Iniciar sesión: Accede co teu contrasinal

1º e 2º xuntos

Menú do recanto

CAMBIAR IMAXE DE GRUPO


Entradas no blog do recanto de 1º e 2º xuntos
[1º e 2º xuntos] 16/11/19: (2019-20) ALGUNHAS COUSAS DA NOSA CLASE
[1º e 2º xuntos] 01/11/19: (2019-2020) APRENDENDO XUNTOS
[1º e 2º xuntos] 01/11/19: (2019-2020) SAMAÍN
[primeiro] 01/11/19: (2019-2020) APRENDENDO LETRAS EN 1º
[1º e 2º xuntos] 20/02/19: (2018-2019) Xogando cos ozobots e escribindo moito...
[1º e 2º xuntos] 20/02/19: (2018-2019) Algúns traballos de Ciencias Naturais
[1º e 2º xuntos] 15/02/19: O CICLO DA AUGA
[1º e 2º xuntos] 17/01/19: xogo happy glass
[segundo] 15/01/19: Isla de plástico
[1º e 2º xuntos] 23/12/18: (2018-2019) Aprender xogando
[1º e 2º xuntos] 12/11/18: Libriño do corpo humano
[primeiro] 07/11/18: PRIMEIRAS SUMAS
[1º e 2º xuntos] 07/10/18: Cabeza, tronco, extremidades...
[1º e 2º xuntos] 23/05/18: APRENDEMOS A LER O RELOXIO
[1º e 2º xuntos] 07/05/18: MÁQUINAS SIMPLES E COMPOSTAS
[segundo] 20/05/19: Comprensión lectora
[1º e 2º xuntos] 21/02/18: xogos de diñeiro
[segundo] 06/02/18: Mulán Proyecto de investigación
[1º e 2º xuntos] 24/01/18: A paisaxe
[primeiro] 30/05/17: Webquest Petra
[1º e 2º xuntos] 28/03/17: Técnica da tartaruga
[1º e 2º xuntos] 23/02/17: Cálculo mental
[1º e 2º xuntos] 23/02/17: Medimos peixes
[segundo] 21/02/17: Día da muler traballadora - Chus Lago
[1º e 2º xuntos] 18/01/17: Mecanografía vedoque
[segundo] 14/06/17: India
[segundo] 10/01/17: XOGO DE MULTIPLICAR
[primeiro] 13/12/16: XOGO PARA 1º
[segundo] 13/12/16: XOGOS DE REPASO PARA 2º
[primeiro] 12/10/16: Actividades para repasar as letras. E unhas sumas...
[1º e 2º xuntos] 17/01/19: Menú de xogos de 1º e 2º xuntos
[1º e 2º xuntos] 16/07/19: Menú do recanto
[segundo] 28/10/19: Juegos segundo ( Lengua castellana)
[primeiro] 15/09/16: Coller ben o lapis
[segundo] 17/06/16: Xogos de orientación espacial
[segundo] 09/06/16: Repasa as táboas de multiplicar con Mr. Pi
[segundo] 30/05/16: Repaso de Matemáticas
[segundo] 24/05/16: Cálculo mental
[segundo] 23/05/16: ORDE ALFABÉTICO
[segundo] 05/05/16: Xogos
[segundo] 27/04/16: XOGOS DE LÓXICA
[segundo] 06/04/16: PALABRAS FALSAS
[segundo] 06/04/16: BINGO MATEMÁTICO
[segundo] 29/02/16: WEBQUEST AS ABELLAS
[segundo] 04/02/16: Xogos para aprender e repasar as táboas de multiplicar
[segundo] 02/01/16: Nova biblioteca de aula
[segundo] 25/11/15: La peluca de Luca (coeducación)
[segundo] 20/11/15: XOGO DE RESTAS
[segundo] 18/11/15: PIKIPALABRA
[segundo] 20/10/15: Bodas de pulgas y piojos
[segundo] 11/09/15: Reunión de 2º
[primeiro] 27/05/15: Velocidade lectora
[primeiro] 30/04/15: Composicións con figuras xeométricas
[primeiro] 15/04/15: Busca las imágenes iguales
[primeiro] 23/03/15: Tendal de poesía
[primeiro] 10/11/14: Árbore da familia
[primeiro] 28/09/14: (2014-2015) Xogando cun tangram feito na clase
[primeiro] 28/09/14: Practicar a direccionalidades das letras
[primeiro] 25/09/14: (2014-2015) Unha tartaruga na aula de 1º
[segundo] 08/02/14: (2013-2014) PILÚ, PILÚ: o noso videoconto
[segundo] 24/09/13: AULA DE 2º E PT, ABRINDO AS NOSAS " MALETAS" PARA PRESENTARNOS NO INICIO DO CURSO
[primeiro] 18/02/13: (2012-2013) Entroido
[segundo] 21/06/09: (2008-2009) Sacapenas para Gaza dos nenos e nenas de segundo
[segundo] 10/03/09: Segundo de primaria
[segundo] 16/07/19: Menú do recanto
[primeiro] 16/07/19: Menú do recanto
[segundo] 04/10/16: Xogos do recanto de segundo
[primeiro] 20/10/16: Xogos do recanto de primeiro

