Iniciar sesión: Accede co teu contrasinal

infantil, infantil 1, infantil 2 , Infantil xuntos

(2018-2019) Recibimos a visita dos compañeiros e compañeiras da Galiña Azul

Como cada mes de xuño, cando remata o curso, convidamos ós compañeiros e compañeiras máis maiores da Escola Infantil "A Galiña Azul" a facernos unha visita. Moitos deles estarán connosco o vindeiro curso.

Coñecímolos a todos/as vendo as súas fotos, e repartimos os novos compañeiros e compañeiras entre os diferentes equipos cooperativos.

Preparamos uns fantásticos marcos de agasallo para cada un dos nenos e nenas que virían. Cada equipo preparou o do seu neno/a "apadriñado".

 

 

O día da visita viñeron acompañados de Bego e de Sonia, que tamén foran as profes dalgúns de nós fai uns anos, cando estabamos na Galiña Azul.

 

 

Puidemos xogoar todos xuntos nas aulas un anaco.

 

Fixemos esta fantástica foto de grupo, todos xuntos e xuntas. 

 

E asistimos a unha estupenda sesión de contacontos, con monicreques, a cargo dos compañeiros e compañeiras de sexto.

 

 

Xa de volta na a aula, cada equipo co seu neno/a apadriñado, pegou a fotografía de grupo no marco que fixeran de agasallo.

 

 

Xogamos tamén no patio do colexio todos xuntos, onde nos convidaron a unhas deliciosas galletas.

 

 

Cando tiñan xa que marchar de volta para o colexio, posto que era a hora de comer para eles, despedímolos ata a vindeira ocasión. 

 

(2018-2019) Viaxamos en tren ata Vigo para visitar o Zoo e Indiana Bill

O pasado 11 de xuño, xunto cos compañeiros de 1º e  2º, viaxamos en tren ata Vigo para poder visitar o Zoo. Pola tarde puidemos xogar todos e todas no parque Indiana Bill.

Asi nos foi nesta saída de fin de curso de mañá e tarde:

Antes do día da víaxe foron necesarios algúns preparativos, como anotar quenes ían asistir, preparar os nosos bocadillos para a merenda ou facer o mapa co percorrido da viaxe. Iríamos en autobús, en tren e camiñando.

 

 

 

Xuntámonos cos compañeiros de primeiro e segundo para facer os nosos bocadillos para a merenda, durante a excursión.

 

 

Con todo xa organizado, por fin chegou o día da viaxe. Como indicaba no noso mapa primeiro había que ir en autobús ata a estación de tren de Pontevedra.

 

Despois unha fantástica viaxe en tren ata Vigo... había unha chea de túneles!

 

 

Cando chegamos á estación de Vigo, había que buscar de novo o autobús para que nos levase ata o zoo, tal como indicaba o mapa do percorrido. 

 

 

Fomos comprobando no mapa, como iamos pasando por cada un dos sitios que previamente marcáramos.

 

 

A seguinte parada era a visita ó zoo, onde puidemos ver unha chea de animais. Pero antes unha paradiña para tomara os bocadillos que fixéramos para a nosa merenda.

 

 

Rematada a visita ó zoo tivemos que coller novamente o autobús para viaxar ata o parque "Indiana Bill". Cando chegamos tomamos a nosa comida nun parque que había preto de alí...

 

... onde tamén puidemos xogar un pouco ata que chegase a hora de entrada no parque.

 

 

Tal como sinalaba o noso mapa, o último tramo do percorrido da nosa viaxe ata Indiana Bill, tería que ser camiñando.

 

 

Cando chegamos a Indiana Bill xa nos estaban a agardando. 

 

 

Pasámolo xenial... antes de marchar, unha foto de recordo..

 

 

Chegou o momento de despedirse e voltar cara o colexio, esta vez só en autobús, onde nos estarían agardando as nosas familias.

(2018-2019) E ademais no mes de maio...

Durante o mes de maio ademais do que xa vos comentamos en entradas anteriores (que podes atopar no final desta páxina), sucedeu todo o que indicamos de seguido:

Anotamos no noso calendario online os feitos relevantes do mes, controlamos as faltas de asistencia e outras rutinas que levou a cabo diariamente o encargado.

