Neste mes de abril IVÁN, DANIEL e ÓSCAR celebraron os seus aniversarios xunto co profe ÓSCAR.

Así que como sempre, e tras elexir unha tarta do noso libro de receitas, puxémonos mans á obra para poder "cociñala" e poder convidar ó día seguinte a todos os compañeiros e compañeiras.

O día da celebración sopramos as correspondentes candeas, non sen antes cantarlle ós compañeiros e compañeiras a canción "cumpreanos feliz" en galego, castelán e inglés.

Os homenaxeados convidaron ós compañeiros e compañeiras a degustar a súa tarta, repartíndoa entre eles. Estaba fantástica!

Rematamos a festa con patacas fritidas e zume de piña.

A próxima festa de aniversarios, que marcaremos nos nosos calendarios online, terá lugar cando remate o mes de maio... como sempre xa volo contaremos entón.

Como cada curso, para celebrar a "semana do libro", o equipo de biblioteca do colexio organiza as "Lecturas na Carballeira", unha xornada na que cada un dos cursos do colexio le ou conta unha historia para a xenta que quiera vir a vernos.

Nesta ocasión a temática elexida foi "o cine" polo que había ler un fragmento do guión dunha película para que as familias asistentes puidesen adiviñar de cal se trataba.

No noso caso tras algún debate acordamos que poderíamos ver unha película e logo "contala usando un libro errollado", tal como fixeramos o curso pasado e como puidemos ver na entrada da web correspondente, para explicarlle á profe Cris e ós compañeiros que non estaban entón como se facía.

Visionamos a película "Toy-Story", que non coñecíamos, e fomos anotando durante o proceso todo o que ía sucedendo, e quenes eran as personaxes, para poder contalo logo no noso "libro enrollado".

Nun diálogo posterior fomos lembrando o que sucedera e ordeando as ideas "de forma temporal",  para ter claro que sucedía antes e que ía despois como consecuencia.

Xa coas ideas claras e o traballo repartido entre os equipos cooperativos de ámbalas dúas aulas, chegou o momento de preparar o libro enrollado, para o que precisaríamos un papel moi longo.

Cada un dos equipos de Infantil 1 foron debuxando as escenas da película que lle corresponderan, dialogando e chegando a acordos sobre como facelo.

Pola súa banda, os equipos cooperativos dos compañeiros e compañeiras de infantil 2 temén plasmaron de forma craetiva, chegando a acordos, as escenas que lles corresponderan.

En tódolos casos decidimos "buscar en internet", imprimir e pegar as personaxes da historia para que quedase "máis chulo"

Para remtar o traballo escribimos o "título da película" por se alguén non o descubría.

Así quedou o noso "libro enrollado" unha vez rematado, listo para poder presentalo e contalo no día das "lecturas na carballeira", xunto ós compañeiros e compañeiras de todo o colexio. 

Antes do gran día, que sinalamos nos nosos calendarios online e de papel, fixemos un ensaio para decidir quen podería contar cada unha das partes da historia a medida que as fosemos descubrindo.

E por fin chegou o gran día... tan só nos quedaba desprazarnos ata a Carballeira, ó lado do edificio do Concello de Campo Lameiro, para contar a nosa historia.

Alí, xunto cos compañeiros e compañeiras dos cursos de primaria fomos contando/lendo os guions de cine que cada quen decidira.

Os de infantil fomos os primeiros, e ambalas dúas aulas xuntas, fixémolo así de fantástico.

Despois chegouo turno dos outros cursos, que poderedes ver na entrada correspondente que publique no seu momento o equipo de biblioteca.

Rematada a participación de tódolos compañeiros e compañeiras, e despois de que as familias asistentes acertaran tódalas películas, alguns dos asistentes léronnos "contos" para que neste caso nos adiviñásemos de cal se trataba.

Entre esas persoas estaba Pili, a nai da nosa compañeira Lara de Infantil 1.

E así rematou esta xornada de "lecturas na carballeira" que deu comezo ás actividades da "semana do libro" con intercambios de lectores en todo o centro, que terán lugar ó longo da semana que ven. Xa vos daremos conta destas actividades en futuras entradas deste blogue.

Tal como vos comentamos nunha entrada anterior creamos, un libro das "supermulleres da paz" para poder participar nas actividades do Salón do libro, xunto cos compañeiros e compañeiras de todo o colexio.