(2019-20) ALGUNHAS COUSAS DA NOSA CLASE

 Estas son algunhas cousas que fixemos na clase:

O primeiro, o resultado do experimento. O experimento consistía en meter un óso de polo en auga e outro en vinagre, deixalos uns días e ver que ocorría. Os nenos cubriron unha ficha onde explicaban o proceso, o que eles crían que ocorrería... e logo anotaban o resultado. Neste caso, ningún neno acertou co que ía pasar, xa que o óso metido en vinagre volveuse brando e podía dobrarse facilmente. Falamos de que esto era debido a que o vinagre eliminaba o calcio, falamos da importancia do calcio para os nosos ósos e dentes e de que alimentos o conteñen e a necesidade de alimentarnos ben.

Aproveitando o seu interese pola alimentación, fixemos uns paneis de "frutipuntos" para ir poñendo unha pegatina cada día que traian froita de merenda ao cole. Quen consiga todos os "frutipuntos" levará un "frutipremio".

Por outro lado, para traballar aspectos como a diferenciación de dereita e esquerda, algo necesario para orientarse e tamén para a lectoescritura, fixemos dous xogos. O primeiro consistíu en aparcar uns coches que trouxeron da casa á dereita ou á esquerda segundo se lles fora indicando.

 

O segundo xogo é un "memory" de caracois que miran á dereita ou á esquerda, feito con pratos de cartón.

Por outra banda, traballamos o cálculo, sumas e restas, de moitas maneiras; unha delas foi con este traballo en equipo onde tiñan que facer sumas e logo comprobalas coa calculadora. 

Ao acabar avalían o seu funcionamento como equipo e falamos do que é necesario mellorar para a próxima vez.

E, por suposto, nunca deixamos de traballar a lectura e escritura. Neste caso, a actividade consistía en atopar a palabra segreda antes que os demais equipos.

Estas e moitas cousas máis pasaron na nosa clase. Iremos dando conta de máis actividades en vindeiras entradas.

 

(2019-2020) APRENDENDO XUNTOS

Estivemos aprendendo cousas sobre o corpo humano, algúns dos seus órganos e como traballan xuntos para conseguir que o noso corpo funcione.

Creamos na aula un recanto con fichas informativas, carteis, libros...sobre o tema. Tamén fixemos un experimento do que daremos conta cando pasen os días necesarios para ver o resultado.

Usamos a pizarra dixital interactiva para escribir os nomes dalgunhas partes do corpo que iamos aprendendo.

E tamén para bailar a canción "cabeza, tronco, extremidades" que está nunha entrada anterior.

1º e 2º xuntos tamén estamos a elaborar un libro con palabras recortadas de revistas, folletos...que nos fan ler alá por onde imos na procura de palabras que nos valgan para o noso libro. Cando estea rematado, pasará a formar parte da nosa biblioteca de aula.

Ademais cada luns aparece no recanto de " a pensar" un novo reto que nos fai pensar, buscar solucións diferentes, ser creativos ou atopar un dato concreto. Así, ás veces hai que completar un debuxo, ou facer a palabra máis longa que poidamos cunhas letras dadas ou adiviñar o número correcto coas pistas que se dan. Durante toda a semana anotamos nun papel a solución ou posibles solucións e metémolos nunha caixa que se abre os venres. 

 

(2019-2020) SAMAÍN

 Aproveitando a motivación dos nenos a causa de Samaín, fixemos varias actividades para escribir, ler e traballar a atención. Así fixemos actividades de buscar diferenzas, sopas de letras con vocabulario de Samaín, debuxos de medo...

Falamos dos medos que todos temos, de que o medo é necesario para protexernos dos perigos, pero ás veces temos medo a cousas que non son perigosas e é importante intentar superalos. Cada neno fixo un traballo no que escribiu o seu medo e logo se debuxou a el mesmo sorrinte e sentíndose ben entre aquelo que lle produce medo. 

