ENTROIDO CHEO DE EMOCIÓNS!

Cargados de emocións celebramos o Entroido este ano no CEIP de Carnota! Partindo do conto "O monstro de cores", cada curso representou unha emoción co seu disfraz. Tivemos monstros con rabia, monstros confusos, cupidos, corazóns, bruxas, monstros, pantasmas, hawaianos, emoticonas alegres... 

Comezamos o día realizando un desfile polas rúas de Carnota para lucir os nosos disfraces. Aquí vos deixamos unhas imaxes: 

 

 

 

 

 

 

A continuación rematamos cunha actuación conxunta no salón de actos: 

  • 1º representou a alegría:

  • 2º e 3º representaron o medo:

 

  • 4ºA e 4ºB representaron a rabia:

  • 5º representou a tristeza:

  • 6º representou a calma:

 

 

DÍA DE ROSALÍA

O 24 de febreiro é unha data sinalada xa que celebramos o día da autora galega Rosalía de Castro. Para celebralo o alumnado do noso centro acudiu á praza da vila a recitar algún poema desa autora e expoñer os carteis que elaboraron sobre as temáticas que neles se trataban. 

A continuación deixámosvos algunhas imaxes da acto:

 

 

 

 

 

 

 

DÍA DA PAZ

O pasado 30 de Xaneiro celebramos o día da paz no noso centro elaborando unha deliciosa marmelada da paz! O bo desta marmelada é que ten uns ingredientes moi saudables e que non ten data de caducidade! Por iso, trataremos de consumir un pouquiño dela cada día. 

 

Cada curso elaborou o seu propio tarro con palabras que asociasen coa paz e ese día aportaron 5 dos seus ingredientes á marmelada conxunta. Saíron palabras tan bonitas como: respecto, abrazos, tranquilidade, querer, hospitalidade, igualdade, cariño, bondade, confianza, amabilidade, esperanza, compartir, amizade, amor, solidariedade... 

   

 

 

   

Ademais da marmelada, os distintos grupos tamén nos deleitaron cunha canción coa que pedían a paz en Carnota. 

A maiores de todo iso, tamén estivemos decorando o noso centro con distintos traballos relacionados coa temática da paz. Aquí vos deixamos algunhas imaxes das manualidades realizadas: 

 

  

 

 

 

 

 

 

 

 

 

 

AVISO - PROCESO DE RESERVA CURSO 2019-2020

 

 

PROCESO DE RESERVA PARA O IES – CURSO 2019-2020

 

 

 

Informamos que o prazo de Formalización de reserva para alumnos que pasan ao centro adscrito (alumnado de 6º que pasa ao centro adscrito, IES Lamas de Castelo) deberá facelo entre o 1 e o 15 de febreiro do 2019 segundo o modelo ED550A en galego ou castelán, dispoñible na web do centro ou tamén na sede electrónica da Xunta de Galicia, na aplicación <<admisionalumnado>> (https:/www.edu.xunta.es/admisionalumnado) e entregalo no CEIP de Carnota.

 

 

 

 Na conserxería haberá tamén o anexo impreso e unha copia do resumo da lexislación aplicable.

INFORMACIÓN ADICIONAL

 

 

PROCESO DE RESERVA NOVOS ALUMNOS PROCEDENTES DO VISO E PORTOCUBELO – CURSO 2019-2020

 

 

 

Informamos que o prazo de Formalización de reserva para alumnos que pasan ao centro adscrito (alumnado de 6º de Einfantil – 5 anos, procedente das EEI de O Viso e EEI de Portocubelo deberá facelo entre o 1 e o 15 de febreiro do 2019 segundo o modelo ED550A en galego ou castelán, dispoñible na web do centro ou tamén na sede electrónica da Xunta de Galicia, na aplicación <<admisionalumnado>> (https:/www.edu.xunta.es/admisionalumnado) e entregalo no centro onde cursa estudos actualmente (EEI de Portocubelo ou EEI do Viso.

 

 

 

Na conserxería haberá tamén o anexo impreso e unha copia do resumo da lexislación aplicable.

