Iniciar sesión: Acceso

Proxecto "Volta ao mundo"

Concurso "Doces saudables"

Como broche final ao Proxecto sobre "Hábitos saudables" desenvolto este curso hoxe celebramos no cole un concurso de doces saudables elaborados polo alumnado en colaboración coas súas familias. Nel, premiamos as sobremesas máis ricas, orixinais e saudables. 

Moitísimas grazas e noraboa a todas e todos os participantes, pois todos os postres estaban boísimos!

Lucy e os lácteos

O pasado venres 15 de marzo participamos nunha actividade sobre lácteos. Trátase de "Lucy e os lácteos". 

Velaquí vos deixamos algunhas fotiños!

Ponlle as pilas ao teu bocata

Este mércores 13 de marzo tivemos no cole unha actividade incluída no Aliméntate ben (dentro do Plan Proxecta). Trátase de "Ponlle as pilas ao teu bocata". A través dela descubrimos que hai moitas e moi variadas formas de preparar un bocata: con sardiñas, mexillóns, chocos, atún, ensalada, tomate... 

Así, na actividade sumerxímonos nunhas bateas a través dunhas gafas en tres dimensións, aprendemos cousas de diferentes peixes a través dun vídeo e dunha cámara moi especial e ata nos prepararon un bocata que cadaquén foi confeccionando e do que demos boa conta no recreo!

O sabor da aventura está no mar!

Hoxe, no cole, participamos nunha actividade incluída dentro do Plan Proxecta, da Consellería de Educación. Tratábase de "O sabor da aventura está no mar" a través da que (con vídeos, manualidades e xogos) descubrimos diferentes peixes e as súas características e propiedades. 

Ao noso alumnado gustoulle moito! Agardamos repetir o ano que vén!

Almorzos saudables

Hoxe participamos nunha actividade proposta dende a Consellería de Sanidade moi directamente relacionada cos Hábitos saudables. Así, primeiro recibimos unha pequeniña charla sobre a importancia dunha alimentación equilibrada e variada e despois baixamos ao comedor a almorzar un almorzo ben completo, pois levaba todos os ingrediente que este debe levar: froita, lácteos e cereais. 

 

Andainas

Como esta semana nos acompañou o tempo, puidemos saír a camiñar polas contornas do colexio. Para algúns dos nosos nenos e nenas o camiño xa era coñecido, mais para os/as máis pequenos foi todo un descubrimento, especialmente as pegadas nas que repararon os maiores: unha de xabaril e outra de can!

Reparto de LEITE durante os recreos

En relación co Aliméntate Ben, dentro do Plan Proxecta, hoxe iniciamos o reparto de leite semidesnatada e sen lactosa durante os recreos para todo aquel alumnado que asi o queira. 

Velaquí vos deixamos unhas fotiños do primeiro reparto!

Campo a través

O 15 de xaneiro, o alumnado maior do cole participou na Final Comarcal de CAMPO A TRAVÉS deste curso 2018/2019, no que participaron nenos e nenas doutros centros da comarca do Ribeiro. 

Noraboa a todos e todas por participar! E, en especial, aos que estiveron preto de clasificarse e aos dous clasificados para a final provincial, o día 9 de febreiro, unha delas en primeira posición!

E velaquí unhas fotiños da Final provincial na que correu a nosa compañeira Nerea!

Actividade micoloxía

O pasado venres, alumnado e profesorado, participamos nunha actividade sobre MICOLOXÍA que nos propuxo o Concello de Cenlle o curso pasado pero que, pola choiva, non poidemos facer antes. Consistía nunha exposición de setas diferentes e nun xogo de pistas con actividades sobre o entorno natural do alumnado en cada unha delas.

A través da actividade o noso alumnado descubriu a perigosidade dalgunhas setas, a importancia de asegurarse moi ben antes de coller unha e participaron en diferentes propostas a través das pistas que ían atopando nun xogo do tesouro: adiviñar a árbores, recoñecer os seus froitos... 

Velaquí vos deixamos algunhas fotiños!

 

Nutrición e benestar

Hoxe tivemos a sorte de contar no cole con Tamara, unha asesora persoal de nutrición e benestar que nos veu a dar unha charla a profesorado, alumnado e familias sobre a importancia dunha alimentación saudable, variada e equilibrada e a darnos de paso algúns conselliños para coidar a nosa saúde a través da alimentación. 

Dende o cole agradecemos un montón a súa presenza no cole, así como agradecemos un montón á familia que o fixo posible.

 

Distribuir contido

Back to top