Iniciar sesión: Accede co teu contrasinal
       

Infantil xuntos

(2019-2020) Os aventureiros de Campo Lameiro: A serie. Xa podes ver tódolos capítulos

Remata este curso tan diferente, durante unha parte do mesmo puidestedes ver todo o que fixemos neste recanto de infantil. Desde marzo todo cambiou e "mudámonos" á aula virtual da web (acceso libre como convidados), onde se foi publicando todo o que se estaba a facer desde as casas, ante as propostas que realizabamos desde o centro.

A modo de resumo creamos serie "Os aventureiros de Campo Lameiro", onde podedes ver todo que pasou ó longo deste curso, e que fomos presentando cada día ó longo desta semana.

Agardamos que vos guste.

Grazas a todos e a todas, tanto ós "nosos pequenos aventureiros e aventureiras" así como ás familias, polo seu traballo e implicación durante todo este tempo.

Bo verán para todos!! 

Vémonos en setembro.

(2019-2020) Continuamos a cociñar para descubrir máis sabores do mundo

Como xa vos comentamos en entradas anteriores, estamos a descubrir diferentes "sabores do mundo", cociñando platos con diferentes ingredientes:

11/10/19: [Infantil xuntos] (2019-2020) Sabores do mundo: cociñamos o noso primeiro plato do curso: arroz 3 delicias

30/10/19: [Infantil xuntos] (2019-2020) Seguimos a descubrir os “sabores do mundo”: zumes e chulas de cabaza 

29/11/19: (2019-2020) Sabores do mundo: cociñamos e probamos novos pratos en novembro

01/02/20: (2019-2020) Sabores do mundo. En xaneiro cociñamos “fajitas", doce de leite e galletas da sorte

Nas últimas semanas deste mes  "descubrimos novos sabores", cociñando os diferentes platos que che contamos de seguido.

Con cada unha das letras do noso "dicionario xigante" imos buscando un plato para cociñar de todo o mundo.

 

 

"JUDÍAS" CON XAMÓN E OVO:

O primeiro, como sempre, e lavar e preparar os diferentes ingredientes da receita. Calculamos cantidades, contamos e pesamos seguindo as indicacións.

Traballando todos e todas xuntos, oranizado por equipos, acabamos axiña. 

Despois de cociñalas, así de deliciosas quedaron.

 

  

 

LAMINTONGS DE AUSTRALIA: 


Descubrimos un postre delicioso típico de Australia: os Lamintongs. Seguindo un vídeo puidemos ir anotando os ingredientes e as cantidades que precisamos para facelo.

Fomos seguindo os pasos da receita, organizados en dous equipos, medindo, pesando e usando as cantidades exactas de cada ingrediente indicado na receita.

 

Cando xa estiveron cociñados, cada quen decidiu se quería decoralo ou non con coco, como na receita orixinal.

 

Estaban boísimos!!!

 

 

MACEDONIA DE FROITAS:

Unha das semanas decidimos cociñar macedonia de froitas. Despois de ver e comentar o vídeo da receita descubrimos que era moi doado, tan só había que cortar en anaquiños toda a froita que quixeramos e mesturala con zume.

Despois de acordar entre todos e todas que froias levaría, repartímonos o traballo para preparar as froitas.

 

 

Por suposto tamén preparamos o zume, exprimindo laranxas.

 

 

Cada unha das parellas foi mesturando a súa froita coa dos demais.

 

Xa estaba lista para probala.

 

 

 

NATILLAS DE CHOCOLATE:

O último plato que cociñamos, antes da suspensión das clases :(, foron as Natillas de chocolate.

Mirando e escoitando o vídeo anotamos con moito coidado as cantidades exactas de cada un dos ingredientes que ían aparecendo.

 

 

Fomos seguindo os pasos para facer as natillas e o chocolate, pesando as cantidades, medindo volumes, contando...

 

Despois dun anaco enfriando... así de fantásticas quedaron, con cadansúa galleta. 

 

Por suposto, encantáronnos a todos e todas.

Despois de cociñar cada prato anotámolo no noso "recetario do mundo", onde localizamos o país de orixe e escribimos o nome do prato e do lugar do que procede.

