Comezamos o noso primeiro proxecto de traballo e investigación, para o que fixemos unha choiva de ideas para "acordar" sobre que queríamos investigar e por que.
Os temas que xurdiron foron:
- WINX
- UNICORNIOS
- CABALOS
- FORMIGAS
- XOANIÑAS
Tra-la exposición de que queríamos descubrir de cada tema, xurdiu a idea de que poderíamos ter na aula "un formigueiro" como o que había no patio, e finalmente tras unha votación o tema das FORMIGAS foi o elexido entre todos e todas.
[2]
Preparamos o noso recanto de investigación, que agora xa estaba preparado para comezar a recibir información.
[3]
Construímos tamén o noso recanto de información "online", para ir colgando ahí os vídeos sobre as formigas que vaiamos atopando. Podes acceder desde o apartado "vídeos" do recanto de infantil, ou directamente facendo click aquí [4].
No noso mural da investigación anotamos cal é o noso "obxectivo final"... OBSERVAR A VIDA DAS FORMGAS CUN FORMIGUEIRO NA AULA.
[5]
Fomos anotando que XA SABÍAMOS DAS FORMIGAS, e foi todo isto:
[6]
Tamén anotamos todo o que QUERÍAMOS SABER e descubrir ó coa nosa investigación.
[7]
Finalmente anotamos as diferentes fontes de información, das que poderemos obter información. Moitas delas xa as coñecíamos de telas empregado en proxectos anteriores.
[8]
Como entre as fontes de información estaban os noso "pais", acordamos que o mellor sería escribir unha nota para casa, na que contar que precisabamos "informacióndas formigas" para poder ter un formigueiro na aula e saber como "coidalo".
COMO PODEMOS CONSEGUIR TER FORMIGAS NA AULA?: MERCAMOS UNHA GRAXA DE FORMIGAS
Unhas da nosas preguntas era saber "como poderíamos comprar un formigueiro"...Estivemos debatindo e acordamos que o mellor sitio sería preguntar nunha tenda de animais, pero non poderíamos ir ata Pontevedra. Como solución un compañeiro plantexou porque non "comprala por internet", e así o fixemos.
Buscamos unha granxa, e comparamos os diferentes tipos qeu había, ata que limos o contido dun anuncio que foi o que nos pareceu máis interesante: descubrimos o prezo, que as formigas eran GRATIS e que chegarían nun paquete o día 7 de decembro.
Pegamos unha copia do anuncio no noso mural da investigación. A mesma copia que incluimos no noso dossier persoal, sinalando cal era o prezo do mesmo.
[11]
Así quedou a resposta á primeira das preguntas plantexadas.
[12]
Engadíndolle tamén que chegaría entre o día 7 e o 11 de decembro.
Anotamos estas datas tan importantes no noso calendario da aula, tanto en papel como na versión online.
[14]
Agora tan só nos queda agardar a que chegue a granxa de formigas e comecemos a recibir a primeira información, para iniciar a nosa investigación.
Como sempre xa o iremos contando en próximas entradas.