Podes ver o traballo pervio nesta entrada:

09/03/18: [Infantil xuntos] (2017-2018) Creamos o noso libro "As súper-mulleres da paz" para o Salón do libro. Queres velo?

Con todo preparado o día 9 de abril, tal como marcamos no noso calendario online, participaríamos xunto ós compañeiros e compañeiras do colexio, nas actividades organizadas polo Salón en Pontevedra e visitar ó noso amigo "O lobo ORBIL.

Nos días anteriores fomos preparando a nosa visita anotando nunha lista os que iamos traendo a autorización para asistir.

Revisamos o recorrido que teríamos que facer par chegar ata o Pazo da Cultura en Pontevedra, usando o noso mapa interactivo en google maps.

Descubrindo en "street view" as imaxes dos lugares polos que teríamos que pasar.

Para poder ir seguindo a viaxe, e saber como chegar, creamos un mapa no que fomos pegando as fotografías dos lugares polos que íamos pasar.

E por fin chegou o gran día, con todo preparado demos comezo á nosa visita.

Por suposto o encargado levou un dos mapas que fixeramos para controlar que o "viaxe se facía polo lugar correcto", e que iamos pasando polos diferentes lugares.

Finalmente chegamos ó Pazo da Cultura, listos para inaugurar as actividades escolare no Salón do libro 2018.

Xa na entrada atopámonos co noso amigo "o lobo ORBIL"

Sabías que ORBIL significa "LIBRO" escrito do revés?

Participamos nunha fantástica sesión de contacontos con "María" de Migallas, quen  nos contou moitas historias de mulleres artistas fantásticas.

Rematada a sesión de conta-contos, acompañados pola nosa guía "Cristina" visitamos a exposición e as diferentes Salas.

Fixemos unha chea de xogos en diferentes lugares adicados ás "mulleres de conto".

E tamén atopamos alí o noso libro "supermulleres da paz" , no traballo do noso colexio, xunto co dos restantes centros participantes.

Rematada a visita, na cantina de "Coco" tomamos a merenda xunto ós compañeiros e compañeiras de todo o colexio.

Tan só nos queda agardar un ano para voltar a encontranos co noso amigo ORBIL.

Lembra que a exposición do Salón do libro está aberta para que poidades visitalo de forma gratuita. 

Descobre as datas e horas así como outras actividades que se organizan na web oficial www.salondolibro.gal, ou facendo click na seguinte imaxe.

Celebramos os últimos aniversarios do segundo trimestre. No mes de marzo cumprían anos ALICIA, LUCÍA e  CÉSAR, que como en ocasións anteriores serían os encargardos de facer unha tarta para convidar ós compañeiros e compañeiras das dúas aulas.

O primeiro foi acordar cal das receitas do noso libro de recitas querían empregar.

Despois de levar para casa cadansúa nota de cos ingredientes, comenzaron a seguir os pasos da receita para elaborar a tarta elexida.

Cunha noite na nevera e despois de decorala xa estaba lista para comezar a festa.

Cantando a canción de "cumpreanos feliz" en castelán, galego e inglés, os tres homenaxeados sopraron as candeas co número de anos que cumprían.

Os homenaxeados foron convidando, e repartindo, anacos da súa tarta entre os compañeiros e compañeiras das dúas aulas.

Con zume de piña, gusanitos e patacas fritidas rematamos a nosa festa de aniversarios deste mes.

En abril voltaremos a celebrar novos aniversarios cunha nova tarta e festa. 

Como xa contamos nunha entrada anterior, no mes de xaneiro investigamos sobre as mulleres gañadoras do premio Nobel da paz. Podes lembralo na seguinte entrada:

03/02/18: [Infantil xuntos] (2107-2018) Descubrindo os Premios Nobel para celebrar o día da Paz 

Como se achegaba a nosa participación no Salón do Libro de Pontevedra, que este ano leva por título "Mulleres de conto", decidimos convertir as gañadoras do premio Nobel en "super-heroinas"; para poder crear deste xeito unha historia na que fosen as protagonistas do libro que entregaríamos o "lobo ORBIL"

Todos xuntos, ambalas dúas aulas, acordamos que super-poderes poderían ter as mulleres gañadoras do premio Nobel da paz, e con eses datos cada unha dos grupos inventou unha historia onde saísen todas elas.