(2019-2020) Creamos unha boca “orelluda” para participar no Salón do libro. Xa llo levamos ó LOBO ORBIL

Este curso participaremos no Salón do Libro Infantil e Xuvenil de Pontevedra, os compañeiros e compañeiras de Educación Infantil, primeiro e segundo.

O tema nesta ocasión e "O HUMOR" e como sempre, para poder participar nas actividades, e reencontranos co LOBO ORBIL, temos que crear un traballo literario sobre o tema entre todos e todas.

O primeiro que fixemos foi lembrar como fora a nosa participación e visita, ó salón do libro do curso pasado, sobre todo para presentarlle a ORBIL ós novos compañeiros e compañeiras.

 

Os profes contáronnos que os de primeiro e segundo estaban creando unha boca xigante, da que saían chistes na súa lingua. Nos seríamos os encargados de facerlle cadansúa orella-libro.

Cada unha das aulas inventou, despois de varios borradores para correxir a historia, un conto de humor, no que as "orellas" fosen as protagonistas.

Repartíndonos o traballo e traballando xuntos, demos creado os nosos fantásticos libros-orella.

Co libro xa rematado, só faltaba darlle a última revisión "de calidade".

 

Por se non podes agardar para velos no "Salón do libro", aquí os podes ler facendo click sobre cada imaxe.

Os compañeiros e compañeiras de EI1 crearon:

 

Pola súa banda, os de EI2 son os autores de: 

Cos libros rematados chegou o momento de que tamén participasemos na creación da "boca xigante orelluda", pintando de negro a caixa onde se atopaba a boca, e a lingua cos chites dos compañeiros e compañeiras de primeiro e segundo.

 

Puxémoslle os nosos "libros-orella" unha vez estivo seco, e quedou listo para levarllo ó LOBO ORBIL.

Así de fantástico quedou unha vez rematado. Deixámolo uns días no colexio antes de levalo a Pontevedra, para que todos os compañeiros e compañeiras do colexio puidesen velo.

Agora tan só nos queda agardar a que chegue o día da visita ó Salón, onde poderemos ver o noso traballo exposto, xunto ós dos demais colexios participantes, e asistir a unha fantástica sesión do contacontos.

Como sempre poderedes velo nunha entrada neste blogue.

Podes atopar toda a información sobre o "Salón do libro 2020", así como horario de visitas de balde en https://www.salondolibro.gal/

(2019-2020) Celebrámo-los aniversarios do mes de febreiro

No mes de febreiro BRAIS e XOAN estaban de aniversario polo que, para preparar a súa festa o primeiro que fixeron foi escoller unha tarta no noso libro de receitas.

Despois de traer os ingredientes precisos, fomos seguindo as instrucións da receita para convertilos nunha tarta fantástica.

Tan só tiña que quedar unha noite no frigorífico para que estivera lista para probala. 

Preparamos tamén cadansúa camiseta de agasallo, cos nosos nomes e as nosas mans.

 

E, por suposto, tamén preparamos as nosas coroas de homenaxeados.

Cando chegou o día da celebración, uns últimos retoques e...

... tan só quedaba soprar as candeas.

Rematamos a festa comendo convidando ós compañeiros e compañeiras a comer a tarta, gusanitos, patacas fritidas e zume.

(2019-2020) Celebramos o Entroido: Obradoiro de disfraces coas familias, desfilamos como tractores e seguimos as instrucións do Meco

Co comezo da semana do Entroido e durante toda ela o Meco foi dándonos instrucións do que había qu traer posto ó día seguinte.

Cada día visitabámolo para ler o cartel que tiña posto, e anotar nunha nota o que había que traer ó día seguinte.

 

O luns unha palabra no peito, o martes un utensilio de cociña colgado, o mércore botas e o xoves unha hortaliza na cabeza

 

Ó final da semana tiñamos que traer todo xunto.

Fomos completando, cada día, a folla das instrucións pegando unha fotografía cos disfraces e escribindo debaixo dela unha palabra representativa do mesmo. 