 

INFORMACIÓN ADICIONAL

 

 

BO NADAL DENDE O CEIP DE CARNOTA!

Hoxe foi un día moi emocionante no CEIP de Carnota. Comezamos a mañá recibindo a visita de Papá Noel acompañado de todas as súas axudantes. Todos os cursos pasaron entregarlle a súa carta e pedirlle os seus desexos. Marcharon cargados de lambetadas! Que sorte! Aquí vos deixamos unhas imaxes: 

 

 

 

 

 

 

Despois, fixemos entrega dos premios das adiviñas de Nadal que estivemos realizando ao longo destas últimas semanas:

   

Para rematar, escoitando as badaladas, cambiamos as 12 uvas por 12 gusanitos e xa lle demos a benvida ao novo ano para comezalo á volta con moita sorte! FELICES FESTAS E BO NADAL DENDE O CEIP DE CARNOTA! VÉMONOS NO 2019!

 

 

 

Guía de apoio ao estudo

Guía de apoio ao estudo

Achegamos como anexo a Guía de apoio ao estudo da Fundación INDAGA, pensada para o alumnado con TDAH, aínda que é moi útil para calqueira alumno, en especial aos que lles costa porse a estudiar e/ou son moi inquietos. Moitos dos recursos son de utilidade para as familias.

Esperamos que vos sexa de utilidade.

Guía de apoio ao estudo

O Departamento de Orientación

3 DE DECEMBRO NO CEIP DE CARNOTA

O pasado 3 de decembro tamén celebramos no noso centro o Día Internacional da Discapacidade. Organizamos diferentes talleres en relación coa temática do día e o alumnado distribuído en grupos ía rotando por todos eles realizando as actividades. Aquí vos deixamos un pouco máis de información sobre os talleres acompañada dalgunhas imaxes: 

1) DILLO SEN PALABRAS: Este taller consistía en empregar a mímica e describir sen falar a palabra que aparecía na pantalla. O obxectivo era que calquera dos compañeiros que estaban de costas conseguisen adiviñala. 

  

 

 

2) CALA QUE NON TE ESCOITO: Unha persoa facía un son cun instrumento e escondíase nunha parte da clase. Unha ou dúas persoas diferentes cos ollos tapados tiñan que guiarse polo son que escoitaban e tratar de atopala.

 

3) CHEIROS QUE PINTAN: Cos ollos tapados e guiándose polo cheiro tiñan que elixir a cor coa que querían pintar. Previamente mesturamos as cores con diferentes esencias.

 

   

 

4) HISTORIAS QUE EMOCIONAN: Neste taller procedemos ao visionado de pequenos curtos que estivesen relacionados dalgún xeito coa temática do día.

5) OS TRES PÉS: O alumnado en parellas e con un dos pés atado ao doutra persoa tiña que mover certos obxectos dun lado ao outro. 

 

 

6) MANUALIDADES COMPARTIDAS: Cunha das mans libre e a outra atada á doutra persoa tiñan que levar a cabo unha manualidade.

  

 

POLO SAN MARTIÑO, PEÓNS AO CAMIÑO!

O pasado 30 de novembro o CEIP de Carnota volveu saír á rúa para celebrar o día do trompo, peonza, ou como dicimos por aquí, a sevillana!

Para comezar o alumnado pintou a súa sevillana para poñela bonita. Unha vez que xa estaba decorada era momento de lanzala e xogar con ela.

Aquí vos deixamos unhas fotos da celebración e tamén tedes na nosa páxina un enlace cun vídeo da tvg, porque estivo tan ben que ata saímos na televisión!

 

 

 

 

 

 

 

    

 

CARNOTA EN NEGRO

Outra data máis que celebramos no noso centro, o 25 de novembro, Día Internacional Contra a Violencia de Xénero.

O alumnado, o profesorado e demais persoal do CEIP de Carnota tamén nos únimos á campaña “Galicia en negro”, e próximos ao día 25 así acudimos ao noso centro vestidos con roupa escura e camisetas contra as violencias.