Despois duns días de traballo, e tal como tiñamos anotado no noso calendario online, voltamos a "xuntarnos" para contarnos uns ós outros as historias que inventeramos e construír, coas ideas de ambas, unha historia común para convertila no noso libro para o lobo ORBIL.

Repartimos a historia que tiñamos creada en oito escenas, de xeito que cada un dos equipos cooperativos de ámbalas dúas aulas, se fixesen cargo de plasmar e crear esa parte do libro.

Cada un dos equipos fixo a ilustración da escena.

Unha vez creada a ilustración, había que recortala para pegala na forma que tiña cada unha das páxinas do libro.

Tamén escribiron os bocadillos de comic no que cada personaxe  "falaba" segundo a parte da historia que lle correspondera a cada quen.

E por último tamén escribiron o texto completo da historia que lles correspondera a cada un dos equipos.

En cada unha das escenas pensamos que deberíamos contarlle "os lectores do libro",  quen era "de verdade" cada unha das mulleres que aparecía na historia. Despois de falar sobre os asunto e de barallar diferentes ideas, pensamos que poderíamos empregar os códigos QR, que xa usaramos nos paneis de cada unha delas durante a celebración do día da paz. 

Por suposto, despois de pegar cada código QR comprobamos, lendo o código coa tablet, que amosase o vídeo da protagonista en cada caso.

Xa con tódalas follas do libro rematadas, voltamos a xuntarnos para escribir os números das páxinas  e acordar o título do mesmo, que finalmente resultou ser, despois dun debate e diversas votacións "AS SUPER MULLERES DA PAZ".

E como remate final, cada un de nós asinou como autor desta grande obra de ficción ;).

Plastificamos as paxinas para que o libro quedase "resistente" e puidese ser visto e lido sen problemas por moitos nenos e nenas na exposición do Salón do libro.

A próxima semana levarán o noso libro, xunto cos restantes creados polos compañeiros e compañeiras de primaria, dentro do traballo de centro, ata Pontevedra para que o lobo ORBIL, poida poñelo na exposición.

O día 9 de abril participaremos, xunto con todo o centro, nas actividades do Salón do Libro", onde nos reencontraremos co "lobo ORBIL" e poderemos ver o noso traballo, xunto ó dos restantes colexios participantes.

Xa vos contaremos como nos foi chegado o seu momento neste mesmo blogue, pero ata entón xa coñeces cal foi a nosa creación deste ano.

Ademais esta historia convertirase, no terceiro trimestre, no "guión de cine" da nosa participación da película que creamos no centro, dentro do proxecto de biblioteca "1,2,3... rodando contos". Esta é a razón pola que tódolos libros creados no centro para o Salón teñen forma de película de cine. Desta rodaxe da película tamén vos daremos cumprida conta.

No mes de febreiro, tal como tiñamos anotado no noso calendario online, XOAN era o único que estaba de aniversario. Por esta razón contou coa axuda de algúns compañeiros e compañeiras, para elaborar tarta coa que convidaría a todos.

Seguindo os pasos da receita elexida do "libro de receitas", foron cociñando unha tarta que tiña unha pinta boísima.

Despois de metela todo un día no frigorífico chegou o gran día da celebración, coa tarta xa preparada para poder soprar as candeas e cantar o "cumpreanos feliz" ó homenaxeado.

Como sempre, o homenaxeado foi repartindo a tarta entre os seus convidados.

Con patacas fritidas, gusanitos e zume, puxemos o colofón a esta celebración de aniversarios.

Agora agadaremos ata o mes de marzo para poder celebrar unha nova festa de aniversarios.... xa comprobaches quenes son os "afortunados" no noso  calendario online?

Este curso, ademais de seguir as instruccións que "Dora mandaba",  todo o centro iría disfrazado polo entroido de "películas de cine", dentro da temática do proxecto de biblioteca e do traballo previsto para o "Salón do libro".

En infantil fomos disfrazados de Minions. De seguido contámosche como foi todo o proceso desde a elección e deseño do disfraz, ata a participación on desfile con todoo colexio, pasando polo obradoiro de confección do mesmo coas familias.