Como este ano iríamos difrazados de tractores, posto que o tema do colexio era "ECO-BIO-SAN" e a alimentación, tivemos que deseñar o noso disfraz para facer no obradoiro coas familias.

O primeiro foi preparar cadansúa caixa e pintalas de amarelo.

 

Coas caixas xa rematadas tivemos que ir elaborando as instrucións, paso a paso para crear o disfraz de tractor, fotografiando cada paso.

 

Entre todos e todas acodamos que escribir en cada un dos pasos, de xeito que fose claro e concreto, polo que tivemos facer varios borradores ata que tivemos unhas instrucións que nos convencían.

 

Pegamos as fotografías ordenadas segundo os pasos das instrucións, e logo escribimos ó lado de cada unha o que había que facer en cada caso.

 

O día obradoiro, antes de que chegasen as familias organizamos as mesas e todo o material, para comprobar que estivese no lugar que lle corresondía e que non faltase nada.

 

Xa tiñamos todo listo para que viñeran as familias a traballar connosco no obradoiro de disraces, tan só había que agardar a que viñesen.

Na hora acorda, en cada unha das dúas quendas organizadas as nosas familias (pais, nais e irmáns), viñeron a axudarnos a facer o disfraz. Fomos explicándolle cada un dos pasos que había que seguir, coa axuda das instrucións que elaboraramos.

Xa estaban os difraces listos para o día do desfile...

 

Cando chegou o gran día do desfile, miramos no noso mapa interactivo ó recorrido que teríamos que facer polas rúas do concello, idenficiando o lugares coñecidos e orientándonos no espazo. Podes atopalo no recanto de infantil no apartado "mapas".

Durante o recreo, antes do desfile, recibimos a visita dos compañeiros e compañeiras da "Galiña azul", que tamén viñan disfrazados.

Antes de marchar tamén organizamos os postres que trouxeran as nosas familias, que degustaríamos cando rematase o desfile. Evidentemente tamén os probamos antes, para "comprobar a calidade" ;)

 

 

Xa estaba todo listo para comezar o desfile, como sempre unah foto de grupo antes de comezar. Os tractores xa tiñan os motores preparados para arrancar.

 

Fomos percorrendo as rúas do concello xunto co resto de compañeiros e compañeiras do colexio.

 

De camiño, visitamos ós compañeiros e compañeriras da "Galiña Azul".

 

E continuamos o percorrido do desfile saudando a todo o mundo que estaba polas rúas.

 

Rematado o percorrido voltamos ó colexio...

 

... onde nos estaban a agardar os postres que compartimos coas nosas familias.

Se queres ver o desfile completo polas rúas do concello, podes facelo de seguido neste vídeo:

(2019-2020) Descubrimos a diversidade funcional na semana da Paz

Durante a última semana do mes de xaneiro, para afondar na celebración do día da Paz, estivemos descubrindo como é a vida das persoas con "diversidade funcional".

Cada un dos días fomos coñecendo como fan deporte este tipo de persoas, descubrindo todo o mundo pode conseguir o que se propoña. Podes ver estes vídeos no recanto de infantil desde aquí.

 

A profe Marta ensinounos como poden comunicarse as persoas xordas ou con dificultades de audición, posto que ela coñece a lingua de signos.

 

Os compañeiras e compañeiros de Rodando Pontevedra, viñeron a contarnos como poden "empregar bicicletas" as persoas con problemas de mobilidade. 

 

 

Déronnos a cada un un agasallo feito por eles.

 

 

Noutra ocasión, dúas profesionais da ONCE, viñeron a contarnos como vive a xente cega. 

 

Aprendimos a empregar a bastón e a poñernos na pel destas persoas.

 

Outra das compañeiras da ONCE ensinounos como escribir en Braille, e ata puidemos escribir cunhas máquinas especiais.

 

 

 

Para celebrar o Día da Paz, participamos nunha actividade organizada no centro, consistente en debuxar os nosos pes e poñer en cada un deles unha mensaxe de paz. 

 

Con eles fixemos un camiño que percorre as escaleiras e chegue ata a porta.

 

 

Durante o acto de celebración, cada un dos cursos recitou unha poesía sobre a Paz, os de infanti recitamos cadansúa.

