Iniciar sesión: Accede co teu contrasinal

(2016-2017) Así é o día a día con "Rayo", a nosa tartaruga, unha vez rematada a investigación.

Podes ver os pasos previos deste proxecto de traballo e investigación na seguinte ligazón:

(2016-2017) Damos os primeiros pasos dun novo proxecto de investigación sobre as tartarugas, para poder ter unha na aula. 

(2016-2017) Atopámo-las primeiras respostas ás nosas preguntas no proxecto de investigación sobre as tartarugas.

(2016/2017) Rematamos a nosa investigación sobre as tartarugas... xa estamos preparados para traer unha á aula. 

(2016/2017) Despois de moito investigar por fin chegou "Rayo", a tartaruga da nosa aula. 

 

Cada día que pasa "Rayo", a nosa tartaruga, vai medrando grazas ós nosos coidados.

 

Para
acordar como "coidala" con todo o que xa sabíamos despois da nosa
investigación, e para avisar ós compañeiros e compañeiras que veñen a
visitala, acordamos facer unhas "normas" para coidala. 

 

Despois de propoñer varias ideas chegamos ó acordo de escribir "catro normas".

 

Entre todos e todas fomos redactándoas.

 

E pegándolle unha fotografía ó lado de cada unha, para aqueles que non puidesen ler.

 

E así quedaron colocadas, debaixo da "casa de Rayo"... agora todos saberán como tratala para respectala.

 

E tamén acordamos quen lle daría de comer cada día, como vedes sería o encargado, para non sobrealimentala.

 

Continuamos tamén completando o noso dossier da investigación, que moi pronto levaremos para as nosas casas.