DECIDIMOS, DESEÑAMOS E REDACTAMOS AS INSTRUCCIÓNS PARA FACER O NOSO DISFRAZ:

Mirando as entradas do curso pasado, publicadas neste mesmo blogue, comentamos e presentamos ós novos compañeiros e compañeiras, como foi a celebración, creación do disfraz e desfile do Entroido.  Acordamos facelo este ano igual, tan só faltaba decidir de que nos queríamos disfrazar.

Despois de coñecer que todo o colexio iría disfrazado de películas, e tras un diálogo onde cada quen fixo as súas propostas, acordamos quedarnos coa idea de ir de MINIONS.

Atopamos en internet un disfraz de Minion no que inspirarnos e, todos xuntos, fomos pensando e escribindo que material pensábamos que podíamos usar para facer cada parte do disfraz.

Os profes encargaríanse de mercar aqueles que non tiñamos no almacéndo colexio, onde os fomos buscar.

En cada unha das aulas fomos creando o noso primeiro deseño de disfraz, empregando os materiais que acordaramos todos xuntos. En cada paso debatíamos como facelo e facíamos unha fotografía do momento, que usaríamos logo para incluír nas instruccións que, acordamos había que escribir para que puidesen usalas cando viñeran as nosas familias.

Ademais, fomos escribindo de forma acordada, cada paso que iamos dando, discutindo sobre que como poñelo para que non dera lugar a equivocacións (cortar pola parte de arriba, pegar dous círculos negros....)

Así quedou un dos deseños de disfraz unha vez rematado, sería o que empregaría o profe durante durante o desfile.

En cada aula creamos un gran panel coas instruccións para facelo, indicando as cantidades, enumerando o pasos e escribindo xunto á foto, cada un deles.

Xa estaba todo listo para cando viñeran as nosas familias ó colexio a participar no obradoiro e, para que o tivesen claro, ó lado puxemos o noso deseño.

OBRADOIRO COAS FAMILIAS:

Tal como tiñamos anotado nos nosos calendarios online, por fin chegou o día no que virían as nosas familias ó colexio a participar no obradoiro de creación de disfraces.

Preparamos e organizamos todo o material que precisaríamos no obradoiro, contando que cantidade de cada un precisaríamos.

Cando todo estaba xa listo, nos diferentes turnos que había organizados, as nosas familias viñeron a nosa clase a facer con nós os disfraces, seguindo os pasos indicados nas instruccións que redactáramos.

Naqueles casos nos que non puideron vir as nosas familias, porque estaban traballando, viñeron a axudarnos irmáns ou amigos de outros cursos... que participaron encantados ;)

En infantil 1:

... e en Infantil 2:

Seguindo as instruccións que redactáramos o último paso era facerse unha fotografía.

GRAZAS A TODOS E TODAS POLAS O VOSA INESTIMABLE COLABORACIÓN E POR TER PARTICIPADO NESTE XORNADA DE CONVIVENCIA COS VOSOS FILLOS E FILLAS NO COLEXIO.

Xa estaban os nosos disfraces listos, agardando a que chegase o gran día do desfile do Entroido.

CREANDO UNHA PANCARTA PARA O DESFILE:

Lembrando o que miráramos na web do colexio, do desfile do entroido do curso pasado, dímonos conta de que precisabamos unha pancarta para presentarnos durante o mesmo.

Escribimos unha lista do material que pensabamos íamos precisar para facela, e fomos buscalos ó almacén.

Debatimos para chegar a un acordo sobre que texto poñer na pancarta.

Tan só quedaba escribir a nosa parte e pegar, xunto ó texto, fotos de Minions que buscamos en internet, cada un elexiu a súa favorita.

Cando remataron en infantil 2, pasáronlla ós compañeiros da clase do lado (infantil 1) para que fixeran a súa parte.

Xa estaba rematada a pancarta... Quedou fantástica!!!

DESFILE E FESTA DO ENTROIDO:

Por fin chegou o gran día do Desfile do Entroido, tal como o tiñamos anotado nos nosos calendarios online.

Antes do desfile pasámolo de medo maquillándonos :)

Aproveitamos para darlle os últimos detalles ó disfraz do profe Paulo, que este curso quixo vir disfrazado de Minion coma nós ;)

Organizamos e, por suposto probamos, os postres e doces do Entroido que trouxemos das nosas casas.