 

 

E todos e todas xuntos interpretamos esta fantástica canción que podes ver de seguido.

 

E como remate desta semana xogamos, xunto cos compañeiros e compañeiras de primaria, a diferentes xogos adaptados, como os que puidemos ver nos vídeos. 

 

 

(2019-2020) Celebramos os aniversarios do mes de xaneiro

Neste mes de xaneiro cumprían anos as nosas compañeiras ELSA e YAIZA, polo que elas serían as encargadas, coa axuda de todos e todas, de preparar unha tarta para convidar a tódolos compañeiros/as nunha fantástica festa.

Os compañeiros e compañeiras da súa aula (EI") preparáronlle unhas camisetas de agasalo fantásticas.

 

As homenaxeadas escolleron do libro de receitas a súa tarta favorita e, cos ingredientes que trouxeron, un día antes da celebración prepararon a súa a tarta seguindo os pasos da receita elexida. 

 

 

Despois dun día no frigorífico xa estaba a tarta lista para a celebración. Non sen antes soprar as candeas correspondentes.

 

Cantámoslle "cumpleaños feliz", "parabéns para ti" e tamén en lingua de xordos (que xa descubriredes porque nunha entrada a vindeira semana)

 

 

As homenaxeadas foron repartindo a tarta entre os seus convidados.

 

 

Como fin de festa, gusanitos, patacas fritidas e zume de piña.

 

Xa queda menos para  a seguinte celebración, a finais do mes de febreiro.

(2019-2020) Continuamos aprendendo cos robots superando retos: Beebot, Probot e M-bot

Durante estas últimas semanas continuamos a traballar cos robots nas nosas aulas, levando a cabo diferentes retos que nos plantexan os profes. 

Co Beebot percorrimos un número debuxado con baldosas no chan, que previamente construimos, e fomos inventando un "código de programación" que logo introducíamos no beebot...

 

 

Despois dalgúns axustes de código... demos conseguido o reto de que o percorrera "el so"

 

 

Noutra ocasión xogamos a "tirar o dado" e que o Beebot buscase o número que saía... segundo estivera colocado non era tan doado programalo para que chegase ata o número correspondente.

 

 

Despois de varios intentos, e aprendendo dos "erros de programación" que cometíamos fomos superando o reto plantexado.

 

Buscamos a solución un gran reto: Poderían o beebot e o probot recorrer parte do corredor?

Para o beebot fomos contando e colocando tódalas baldosas que facían falta para percrorrer a enorme alfombra.

 

 

E programamos sen problema o beebot para que chegase o seu destino. Era moi doado, tan so había que pedirlle que andivese para diante a cantdidade de baldosas que contaramos.

 

Para que o Probot, que camiña por centímetros, e non por baldosas, fixese o mesmo percorrido tivemos que plantexar diferentes hipóteses. Como os maiores xa sabían como funcionaba plantexaron que o mellor sería usar o metro para medir a distancia que había.

 

E programamos o probot indicando o número de centímetros que marcaba no metro.

 

Chegou á meta sen problemas:). Reto superado.

 

 

Descubrimos o M-bot, un robot que usan moito os maiores de primaria, e co que conseguimos que "marcase un gol"

O primeiro foi observalo, tocalo e descubrir todo o que tiña dentro e facía funcionase.

 

Este robot prográmase no ordenador, así que tivemos que ir descubrindo as instrucións que facían falta, pedíndolles os profes que puxeran as indicadas cando as ían lendo. 

 

Continuaremos a traballar con diferentes robots nas vindeiras semanas. Como sempre poderedes estar a tando do que fagamos neste blogue.

(2019-2020) Sabes como inflar un globo con vinagre e bicarbonato? Descobre o experimento e o vídeo que fixemos.

Este mes levamos a cabo na aula un novo experimento. Como éramos tan poucos (porque algúns estaban enfermos) decidimos facelo as dúas aulas xuntas.

Como sempre o primeiro foi plantexar hipóteses do que pensabamos se podía facer co material que nos presentaron os profes. Que sucedería? Estouparía? Saería voando? Que pasos habería que seguir?