 

Posto que o día 25 coincidiu un domingo, continuamos coa súa celebración o pasado luns 26. Ao longo da mañá, todo o alumnado pasou a bicar a silueta dunha muller que estivo decorando o corredor do centro, mostrando así afecto e respecto cara a figura feminina:

    

  

A continuación, decidimos extender o noso traballo á rúa e saímos á praza do concello a continuar coa celebración. Todos elaboramos unha tarxeta co noso desexo contra a violencia machista e baixamos a colgalos entre as árbores da vila. Aquí vos deixamos unhas imaxes do proceso e do resultado!

    

Por último, todos en roda acabamos o acto cantando e bailando unha canción que o docente de música creou para a ocasión titulada: “Non son os golpes o que máis nos doe”. 

 

 

 

20 DE NOVEMBRO NO CEIP DE CARNOTA

Unha data tan importante como o 20 de Novembro, Día Internacional dos Dereitos do Neno, non podía quedar sen celebrar no noso colexio!

Previamente a ese día estivemos traballando os contidos dos distintos dereitos, facendo lectura deles co alumnado ou ben con outro tipo de actividades. Logo, cada curso centrouse nun dereito e elaborou un cartel relacionado con el. Así de ben quedaron finalmente no corredor do centro:

 

 

O propio día 20, o alumnado de 6º curso procedeu á lectura dun manifesto sobre os dereitos dos nenos para inaugurar a celebración. A continuación, cada grupo pasou a expoñer o seu dereito, acompañándoo cun xesto que o representase. Aquí vos deixamos algunas imaxes do acto:

 

      

 

        

 

              


 

 

 

Renovación do Consello Escolar 2018

CONVOCATORIA VOTACIÓNS

A xunta electoral informa que o vindeiro luns 26 de novembro estará aberta a mesa electoral para as votacións de 9:30 a 10:30 e de 16:30 a 18:30

Preséntanse dúas candidaturas para dous postos a renovar no seo do Consello Escolar. Os/as interesados/as en votar deberán facelo marcando somentes unha das candidaturas na papeleta que se facilitará na mesma mesa electoral, debendo acreditar a identidade a través do DNI ou documento de identificación válido.

 

 

 

 

CONSTITUCIÓN DA XUNTA ELECTORAL

 

 

 

 

De conformidade co establecido na RESOLUCIÓN do 25 de setembro de 2018, da Dirección Xeral de Educación, Formación Profesional e Innovación Educativa, pola que se establece o calendario para a celebración de eleccións de membros dos consellos escolares de centros docentes sostidos con fondos públicos(DOG do 08 de outubro), realizarase proximamente neste Centro a renovación do CONSELLO ESCOLAR que é o instrumento de participación na vida escolar de todos os sectores educativos do Centro.

 

 

 

A organización e a supervisión do procedemento de elección dos novos membros do Consello Escolar estará a cargo da Xunta Electoral que se constituirá ao efecto, e integrada por:

 

 

 

- O Director ou directora do Centro.

 

- Un profesor ou profesora.

 

- Un pai ou nai ou titor legal.

 

- Un representante do persoal de administración e servizos

 

 

 

Os tres últimos serán designados por sorteo segundo establece o artigo 30 do Decreto 92/1988, do 28 de abril, redactado conforme ao establecido na disposición adicional primeira do Decreto 324/1996, do 26 de xullo (DOG do 9 de agosto). Dito sorteo, que será público e no que se preverá a designación de membros suplentes, celebrarase neste Centro o próximo día 28 de outubro, luns, ás 17.30 horas.

 

 

 

Aqueles membros da comunidade educativa que desexen presentar as súa candidatura para formar parte do novo Consello Escolar deberán seguir as instrucións que figurarán nas distintas convocatorias que proximamente se farán públicas pola Xunta Electoral do Centro.

 

 

 

Carnota, 26 de outubro de 2018.