E ata recibimos a vista dun "rebaño de ovellas",  os compañeiros e compañeiras da "Galiña azul" (algúns deles estarán no noso cole o curso que ven), que non podían participar no noso desfile porque era moi tarde, pero quixeron facelo antes.

Quedamos en pasar nos tamén por dianta do seu cole e "facer moito barullo" para que saísen a vernos.

Despois do recreo chegou o noso turno, comezamos a prepararnos para participar no desfile do Entroido xunto os compañeiros e compañeiras de todo o colexio.

Unha foto de grupo antes de saír... todos e todas listos?

Fomos percorrendo as rúas do concello saúdando ó publico, entre os que estaban as nosas familias, que quixeron acompañarnos por todo o percorrido.

Paramos diante da "Galiña azul" e fixemos moito ruido, tal como acordaramos, e alí puidemo saúdar ós nosos compañeiros, que esta vez nos viron a nos disfrazados.

Continuamos o nos percorrido polas rúas do concello.

Ata que voltamos novamente ó colexio.

E para rematar esta fantástica xornada, degustamos os postres do Entroido que trouxeramos para compartir cos compañeiros e as familias.

Podes ver o desfile en vídeo de seguido:

Podes descargar a Unidade Didáctica Integrada (UDI) desta tarefa desde aquí. Tamén podes atopala como pública en prográmame-UDIS de www.recursoseducativos.net (usuario oscar_abilleira)

Como cada curso, durante a semana de celebración do Entroido no colexio Dora, a mascota da biblioteca, foi mandándonos vir vestidos de formas estrafalarias.

Por cursos fomos escollendo o que debería traer vestido todo o colexio ó día seguinte, ata chegar ó venres, cando tería lugar o desfile e festa do Entroido.

Os de INFANTIL fomos os primeiros que tivemos que elexir como vir vestidos o luns, para o cal xuntámonos as dúas aulas para decidir de que forma graciosa poderíamos mandar vir a todo o mundo.

Para explicarlles como funcionaba este "xogo de Entroido" ós novos compañeiros e compañeiras que non estaban o curso pasado, revisamos o que había publicado na web do ano pasado, para ver de que forma tivemos que vir vestidos.

Despois de aportar diferentes ideas e argumentar cales eran máis graciosas que outras, acordamos vir cun calzoncillo ou unha braga ben na cabeza ou por enriba da roupa. A votación foi moi reiña pero finalmente gañou a opción de traela na cabeza posta, a modo de sombreiro.

Para que tódolos compañeiros e compañeiras do colexio coñecesen a nosa decisión, escribímola entre todos nunha cartulina.

Agora, xa pendurada de Dora, todos saberían como había que vir vestidos o luns. Ademais puxémoslle un calzoncillo a Dora e a un boneco de peluche na cabez para que non quedase ningunha dúbida.

Anotamos nunha nota, e así o faríamos ó longo da semana, como había que vir vestidos ó día seguinte, para que o soubesen as nosas familias, que tamén podían ir mirándoo na páxina web do colexio.

E así viñemos o LUNS, con calzoncillos e bragas na cabeza.

Para o MARTES os de primeiro e segundo decidiron que viñeramos con algo elegante nos pes.

Cada día estabamos atento a que cambiara o cartel que había posto en Dora, para escribir a nota coa instrucción para o día seginte.

Para o MÉRCORES os de terceiro e cuarto propuxeron vir cun pixama vestido.

Para o XOVES os de quinto e sexto quixeron que viñésemos todos e todas con algo na cabez e vestidos elegantes.

Cada día, coa foto de grupo que nos facíamos, completamos un panel onde a pegábamos e escribíamos como había que vir vestido.

Por último o VENRES, non había instrucción, porque era o día do desfile do Entroido, e nesta ocasión fomos disfrazados de MINIONS (cada curso do colexio foi disfrazado dunha película)

Podes ver como foi todo o proceso de deseño e elaboración dos nosos difraces de Minions, nun obradoiro coas familias, así como o desfile e festa posterior do ENTROIDO, na entrada publicada ó respecto neste mesmo blogue. Accede a ela desde AQUÍ. 

Este curso, para celebrar o Día da Paz, que xa tiñamos marcado nos nosos calendarios online, descubrimos ós gañadores e gañadoras do premio Nobel da Paz.

