CEIP PLURILINGÜE DE CEDEIRA

Publícanse as listaxes definitivas de alumnado admitido para o comedor escolar.

Se algunha familia non entregou o impreso de autodeclaración debe facelo no mes de setembro (antes do día 12).

ALUMNADO ADMITIDO DEFINITIVAMENTE NO COMEDOR ESCOLAR

                                                                                                  DÍAS CONCEDIDOS

ALUMNADO EN ESPERA

APARTADO 2. 

           (OS DÍAS CONCEDIDOS ESTÁN NA TÁBOA SUPERIOR)       DÍAS NON CONCEDIDOS

APARTADO 3. 

           (OS DÍAS CONCEDIDOS ESTÁN NA TÁBOA SUPERIOR)       DÍAS NON CONCEDIDOS

APARTADO 6. 

                                                                                                 DÍAS NON CONCEDIDOS

O luns día 2 de maio estivo no colexio a exposición "Ciencia en movemento". Trátase dunha iniciativa privada, que coa colaboración do Concello de Redondela visita os centros escolares. A exposición componse dunha serie de experimentos que chaman moito a atención por diferentes características. Os alumnos de 5º e 6º asistiron e participaron activamente na realización e observación dos diferentes apartados. Punto de equilibrio, movemento  perpetuo, materiais do mais diverso, magnetismo, lámpada de Tesla, motores stirling,... todos eles experimentados de primeira man polos nosos alumnos, e é que o título da exposición : Prohibido non tocar" correspondeu coa realidade.

O pasado día 26 de abril os alumnos de 3º e 4º foron ao Museo de Pontevedra. Alí desfrutaron dunha exposición de cadros de pintores galegos. Resultou moi divertida e interesante, xa que tiveron que facer de detectives, buscando pistas que os levaran a adiviñar o nome dos distintos cadros.

O pasado 8 de abril, o alumnado de 5º e 6º asistiu a un concerto didáctico no teatro Afundación, en Vigo. O concerto a cargo de Xoán Curiel e Charo Pita e o seu grupo Son+D2 fai un repaso ao seu libro-disco: Estamos no verán". Ao longo da actuación conta a historia duns amigos que, no verán, queren formar un grupo de música. Un espectáculo no que as nenas e os nenos cantaron, bailaron e improvisaron ao ritmo de diferentes estilos (rock, pop, jazz, blues, bossa nova...). Música en directo, danza e elementos teatrais ou de clown misturáronse para facilitaren unha aprendizaxe da cultura musical e a linguaxe creativa.

Pasámolo moi ben, comprobádeo coa seguinte reportaxe:

O mércores 9 de marzo viñéronnos visitar os compoñentes do colectivo Tanxarina para ensinarnos aos rapaces e rapazas de 5º e 6º como elaborar os nosos própios títeres de variña.
Os elementos que empregaron foron moi sinxelos:unha bola de poliespán,un anaco de tea,unha variña de pau,uns gomets e un pouco de lá.O resultado, espectacular!!

O pasado 5 de Febreiro tivo lugar o Entroido no colexio. Dentro do tema do proxecto anual, "CON TON e ARTE" , cada curso elaborou o seu disfraz. Tivemos aos pintores de Infantil, uns pequenos rapeiros de primeiro e segundo, unha estupenda banda de música formada polos nenos e nenas de terceiro e cuarto e aos de quinto e sexto que se disfrazaron de cadros famosos. Houbo o tradicional desfile pola parroquia e á volta, a queima do meco, que este ano tiña coma tema o IVE CULTURAL, e a Facenda Pública, que non deixou claro se somos todos ou non. 

Para rematar, coma non, degustación masiva de doces tradicionais do entroido: filloas, ourellas, flores e demais fixeron as delicias de todos. Deixámosvos unha pequena reportaxe, esperamos a desfrutedes.

Hoxe visitounos  Marcos Míguez Puhinger, un pintor nado en Redondela pero que leva residindo en Vigo dende o ano 2000.

O alumnado de 4º, 5º e 6º de primaria estivo moi interesado coas explicacións do artista que respondeu a un montón de preguntas feitas polos rapaces. 

Marcos pinta sobre todo con bolígrafo Bic de cor negra, pero tamén o fai con carbonciño e con pastel, pois a cor negra que consigue con esta técnica gústalle moito.

Os seus debuxos parecen fotografías porque quere reproducir a realidade tal como é.

Adiantounos que unha das súas próximas obras vai ser dun elemento arquitectónico popular, que está moi preto do colexio. Se solucionas esta adiviña terás unha boa pista: 

Que cousa cousiña

corre, corre

 e nunca chega á casiña?

Deixámosvos un pequeno video que resume as actuacións musicais que se fixeron no Festival de Nadal. Agardamos que vos guste.

Toda a información sobre o proceso de admisión atópase neste enlace.

Tamén facendo clic no icono situado no lateral dereito desta páxina.

Mañá día 13 de febreiro, celébrase o Día Mundial da Radio; no CEIP de Cedeira quixemos sumarnos a esta iniciativa aprobada pola UNESCO no ano 2011.

O noso programa enmárcase no proxecto que desenvolvemos no colexio ao longo deste curso: "Con ton e Arte". O alumnado de 3º e 4º de Educación Primaria participa no mesmo co que investigaron sobre arquitectura popular: os canastros.

O programa emitirase por Radio Redondela o vindeiro luns entre as 12:30 e as 13 horas.

Tamén se pode escoitar facendo clic na imaxe.