Ceip Plurilingüe Celso Emilio Ferreiro

Hoxe foi xornada de saída para o alumnado de Infantil e 1º e 2º de Primaria, que puideron gozar dun soleado día no Centro Ecuestre "O Ventoso". Alí elaboraron os seus propios boliños de pan, coñeceron unha gran variedade de animais da granxa e peitearon aos ponis ademais de montar neles. Unha mañá moi aproveitada da que podedes atopar fotos no blog do EACE.

Marzo foi de novo un mes de moita actividade na nosa biblioteca, como podedes ver no vídeo que está colgado no blog da Bibliosilva.

Esta mañá, o alumnado de 2º e 3º ciclo de Educación Primaria participou nunha saída á cidade da Coruña na que puideron gozar dun concerto no Palacio da Ópera e visitar o Castelo de San Antón. As fotos destas actividades atoparédelas no blog do EACE.

Nos colexios non podemos deixar de conmemorar o Día Internacional da Muller, pois é fundamental que eduquemos ao alumnado na necesidade de seguir reivindicando con forza a igualdade entre mulleres e homes. No blog do EACE tedes fotos da actividade que realizamos a nivel de centro este 8 de marzo.

Como cada 23 de febreiro, hoxe celebramos o Día de Rosalía de Castro, a nosa escritora galega máis universal. No blog do EDLG tedes un resumo de todas as actividades realizadas no centro para conmemorar este día.

O alumnado de 5º e 6º participou esta mañá nunha saída a Compostela co obxectivo de coñecer de primera man o funcionamento do Parlamento e da Xunta de Galicia. No blog do EACE atoparedes fotos desta visita.

E chegou unha das nosas datas favoritas: o Entroido! Un ano máis, aquí tedes os Mandadiños do Entroido. Non lles perdades ollo!