(2016/2017) Os compañeiros/as de 6º veñen a infantil a darnos unha charla sobre as máquinas e a enerxía.

Os compañeiros e compañeiras de sexto curso, xunto coa profe Merce (que é tamén a nosa profe de música), estiveron preparando unha charla sobre as "máquinas", sobre as que estaban a investigar e traballar, para contarnos unha chea de cousas interesantes sobre elas.

[2]

Por parellas, en equipos ou de forma individual foron contándonos diferentes aspectos e tipos de máquinas, así como das diferentes fontes de enerxía.

[3]

Como planificaron a súa exposición pensando en nós, e na idade que temos, entendímolo todo sen problemas.

[3] [4]

Acompañaron as súas exposicións ensinándonos diferentes tipos de máquinas e mecanismos, segundo os foron presentando.

[5]

E como remate organizaron uns divertidísimos xogos para descubrir canto lembrábamos de todo o que nos contaron.

[6]

Eles mesmos foron os encargados de deseñar, planificar  e posteriormente explicarnos os xogos... que finalmente foron todo un éxito.

[7] [8]

Como despedida tamén nos amosaron unha canción sobre as máquinas, que atoparon durante o seu proceso de investigación e traballo, e que pensaron que nos ían encantar.

[8] [9]

Como fomos un público moi atento e colaborador, os compañeiros e compañeiras agasalláronnos cunhas fantásticas pegatinas.

[9]

Moitas grazas pola charla e noraboa a todos e todas por este fantástico traballo que fixéstedes!!!