 

O/A DIRECTOR/A DO CENTRO,

 

 

 Manuel Rico Grijó

CALENDARIO ELECTORAL

 

 

 Na reunión da Xunta electoral establécese o seguinte calendario:

  • Día 05 de novembro:

 

- Publicación das convocatorias de eleccións nos distintos sectores educativos: profesores, pais/nais e, se ser o caso, persoal de administración e servizos.

 

- Publicación provisional dos censos dos sectores educativos citados. É importante verificar que os datos son correctos. O censo estará exposto no taboleiro situado no corredor do centro entre os despachos e a sala de mestres.

 

- Envío de escritos ao Concello e a ANPA solicitándolles a designación dos seus representantes.

 

 Do 05 ao 12 de novembro:

 

 

Día 13 de novembro: (Celebración da 2ª reunión da Xunta Electoral):

 

- Proclamación e posterior publicación de candidaturas por sectores de representación.

 

- Aprobación definitiva de censos electorais, unha vez resoltas as posibles reclamacións.

 

- Aprobación de modelo de papeletas e sobres dos distintos actos electorais.

 

- Sorteo público da designación dos membros das mesas electorais.

 

 Día 26 de novembro: Celebración das votacións de:

 

- Persoal de administración e servizos, de ser o caso, de 12'00 a 12'30 horas.

 

- Profesorado de 11:45 a 12,30 horas.

 

- Pais, nais e titores legais do alumnado, de 9:30h a 10:30h e de 16:30 a 18:30 horas

 

 

Día 27 de novembro (Celebración da 3ª e última reunión da Xunta Electoral):

 

- Proclamación de candidatos electos.

 

- Traslado á Xefa Territorial da Consellería de Educación e Ordenación Universitaria das copias de actas das votacións efectuadas.

 

 

 Día 05 de novembro:

 

- Publicación das convocatorias de eleccións nos distintos sectores educativos: profesores, pais/nais e, se ser o caso, persoal de administración e servizos.

 

- Publicación provisional dos censos dos sectores educativos citados.

 

- Envío de escritos ao Concello e a ANPA solicitándolles a designación dos seus representantes.

 

 

 Do 05 ao 12 de novembro:

 

  • Prazo de presentación de candidaturas.

  • Claustro informativo

 

 

 Día 13 de novembro: (Celebración da 2ª reunión da Xunta Electoral)

 

- Proclamación e posterior publicación de candidaturas por sectores de representación.

 

- Aprobación definitiva de censos electorais, unha vez resoltas as posibles reclamacións.

 

- Aprobación de modelo de papeletas e sobres dos distintos actos electorais.

 

- Sorteo público da designación dos membros das mesas electorais.

 

 

 Día 26 de novembro: Celebración das votacións de:

 

- Persoal de administración e servizos, de ser o caso, de 12'00 a 12'30 horas.

 

- Profesorado de 11:45 a 12,30 horas.

 

- Pais, nais e titores legais do alumnado, de 9:00h a 10:00h, de 13.00h a 14.00h e de 16:00 a 18'00 horas

 

 

Día 27 de novembro (Celebración da 3ª e última reunión da Xunta Electoral):

 

- Proclamación de candidatos electos.

 

- Traslado á Xefa Territorial da Consellería de Educación e Ordenación Universitaria das copias de actas das votacións efectuadas.

 

 

 

Samaín 2018

 

 

 

O vindeiro mércores 31 de outubro festexaremos no centro o Samaín-Halloween e o Magosto. Coma tódolos anos, queremos contar coa súa colaboración para decorar o colexio con cabazas terroríficas. No presente curso estamos a traballar as emocións, polo que as CABAZAS terán que facer referencia a algunha emoción (medo, alegría, tristeza, rabia, calma ou amor).

 

As cabazas pódense traer a partires do luns 29 para evitar o seu deterioro.

NOTA SOBRE MATERIAL NECESARIO

 

Comezamos con forzas un curso máis!

Un curso máis xa estamos de volta! Este ano o CEIP de Carnota comeza en positivo e cun novo proxecto que xirará en torno ao tema das emocións. Por iso, titulámolo C+ (Carnota en positivo).

 A nosa mascota, Leocadia, este ano está emocionada e así recibe ao noso alumnado invintándoo a emocionarse con ela.