 

 

Continuamos a participar nos "apadriñamentos lectores", con compañeiros e compañeiras doutros niveis, organizados pola biblioteca escolar.

 

Participamos no concurso de poesía organizado pola ANPA, creando unha poesía pola que nos deron un fantástico premio. 

 

 

Asistimos a unha sesión de cutrametraxes sobre a igualdade:

 

 

O noso Dicionario Xigante continou medrando, xa case estamos a punto de rematalo, ó igual que sucede co noso dicionario individual.

 

 

Continuamos a traballar en equipos cooperativos, en diferentes actividades que se plantexan na aula.

 

 

Cada semana, nanosa quenda, temos regar as plantas aromáticas e medicinais, que plantamos no xardín vertical da entrada.

 

HECTOR trouxo novos "inquilinos" para a nosa aula, uns gusanos de seda.

 

Dous compañeiros de primeiro e segundo, viñeron a contarnos os beneficios das froitas, nesta ocasión da laranxa.

 

Rematamos de levar a mochila viaxeira para as nosas casas.

 

Exploramos o uso do PROBOT, uns dos nosos robots educativos.

 

 

RAYO e EVAN continúan vivindo na nosa aula, grazas ós coidados ós que nos comprometemos a darlle cada semana.

 

Continuamos reciclando e compostando os nosos "residuos" da merenda.

 

Participamos nun concerto de Susa Herrera, que nos presentou o seu novo libro de cancións.

 

 

Aproveitamos a ocasión para facerlle unha entrevista, que formará a formar parte do telexornal que estamos a crear.

 

 

Participamos nas actividades para celebrar a Semana das Letras Galegas.

 

Exploramos as nosas posibilidades creativas coa témpera.

 

 

 

E ata superamos un reto que nos "auto-impuxemos" nos momentos de xogo libre... Poderíamos facer unha torre que chegase ata o tabeirón? 

 

 

Despois de varios días, varios intentos e de probar diferentes estratexias, colaborando todos e todas demos conseguido o gran reto. 

 

No mes de xuño, antes de que remate este curso, aínda nos queda moito por facer como rematar o noso telexornal, recibir a visita dos compañeiros/as da Galiña Azul, despedirnos dos compañeiros/as que marchan para primeiro e a nosa fantástica excursión de fin de curso.

De todo isto como sempre recibiredes cumprida información neste mesmo blogue.

 

Lembra que podes ver outros tarefas que tiveron lugar ó longo deste mes nas seguintes entradas.

01/06/19: [Infantil xuntos] (2018-2019) Continuamos a cociñar. Nas últimas semanas fixemos Spagueti e Magdalenas 
01/06/19: (2018-2019) Sabes como meter papel en auga e que non se molle? Descúbreo co noso vídeo deste experimento 
01/06/19: [Infantil xuntos] (2018-2019) Celebramos os aniversarios de Anxo e Antía no mes de maio 
25/05/19: [Infantil xuntos] (2018-2019) Continuamos a crear as novas que formarán parte do noso telexornal 
25/05/19: [Infantil xuntos] (2018-2019) Participamos nas “lecturas na carballeira” cunha poesía de Rosalía de Castro 
11/05/19: [Infantil xuntos] (2018-2019) Entrevistamos a Susa Herrera para o telexornal que estamos creando en infantil 
11/05/19: [Infantil xuntos] (2018-2019) Convertímonos en Chefs: Comezamos cociñando unha pizza

 

 

(2018-2019) Continuamos a cociñar. Nas últimas semanas fixemos Spagueti e Magdalenas

Como xa vos comentamos nunha entrada anterior, comezamos a cociñar diferentes platos nas aulas de Educación Infantil. Podes lembrar como cociñamos a pizza na seguinte entrada:

11/05/19: [Infantil xuntos] (2018-2019) Convertímonos en Chefs: Comezamos cociñando unha pizza

Nas últimas semanas continuamos a cociñar outros dos platos que tiñamos anotados na nosa lista.

Antes de comezar, escribimos entre todos e todas a lista de ingredientes que precisamos, para cada un dos platos, así como as cantidades e medidas de cada un deles.

 

Seguindo a receita escrita entre todos e todas, pesando e medid¡ndo os ingredientes, nunha das semanas cociñamos SPAGUETIS:

 

 

Antes de comelos cada quen condimentounos con tomate fritido, peituga de pavo e queixo en po, segundo quixera.

