxe,  convertir a nosa historia nun guión, buscar o vestiario e o atrezzo... ata que todo estivo listo para comezar a rodaxe.

 

 

Finalmente chegou o momento de comezar a rodaxe das diferentes escenas da película, cada quen representou o papel que lle correspondía na historia e todos e todas, diante do croma verde, imaxinamos que estabamos na selva, no centro de mando, etc...

 

Por suposto tamén nos vestimos como as diferentes personaxes da historia: morcegos, zombies, as supermulleres... e ata o lobo Orbil. Todo os que saían no noso libro e que agora estarían presentes nesta fantástica película.

 

Cando rematamos de rodar as diferentes escenas, e xa coa película montada, mirámola por primeira vez cos fondos en lugar da tela verde, coa música e cos efectos especiais.

 

Descubrimos tamén como se convertía o fondo verde nunha selva ou outros dos lugares que aparecían na película.

 

Acordamos que coa película xa feita, aínda faltaba por poñerlle as nosas voces, para que a historia quedase clara. Así pois despois de grabar o audio das diferentes partes da historia, voltamos a visionar a nosa película xa coas nosas voces engadidas.

Xa estaba lista para a súa presentación pública.

 

Tal como anotamos no calendario online das dúas aulas de infantil, o día 5 de xuño, pola tarde, tería lugar a presentación para as familias da película creada polo centro, e da que a nosa formaba tamén parte. Pensamos que para que todos se enterasen o mellor sería facer un cartel anunciándoo.

 

Pegamos o cartel na porta da entrada para que todos e todas o puidesen ver.

 

Tamén levamos unha invitación persoal para casa elaborada pola bibioteca do centro, que tamén levaron tódolos nenos e nenas do colexio.

 

A tarde da data sinalada estaba todo listo para comezar a proxeción... alí estaban moitas das nosas familias.

 

Se non puideches asistir podes ver a película completa de seguido, lembra que a nosa "As supermulleres da paz" sae a primeira ;) 

 

(2017-2018) Continuamos a investigar sobre o mar e os tabeiróns. Atopamos a primeiras respostas

Podes ver os pasos previos deste proxecto de traballo e investigación nas seguintes entradas deste mesmo blogue:

27/04/18: (2017-2018) Comezamos a investigar sobre os tabeiróns e o mar para convertir a nosa aula nun acuario xigante. 

 

Durante varios días estivemos xuntando toda a información que nos ían enviando as nosas familias por correo electrónico, en vídeos moi interesantes, como fotocopias impresas, como curiosos murais e ata nunha fantástica maqueta.

 

Todos xuntos comezamos a investigar a primeira das preguntas "CANTOS TABEIRÓNS HAI? DE QUE TIPOS?" 

Para elo usamos un dos nosos videos (que podes atopar no recanto de infantil no apartado vídeos), anotando nunha lista tódolos nomes de tabeiróns que ían saíndo.

 

Decidimos que, para contalo no mural da investigación deberíamos incluír tamén unha fotografía de cada un deles, así que fomos elexindo entre todos cal delas queríamos poñer para cada tabeirón.

 

Tan só quedaba escribir o nome do tabeirón...

 

E ir pegándoos un a un no mural da investigación.

 

Así quedoua lista unha vez rematada, tamén anotaríamos que había preto de 370 tipos diferentes, e usaremos esta mesma lista para anotar algúns datos de cada un como "canto pesan" ou "canto miden", que tamén estaba na nosa lista de preguntas.

 

Anotamos no cadro de organización de traballo que esta pregunta, a número 1, a investigamos "todos xuntos"

 

Días despois continuamos coa investigación, nesta ocasión traballando por equipos cooperativos para que, cada un dos equipos, investigase unha das preguntas para atopar así as respostas entre todos e todas.

Tras acordar dentro de cada equipo os roles de cada un (encargado de material entre outros) e decidir de forma acordada cal das preguntas posibles querían investigar, anotaron a súa decisión no cadro de organización de preguntas.

 

Algúns dos equipos atoparon a resposta á súa pregunta nun vídeo, outros en fotocopias ou textos escritos (que pediron ó mestre que o lese)

 

Cada un dos equipos acordou a forma en que quería plasmar as respostas que atopou no mural, se precisaban incluír unha fotografía para acompañalo, que texto escribir, se empegrar flechas ou debuxos... e puxéronse mans á obra de forma acordada entre eles.

 

Así quedaron plasmadas o muras as catro preguntas que xa tiñan resposta, atopada polos respectivos equipos.

 

Tras cada momento de traballo cooperativo, cada un dos equipos levaou a cabo a súa "auto-avaliación" figuro-analóxica, para valorar os diferentes aspectos do seu traballo, nos panel do equipo, usando unhas "caras contentas, pensativas ou tristes"

 

Tan só restaba que cada un dos equipos lle contase ó resto dos compañeiros e compañeiras, os descubrimentos que fixera para cada unha das preguntas. Eso si, antes tiveron que poñerse dacodo e planificar como ía a contar a resposta ós demais compañeiros.

 

E por suposto respostando ás preguntas que os compañeiros lles facían a cada un deles.

 

Aínda nos quedan algunhas preguntas por respostar antes de que teñamos toda a información e podamos poñernos "mans á obra" para convertir anosa aula no fondo do mar e facer unha festa.

Distribuir contido