Iniciar sesión: Accede co teu contrasinal

(2016-2017) Nas últimas semanas....

Vos contamos algunhas cousiñas e tarefas nas que andivemos inmersos nestas últimas semanas, ademáis do Entroido e a elaboración do noso traballo para o Salón do Libro.

 

Nas sesións de pintura, nas que en ocasións pintamos libremente

e noutras, cunhas técnicas ou materiais determinados,

un día pintamos mezclando pasta de dentes, con témpera de cores e cola.

Que ben cheiraba a pasta de dentes!

E os nosos debuxos cheiraban igual de ben ó rematar e cunha textura diferente.

 

Noutra sesión, un día de temporal no que faltaron bastantes compañeiros, creamos obras abstractas a partir dunha composición libre con gomets que uníamos dándolle algunha forma determinada.

e logo as pintábamos con distintas  cores e combinacións.

 

Tamén fixemos as nosas creacións abstractas, con acetatos e témpera de cores.

Tiñamos que botar sobre un acetado dúas ou tres cores e repartilas por todo o espacio. 

Logo o tapábamos con outro acetato e cos dedos iamos modelando, para mezclar as cores e darlle forma.

Incluso usamos os rodillos para axudar a repartir e mezclar a pintura.

 

Así de chulas quedaron, e están expostas, como fiestras a outras realidades.

 

En psicomotricidade, unha sesión Nuria, a profe de prácticas, que nesta ocasión tiña de axudante a Ángela, encargouse de preparar xogos e actividades moi moi divertidas nas que nos desprazamos, corrimos, saltamos, puxemos en xogo a atención e a observación,  tivemos que coordinar os nosos movementos cos dos compañeiros

ademáis de participar nun circuito no que viaxábamos á MURALLA CHINA

Rematamos a sesión dándonos unhas masaxes uns ós outros/as.

 

Ademáis, como explicamos noutra entrada, a semana do entroido, Dora deixonos mensaxes de cómo vestirnos, que nós cada día escribíamos para avisar en casa.

Nos fotografiamos cada día da semana e utilizamos estas fotos para escribir e debuxar o que tocaba cada día.

Tamén utilizamos as fotografías dos pasos para elaborar o disfraz para levar a cabo secuencias, nas que tiñamos que ordear e numerar as fotografías.

Neste mes tamén celebramos o día de Rosalía de Castro, coñecendo un poema que ela escribiu e ó que algúns músicos decidiron poñerlle música e cantalo.

Nas dúas aulas escribimos os versos do poema

para logo pegalo xunto coas fotografía de Rosalía, na entrada ó colexio, no corredoiro. 

 

Nos intercambios por idades, entre outras cousas,  localizamos números na pizarra

e xogamos ó bingo dos números, utilizando os tapóns das botellas, para ir cubrindo o número que xa"cantara" a profe.

Xogamos coa baralla de cartas, clasificándoas por pao, ordeándoas da máis pequena á máis grande e levando a cabo un xogo colectivo con elas, no que tiñamos que identificar os números.

Os máis pequenos nesta ocasión co beebot, tivemos que medir cos nosos pés cantos pasos debíamos dar para chegar dunha cor á outra e logo programar ó robot para desprazalo, calculando que cada paso nos correspondía a un paso dado polo bee-bot.

 

Neste mes tamén tivemos a sorte de asistir a un musical en Pontevedra, "Peter Pan", polo que antes na clase vimos un pequeno corto sobre a historia, contamos o conto e ata participamos nun pequeno circuito no que vivimos as mesmas historias fantásticas que Wendy e os seus irmáns.

 

 

Máis os diversos momentos do día a día, tanto de traballo como de xogo, que tanto enriquecen.

 

 

 

Neste mes tamén comezamos un novo proxecto de investigación: Os dragóns chineses. Vos contaremos pronto como vai!