Estaban boísimos!!!

 

 

Noutra das semanas cociñamos MAGDALENAS DE CHOCOLATE, seguindo novamente a receita que escribimos entre todos e todas.

 

 

Aproveitamos para rodar unha noticia sobre a cociña, para incluila no telexornal que estamos a rodar, e do que xa vos fomos comentando noutras entradas anteriores.

 

 

Seguido os pasos da receita fomos cociñando as nosas magdalenas de chocolate, que decoramos con virutas de caramelo.

 

 

Tan só quedaba probalas. Estaban boísimas!!!

 

 

Con cada plato, fomos anotando no panel, cales xa fixéramos.

 

 

Anotamos no noso recetario individual, a receita de cada un dos platos que cociñamos. 

 

Aínda nos quedan algunhas semanas antes de que remate o curso, para poder cociñar outros platos. Como sempre poderedes velos en futuras publicacións neste blogue.

 

(2018-2019) Sabes como meter papel en auga e que non se molle? Descúbreo co noso vídeo deste experimento

Este mes descubrimos como meter papel en auga sen que se molle, grazas o experimento que levaríamos a cabo.

Nesta ocasión nos correspondería a Infantil 2 crear o vídeo explicativo do experimento (que podes ver ó final desta entrada), tería que facelo a antigo equipo COCODRILO, que eran quenes restaban por facelo.

Como sempre facemos, antes de nada plantexamos as nosas hipóteses de que podería facerse usando ese material, houbo moitas ideas diferentes:

  • Metendo o papel na auga cambia de cor
  • Poñendo o vaso como un barco non en entra auga e o papel no se molla.
  • Se pos o vaso do revés o papel si se molla.
  • Se metes o papel desfaise e desaparece
  • [...]

 

Comprobamos as diferentes hipóteses pero ningunha funcionaba. Non era posible meter o papel na auga, pero si metíamos o papel no vaso apretado contra o fondo, ó meter o vaso do revés non se mollaba.

Era todo un misterio porque non subía a auga ata o papel... despois dun debate entre todos chegamos á conclusión de que a razón é que había algo entre o papel e auga, dentro do vaso. Seguramente aire.

 

 

Chegou despois do turno de que cada un dos equipos cooperativos levase a cabo o experimento, para verificar que sempre sucedía o mesmo resultado. Por suposto, unha vez feito, puideron facer tódalas modificacións e experimentacións que consideraron co material.

 

 

Unha vez feito en tódolos equipos, e despois de facer a auto-avaliación do seu traballo co "panel das caras". O antigo equipo cocodrilo tivo que organizarse para rodar o vídeo do experimento.

Tiveron que decididir quen diría cada parte da explicación, así como escribir o material que se precisa nun cartel. 

 

 Así quedou o vídeo do experimento unha vez rematado.

 

Tan só nos quedaba por anotar, os resultados e as observacións no caderno de campo individual do experimento.

 

Podes ver este vídeo e os vídeos doutros experimentos, tanto desde curso como do curso pasado, no apartado de "VÍDEOS" do recanto de infantil, oudirectamente desde AQUÍ.

 

(2018-2019) Celebramos os aniversarios de Anxo e Antía no mes de maio

No mes de maio cumpriron anos ANXO e ANTÍA. Ademáis de anotalo no noso calendario online, tamén fixamos a data en que celebraríamos a súa festa. Como sempre convidarían ós seus compañeiros e compañeiras, a comer unha tarta que eles mesmos farían.

Escolleron a receita da súa tarta favorita, e con eles escribimos a nota de ingredientes para pedir ás familias.

 

 

Mentras non chegaba o día de elaborar a tarta e celebrar a gran festa, preparamos unhas camisetas de regalo para os homenaxeados.

 

Un día antes da festa, os dous anfitrións puxéronse mans á obra para, seguindo as indicacións da recita, facer a tarta que escolleran.

 

 

Despois dunha noite no frigorífico, o día da gran festa, tiveron que decorala con Lacasitos, tal como indicaba o último paso da receita. 

 

 

Xa estaba todo listo. Unhas cancións e a soprar as candeas!!!

 

 

 

A tarta, que repartiron entre todos e todas, estaba boísima. Ata veu a profe Gonzalo a probala.  