Buscando en internet descubrimos que se daba este premio, que era unha medalla e un diploma, a aquelas personas que fixeron "cousas boas" polos demais.

Mirando a lista dos gañadores descubrimos que había moitísimos homes e moi poucas mulleres ás que se lles dera este premio, o cal non nos pareceu nada ben.

Para poder contarlles a todos e todas o que descubríramos decidimos facer unha exposición no corredor de Infantil, elaborando uns carteis enormes onde contabamos a que mulleres lles deran o premio Nobel e por que.

O primeiro deles fixémolo entre os compañeiros e compañeiras de ámbalas dúas aulas.

Despois de varios intentos acordamos que cada un dos paneis, qu sería elaborado por cada un dos equipos cooperativos das dúas aulas, debería contar "os mesmos datos" que o panel que fixéramos entre todos.

Con todo preparado, cada un dos equipos foi anotándose na lista de mulleres gañadoras do premio Nobel da Paz, elexido a cal delas quería "homenaxear.

Deste xeito cada un dos equipos, organizándose como consideraron e usando as estratexias que foron acordando, elaboraron os respectivos paneis da mulleres gañadoras do premio Nobel da Paz, contando tamén por que motivo llo deran a elas.

Cada panel o fomos colgado no corredor na nosa exposición.

Para que quen viñera visitalos, puidese saber máis de cada unha das gañadoras, e do que fixo, pegámoselle un código QR...

... que por suposto comprobamos que funcionase coa tablet. Cada equipo comprobou que, efectivamente, o código abría un vídeo ou unha ligazón a información de cada unha delas.

Tamén quixemos que algúns dos homes e ogranizacións gañadoras, non todos porque eran unha chea deles, estivesen presentes na exposición. Neste caso en forma de medallas xigantes de premio Nobel penduradas do teito.

Por parellas fomos escollendo quen se encargaría de cada un dos gañadores, anotando os nosos nomes.

Pintamos as medallas e color dourado, organizándonos e poñéndonos dacordo en como pintar ambos lados, buscando a mellor estratexia para facelo.

En cada unha das medallas pegamos a fotografía do gañador, o esu nome e o ano en que lle deron o premio.

E xunto cun cartel anunciador pendurámolas do teito da nosa exposición... agora xa estaba completa.

Para lebrarnos de todas as gañadoras elaboramos un pequeno dosier individual con todas elas.

CELEBRANDO O DÍA DA PAZ:

O día 30 de xaneiro, tal como tiñamos anotado no noso calendario, celebramos o Día da Paz no colexio, da que atoparedes máis información noutra entrada publicada nesta web.

Os de Infantil fomos presentado as mulleres gañadoras do premio Nobel da Paz, que estaban na exposición. Cada equipo presentou á gañadora que fixera, contando como se chamaba e que fixera para gañar o premio, amosando en cada vez unha imaxe de cada unha delas.

E para rematar a celebración, cantamos todos xuntos a canción "Apertas que voan", que estiveramos aprendendo ó longo de toda a semana.

Podes descargar de seguido, a documento que proxectamos durante a presentación feita polos diferentes equipos, na celebración do Día da Paz.

No mes da xaneiro cumpliron anos nas aulas de infantil YAIZA, BRAIS e SABELA e, como sempre iamos celebralo facendo unha tarta e convidando a tódolos compañeiros e copañeiras.

O primeiro foi decidir a tarta que queríamos facer, usando o noso libro de receitas.

Despois de levar para casa unas notas cos ingredientes que precisaríamos, un día antes da celebración puxémonos mans á obra para "crear a nosa tarta" seguindo os pasos indicados na receita elexida.

Coa tarta xa rematada metémola no frigorífico para que estivese lista o día seguinte. 

Todo estaba preparado para ir soprando tantas candeas como anos tiña cada quen, non sen antes cantarlle ós homenaxeados a canción "cumpleaños feliz" en castelán, galego e ata en inglés.

Os anfitrións foron repartindo a tarta entre os seus convidados... encantoulles a todos e a todas os que a quixeron probar. 

Rematamos a celebración con gusanitos, patacas fritidas e zume de piña.

Agora agardaremos ata que remate o mes de febreiro para celebrar novamente os aniversarios doutros compañeiros e compañeiras.