Contamos pequenas historias de medo que máis ben daban risa utilizando unhas figuras:

 

 

E aprendemos un tipo de texto discontinuo, o menú ou carta dun restaurante. Os nenos divididos en equipos elaboraron un menú apetecible so para os monstros, porque esforzáronse en que fora o máis "asqueroso" posible. Con eso decoramos o corredor cun "restaurante para monstros" e aprendemos a poñer unha mesa de maneira correcta e, de paso, falamos da importancia de colaborar nas tarefas da casa.

Por último o día 30 participamos nos Obradoiros de Samaín con todo o colexio: fixemos pantasma con Zaira no obradoiro de manualidades; Susana ensinounos un feitizo para desfacer pesadelos, con Paulo e Gonzalo fixeron uns sandwiches monstruosos, Loli pintounos as caras no Obradoiro de maquillaxe e tamén votamos á cabaza favorita para o concurso de cabazas. Fixemos tamén un montón de fotos no fotomatón. Esta é a foto de grupo pero hai moitas máis na galería. 

(2018-2019) Xogando cos ozobots e escribindo moito...

 Nunha das nosas sesións de robótica, os nenos deseñaron labirintos utilizando bastonciños de algodón e logo intentaron que os ozobots recorresen o labirinto e saíran del. 

Ademais, para favorecer a escritura temos dúas actividades na aula. Unha é o noso "tendal de poesía" no que se van colgando poemas copiados dalgún libro e intercambiándoos por outros que os compañeiros deixaran alí. 

Tamén con esta idea de que os nenos escriban divertíndose empezamos o libro viaxeiro de receitas. Cada neno leva para casa o libro e escribe unha receita, debuxa, pon fotos...en fin, colabora para facer entre todos un libro conxunto.

(2018-2019) Algúns traballos de Ciencias Naturais

No que vai de trimestre estamos aprendendo cousas sobre os animais e as plantas. O tema do Salón do Libro será a Revolución, e o noso cole referiráse á Revolución Ecolóxica. Así, todo o cole presentará un traballo sobre problemas medioambientais e , como parte deste traballo conxunto a nosa clase realizou un libro de fichas informativas sobre o oso polar, que está en perigo de extinción. Tamén fixemos un vídeo no que os nenos explicaron á súa maneira o problema do oso polar e propuxeron algunhas solucións.

Ademais estivemos aprendendo como son as plantas, como se alimentan, que necesitan para vivir... e para observalas desde o principio plantamos as nosas propias sementes. Os nenos elixiron entre sementes de lentellas, tomate, guisante ou xirasol anano. 

 

(2018-2019) Aprender xogando

Durante este trimestre intentouse que aprender lles resultara divertido e motivador aos nenos.

Así, ademais de facer letras en papel, no aire, con cordas, con plastilina e ata nas costas dos compañeiros... tamén fixemos letras con limpapipas

 

ou na nosa "pizarra máxica" de fariña de millo.

Tamén usamos a nosa "culler de ler" para repasar as letras e a lectura de sílabas.

Ademais temos na aula varios  "xogos da oca" que nos serven para practicar as letras máis difíciles.

 

Para as matemáticas e os números temos  un ábaco e xogos como a nosa "árbore de sumar".

 

Un destes días veu á clase "Tropicaco", un canciño que nos ensinou o abecedario cantando. 

Non olvidemos que xogar permite desenvolver unha grande variedade de destrezas, habilidades e coñecementos para os nenos. E ademais...é divertido!

 

Libriño do corpo humano

En 1º e 2º traballamos o tema do corpo humano. Co que aprendemos fixemos un libro desplegable para levar para casa.

Nel puxemos as partes do corpo.

As articulacións que temos e para que nos serven.

Fixemos un minilibro cos diferentes sistemas do corpo: locomotor, dixestivo, respiratorio, circulatorio...

Tamén fixemos unha "flor" cos nosos cinco sentidos.

 Adicamos algunhas sesións a falar de como debiamos coidar o corpo para que estea san. Todo eso deixámolo reflexado no libriño.

Ademais, elaboramos un pequeno test para ver canto saben as familias sobre o corpo humano.

 

E así demos por rematado o traballo do corpo humano, non sen antes escoitar o noso propio corazón cun fonendoscopio auténtico.

Así de orgullosos estaban do seu traballo.

 

 

Distribuir contido