 

 

Rematamos a festa con gusanitos, patacas fritidas e zume de piña. 

 

Tan só nos quedan por celebrar os anviersarios de xuño, e dos compañeiros e compañeiras que cumpren no verán. Deste xeito remataremos tódolas celebracións dos aniversarios ata o vindeiro curso.

(2018-2019) Continuamos a crear as novas que formarán parte do noso telexornal

Como xa vos contamos en entradas anteriores, estamos a preparar un telexornal onde contaremos as novas máis relevantes que tiveron lugar ó longo deste curso.

Podes ver os pasos previos nas seguintes entradas:

11/05/19: [Infantil xuntos] (2018-2019) Entrevistamos a Susa Herrera para o telexornal que estamos creando en infantil

 

Tiñamos aínda unha chea de novas pendentes de crear, antes de poder facer o noso telexornal, por esa razón pensamos que o mellor sería repartírnolas entre as dúas aulas, e anotar no mural a decisión tomada.

 

Ó longo dos días fomos planificando, creando os textos e rodando as diferentes novas que lles correspondía a cada aula. Decidimos en cada caso se precisaríamos facer unha entrevista e a quen, donde teríamos que usar a cámara de vídeo para rodar as imaxes, e quen faría a "voz en off".

 

Entrevistamos ó profe Paulo e á directora....

 

 

Creamos algunha reportaxe divulgativa ;)

 

Tamén preguntamos ós compañeiros e compañeiras maiores as súas impresións sobre certas noticias.

 

 

Despois de cada rodaxe visualizábamos como quedou a noticia, para decidir que incluír como "voz en off" cando só había imaxes, ou facer unha valoración crítica para incluír posibles modificacións.

 

Escribimos entre todos e todas o que podíamos dicir en cada un dos vídeos, redactando a noticia correspondente. En ocasións dictámoslle ós profes o que deberíamos dicir en cada caso.

 

Fomos anotando no mural da planificación aquelas novas que íamos rematando. 

 

 

Polo momento aínda non podemos ensinarvos as novas que xa temos listas, pero si podemos deixarvos algunhas "capturas" das mesmas, para que vaides abrindo boca.

 

Nunhas semanas teremos rematado o noso telexornal e poderemos facelo público, para que todos e todas poidades velo e coñecer o que sucedeu ó longo deste curso.

 

(2018-2019) Participamos nas “lecturas na carballeira” cunha poesía de Rosalía de Castro

Un curso máis, organizado polo Equipo de Biblioteca escolar do centro, participamos nas "Lecturas na Carballeira". Nesta ocasión habí que recitar algunha poesía. 

En infantil decidimos recitar a creación de Rosalía de Castro "XAN", que xa coñecíamos da celebración do día do libro.

 

Preparamos un "rollo" xigante onde iríamos contando a historia, a vez que recitábamos a poesía.

 

 

O día das "Lecturas na Carballeira", marchamos cara a prazo do Concello, onde estaban agardando os veciños que asistirían como público. 

 

 

Alí, xunto ós restante compañeiros e compañeiras do centro, fomos recitando a poesía de Xan, usando o noso "rollo xigante" para explicala.

 

 

A AMPA entregounos un agasallo a cada un por participar no "concurso de poesías das "Letras Galegas".

  

 

Tamén nos deron un "libro a cada unha das aulas" como premio polas nosas creacións. Nos demais cursos, ademais do agasallo individual, entregaron premios ás mellores poesías.

 

 

Agora estes libros forman parte da nosa biblioteca de aula.

 

 

Poderás atopar máis información sobre esta actividade no "blogue da Biblioteca escolar" nuns días.

 

 

(2018-2019) Entrevistamos a Susa Herrera para o telexornal que estamos creando en infantil

Un día os profes ensináronos na clase un telexornal con noticias moi curiosas, a partir del xurdiu un diálogo sobre todo o que alí saía, para que servía e quen os facía.

 

 

A todos nos parecía raro que non saira ningunha noticia do noso colexio, así que alguén plantexou a idea de facer o noso propio telexornal contando as noticias que sucederan ó longo deste curso.

Acordamos crear o noso propio telexornal, e comezamos por organizar e planificar o traballo, clasificando as noticias do telexornal que acabábamos de ver en diferentes seccións. Escribimos debaixo as noticias que contaríamos do noso colexio de cada categoría.