Como podedes ver nas imaxes que aparecerán a continuación, durante estas semanas xa lle estivemos dando vida aos corredores en relación coa temática do noso novo proxecto.

Para cubrir os murais inspirámonos no conto 'O monstro das cores' e todo o alumnado xa pasou a deixar as súas mensaxes en cada un deles.

Seguindo o conto, no amarelo cóntannos cando senten alegría; no azul cando senten tristeza; no verde cando senten calma; no negro cando senten enfando; e, por último, no vermello cando senten rabia.

Aquí vos deixamos unhas imaxes para que vexades o bonito que nos quedou!

Abalar Móbil

 

 

Estimadas familias.

 

Coa fin de mellorar as canles de comunicación entre o centro e as familias, e tendo en conta o emprego de sistemas ou plataformas que garantan a necesaria protección de datos, queremos proporlles o emprego

da aplicación Abalar Móbil, que pertence á Consellería e nos garante a debida protección de datos. Con ela, ademais de recibir notificacións poderán consultar as cualificacións dos seus fillos/as matriculados nos

centros educativos de titularidade pública así como as faltas.

 

 

Esta app está dispoñible para Android e IOS, e para que funcione correctamente deberán facer constar no centro o número de teléfono co que se vai empregar, pois somentes si consta no expediente electrónico a

app funcionará correctamente. Rogamos que nos notifiquen os cambios de número de teléfono.

 

 

Outra canle que nos gustaría empregar é a comunicación por e-mail, polo que si o consideran interesante rogamos que nos fagan chegar unha conta de correo que habitualmente empreguen.

 

Clica neste link para ver o manual para as familias do portal da Consellería- Abalar Móbil

 

Calendario escolar 2018-2019

 

ORDE do 28 de maio de 2018 pola que se aproba o calendario escolar para o

 

curso 2018/19 nos centros docentes sostidos con fondos públicos na Comunidade

 

Autónoma de Galicia.

 

 

 

Actividades lectivas

 

1. No 2º ciclo de educación infantil, na educación primaria e na educación especial, a impartición efectiva de clases realizarase do día 12 de setembro de 2018 ao 21 de xuño de
2019, ambos inclusive.

 

Períodos de vacacións

 

1. Nadal: desde o día 22 de decembro de 2018 ata o día 7 de xaneiro de 2019, ambos inclusive.

 

2. Entroido: días 4,5 e 6 de marzo de 2019.

 

3. Semana Santa: desde o día 13  ata o 22 de abril de 2019, ambos inclusive.

 

 

 

Días non lectivos

 

1. Ademais das festas de ámbito estatal, son días non lectivos os festivos así declarados pola Consellería de Economía, Emprego e Industria da Xunta de Galicia, en exercicio das

 

competencias que lle atribúe o artigo 45 do Real decreto 2001/1983, do 28 de xullo, sobre regulación da xornada de traballo, xornadas especiais e descansos, na súa redacción dada

 

polo Real decreto 1346/1989, do 3 de novembro, e as festas laborais de carácter local publicadas por resolución da devandita consellería.

 

2. Nos centros en que unha ou as dúas festas laborais de carácter local a que se refire o punto anterior non coincidan con días de clase, os consellos escolares, os consellos sociais

 

ou, na súa falta, os responsables dos centros de menos de tres unidades poderán solicitar, segundo proceda, un ou dous días non lectivos, que deberán preverse na programación

 

xeral do centro, argumentando razóns de tradición, costume ou conveniencia pedagóxica.

 

 

 

Datas propostas para ser solicitadas polo CEIP de Carnota: 2 de novembro de 2018 e 20 de maio de 2019

 

 

 

3. Ademais dos anteriores, sen prexuízo do establecido no artigo 8.3 e co fin de unificar

 

a celebración dos patróns de cada nivel educativo, establécese o Día do Ensino coa consideración

 

de non lectivo para efectos académicos e que no curso 2017/18 se celebrará o

 

7 de decembro de 2018.

Powered by Drupal - Design by artinet