 

 

Para facer o experimento o primeiro era botar un pouco bicarbonato dentro do globo, usando un embudo.

 

 

E tamén un pouco de vinagre dentro da botella valeira.

 

 

Se pos o globo sobre a botella e lle das a volta... énchese el só de aire.

Cada quen plantexou a súa teoría de porque sucedía isto, chegamos á conclusión de que o bicarbonato fai que "apareza aire" cando se mestura co vinagre, porqeu tamén facía escuma.

 

 

Cada un dos tres equipos foi reproducindo o experimento seguindo os pasos, poñendose dacordo nas funcións de cada quen dentro do equipo. 

 

Tódolos equipos deron conseguido o resultado previsto.

 

 

Nesta ocasión tocoulles ós compañeiros de EI2 crear o vídeo deste experimento:

 

 

Podes ver os vídeos que imos facendo dos diferentes experimentos que levamos a cabo na aula no recanto de infantil, no apartado de vídeos > experimentos.

Ou directamente nesta ligazón:

https://www.edu.xunta.gal/centros/ceipcervinho/?q=node/2388

 

(2019-2020) Sabores do mundo. En xaneiro cociñamos “fajitas", doce de leite e galletas da sorte

Como xa vos comentamos en entradas anteriores, estamos a descubrir diferentes "sabores do mundo", cociñando platos con diferentes ingredientes:

11/10/19: [Infantil xuntos] (2019-2020) Sabores do mundo: cociñamos o noso primeiro plato do curso: arroz 3 delicias

30/10/19: [Infantil xuntos] (2019-2020) Seguimos a descubrir os “sabores do mundo”: zumes e chulas de cabaza 

29/11/19: (2019-2020) Sabores do mundo: cociñamos e probamos novos pratos en novembro

Nas últimas semanas deste mes  "descubrimos novos sabores", cociñando os diferentes platos que che contamos de seguido.

Con cada unha das letras do noso "dicionario xigante" imos buscando un plato para cociñar de todo o mundo.

 

DOCE DE LEITE: Arxentina

Despois de ver un vídeo coa receita anotamos os ingredientes que iamos precisar, así como as cantidades dos mesmos.

 

Localizamos no mapa do mundo onde esta o país do que é tradicional.

 

 

Seguimos os pasos da receita para cociñar o prato.

 

Unha vez feito estaba listo para probalo.

 

 

FAJITAS: México

Para facer as faxitas  de México tivemos que "investigar" no paquete para saber canto tempo había que quentalas no forno, e os pasos para "doblalas"

  

 

Fomos seguindos os pasos da receita que xa miraramos nun vídeo, para traballar cos ingredientes que anotaramos no seu momento.

 

Por parellas fomos montando a nosa fajita cos ingredientes que máis nos gustaban, eso si probándoos todos antes.

 

 

Foi moi divertido comelas tamén por parellas :) 

 

 

GALLETAS DA SORTE: China

Despois ver un vídeo coa receita, de anotar os ingredientes e cantidades e de localizar nun mapa o país de orixe, puxémonos mans á obra.

Traballamos en dous equipos para facer a masa das galletas seguindo os pasos que tiñamos anotados.

 

Mentras agradabamos o tempo que indicaba a receita, que había que esperar fomos dictándolle ós profes o "desexo de sorte" que queríamos meter na nosa gallega. Controlamos o tempo que faltaba cun temporizador na pantalla.

 

 

Xa coa masa lista, preparamos as nosas gallegas en papel de forno.

 

Quedáronnos deliciosas.

 ç 

 

Fixemos tantas que ata puidemos convidar ós profes.

 

Despois de cada receita, e de probar o prato cociñado, anotamos no noso recetario do mundo o país, nome do prato e localizamos nun mapa o lugar onde se fai. Tamén pegamos unha fotografía do prato cociñado. 

 

Distribuir contido

Acceso rápido

Punto Laranxa contra o acoso escolar

Formación do profesorado

Proxectos T.I.C. do centro

Eleccións ó Consello Escolar

Eleccións ó Consello Escolar
Infomación do proceso

Usuarios conectados

Agora mesmo hai 0 usuarios e 0 invitados conectados.