  

 

Pedimos tamén axuda ás nosas familias para conseguir información sobre como se fai un telexornal. Recibimos varios vídeos e documentos (que podedes atopar no recanto de infantil no apartado de vídeos). Tamén trouxemos un micrónofo que poderíamos usar nas noticias que había que crear.

  

 

Con esa información anotamos no mural tanto o material que precisaríamos así como as persoas que se encargan de facelo, e o rol que desempeña cada un deles.

 

Agora que xa sabíamos quen era un redactor, presentador, realizador...  estabamos preparados para crear as nosas noticias.

Cando estiveran todas listas poderíamos "crear" un plató e rodar un telexornal con todas elas.

Como esta semana viría Susa Herrera a presentar o seu novo libro-disco, e como estaba xa anotado na nosa lista de noticias previstas, pensamos que poderíamos facerlle unha entrevista para logo incorporar á noticia. 

Entre todos e todas escribimos as preguntas que lle faríamos.

 

Acordamos quen sería reporteiro e cámara, entre os voluntarios que se presentaron.

 

 

Despois de varios ensaios, o día da celebración do concerto de Susa Herrea (do que teredes unha entrada nesta mesma web), cando rematou o concerto puidemos facerlle unha entrevista. 

Aquí está o equipo de dous redactores e o cámara esperando a que chegara, probando que todo funcionase correctamente.

 

Foi moi divertida e quedou xenial, lista para incorporala á noticia.

 

 

Visionamos a noticia na aula, para ver que nos parecía e facer unha valoración crítica da mesma.

 

Poderedes ver esta entrevista, xunto coas restantes noticias, cando estea listo o telexornal a final de curso, como sempre poderedes velo neste blogue.

Continuaremos a contar o proceso de creación do noso telexornal ó longo das vindeiras semanas en sucesivas entradas.

 

(2018-2019) Convertímonos en Chefs: Comezamos cociñando unha pizza

Imos a convertirnos en CHEFS, unha vez á semana, nas aulas de Educación Infantil para aprender a cociñar diferentes pratos, traballando así coas cantidades e medidas dos ingredients de cada receita.

Precisabamos antes de comezar, como todo bo chef, facer o noso gorro, con letras, unha culler e un garfo.

  

Tivemos tamén que decidir entre todos e todas que platos queríamos cociñar ó longo das semanas, escribindo unha lista e plasmándoo nun mural.

 

 

Imos cociñar todo isto, tan só nos queda decidir que queremos facer cada semana.

 

 

Preparamos tamén o noso RECETARIO onde iremos anotando as receitas dos pratos que viamos facendo na clase.

 

Xa estaba todo listo no noso recanto da cociña, preparado para cociñar o primeiro plato.

 

Os chefs estaban listos e preparados... esta semana cociñaremos PIZZA.

  

O primeiro foi escribir nunha lista os ingredientes que iamos empregar. Fomos pesando cada un dos ingredientes, para ilos  mesturando na cantidade xusta para facer a masa da pizza.

Unha vez feita había que deixala "medrar"  un anaco, agardamos todo o recreo.

Á volta do recreo, organizados xa por equipos cooperativos, cada quen extendeu un anaco de masa e preparou a súa pizza. 

 

 

Tivemos que falar para acordar, dentro de cada equipo, quen se encargaría de engadir cada un dos ingredientes: o tomate fritido, o queixo raiado, o pavo e as aceitunas.

 

Así de fantásticas quedaron... tan só quedaba metelas no forno. 

 

 

Os profes foron metendo as pizzas no forno, que como pon no cartel non se pode tocar.  Durante o tempo en que non se usa está desenchufado (é imposible enchufalo) polo que non funciona, por cuestións de seguridade.

 

 

Unha a unha as pizzas foron pasando polo forno.

 

Para que quedasen así de fantásticas. 

 

Tan só quedaba comer o anaco que nos correspondía dentro do equipo, ou levalo para casa segundo decidisen cada quen. 

 

 

Estaba boísima!!!

 

Anotamos nos receitario os ingredientes e título desta receita. 

 

Para a vindeira semana cociñaremos un novo prato... se voltades por este blogue poderedes descubrir de cal se trata.

 

Distribuir contido