Skip to Content

blogue deadmin

Información relativa á última semana de curso 2019/2020

Estimadas familias,

Clicando aquí podedes consultar toda a información máis importante relativa a esta última semana do curso 2019/2020 (nas que se inclúen publicación de notas, titorías, entrega de libros, recollida de material...)

Podedes tamén descargalo como arquivo adxunto. 

 

Tarefas, semana do 1 ao 5 de xuño

Bos días,que tal estades? Como levades estes días de calor?!

As profes sabemos que xa comezades a estar un pouco cansos, asíque as tarefas desta semana xa case son as últimas, que non queda nadiña para rematar este curso, só unha semaniñas. Así que moito ánimo que vós podedes!

TAREFAS PARA ESTA SEMANA

- Educación infantil

- 1º de primaria (caligrafía)

- 2º de primaria (caligrafía)

- Música

- 4º de primaria

- 5º de primaria

- 6º de primaria

- Educación Física

- Inglés para toda primaria

- Relixión católica

 

Tarefas, semana do 25 ao 29 de maio

Estimadas familias, que tal estades? Agardamos que todo vaia ben!

De novo, aquí vos deixamos as tarefas para esta semana. Non esquezades enviarnos fotos das vosas tarefas, preguntarnos dúbidas ou consultarnos se tendes algunha dificultade. 

Coidádevos moito e moito ánimo, que non queda nada para rematar o curso!

TAREFAS

- Educación infantil

- 1º de primaria

- 2º de primaria

- Plástica para todo o cole

- Inglés para todo o cole

- Valores para todo o cole

- 4º de primaria, (Cuerpos redondos)

- 5º de primaria

-6º de primaria, (Cuerpos redondos)

- Educación Física

- Religión católica

Solicitude fondo libros, adqusición libros de texto e material escolar

Estimadas familias,

hoxe comeza o prazo para a solicitude de fondo de libros de texto (4º, 5º e 6º de primaria), axudas de libros (1º e 2º primaria) e axudas material escolar (todos os cursos de primaria). Podedes consultar máis información na orde que o regula e na aplicación de fondolibros

O PRAZO REMATA O 19 DE XUÑO

 

Como en anos anteriores, podedes tramitar a solicitude de dúas formas posibles:

1. De forma telemática, a través da Sede Electrónica da Xunta de Galicia, procedemento ED330B.

2. De forma presencial no centro educativo. Para isto teredes que traer a seguinte documentación:

      - Anexo I (solicitude) e Anexo II (comprobación membros computables da unidade familiar) correctamente cubertos e asinados. Podedes descargalos aquí ou ben solicitalos e recollelos impresos no colexio.

     - Libro de familia, no centro faremos a copia para facilitarvos o traballo.

     - Outra documentación no caso de discapacidade, violencia de xénero... que podedes consultar aquí ou descargar no arquivo adxunto.

Para o cálculo da renda per cápita (co fin de facervos unha idea da axuda) podedes informarvos clicando aquí ou no arquivo adxunto.

 

INFORMACIÓN IMPORTANTE: para a recollida dos anexos impresos así como para a entrega das solicitudes presenciais o centro estará aberto martes e xoves en horario de mañá. Non obstante, se alguén non puidera podemos adaptar algún día. En calquera caso agradecemos nos comuniquedes que vindes con anterioridade ao meu teléfono persoal, ao do colexio ou ao correo do centro, indicándonos o día e a hora aproximada, co fin de evitar aglomeracións dentro do centro educativo. 

O alumnado de 6º de primaria que pase para 1º da ESO deberá entregar o impreso no IES. Non obstante, dende o cole se queredes facilitámosvos o impreso.

 

 

Tarefas semana do 19 ao 22 de maio

Bos días,

como sabedes hoxe 18 de maio collémolo como non lectivo este curso, polo que non mandamos tarefas para o luns, comezan a partir do martes. Non obstante, colgámosvolas para que teñades acceso a elas e poidades ir traballando se así o preferides. 

Recordarvos a importancia de que nos mandedes as tarefas, pois ese 10% a maiores na etapa de primaria só contará para aqueles nenos e nenas que nos vaian amosando o traballo realizado. Por iso, senón nos enviades fotos das vosas tarefas non podemos comprobar o traballo realizado. 

- Educación infantil

- 1º primaria

- 2º primaria

- Música

- 4º primaria  (Poliedros)

- 5º primaria

- 6º primaria  (Poliedros)  (CCSS: biografías e pinturas)

- Educación Física:   (Xogo da Oca)   (Probas da oca)

- Relixión católica

Semana das letras galegas

Como sabedes, o día das Letras Galegas está ao caer e para conmemoralo deixámosvos as seguintes propostas!

1. Primavera das letras (con recursos, actividades, descargables...) facendo clic aquí https://primaveradasletras.gal/

2. Baía Edicións (con libros en galego que podedes descargar de forma gratuíta adaptados a diferentes idades) facendo clic aquí https://baiaedicions.gal/editorial/baia-edicions-con-vos-na-casa/

3. Documento elaborado dende o cole onde atoparedes propostas de actividades para que nos enviedes, ademais de Escape rooms e vídeos relacionados co autor, entre outros. Fai clic aquí 

Adaptación programacións

Estimadas familias,

clicando nos seguintes cursos ou especialidades podedes consultar as adaptacións das nosas programacións no relativo á metodoloxía e avaliación para este terceiro trimestre do curso 2019/2020. 

Non obstante, se queredes o documento completo ou tendes algunha dúbida ou cuestión non teñades reparo en poñervos en contacto con nós a través do correo, teléfono do centro ou persoais. 

Cursos

- Educación Infantil

- 1º primaria

- 2º primaria

- 4º primaria

- 5º primaria

- 6º primaria

Especialidades

- Educación artística: música e plástica

- Educación física

- Inglés

- Relixión católica

- Valores

Tarefas semana do 11 ao 15 de maio

Bos días!

Comezamos unha nova semana do mes de maio! Esta semana é un pouco máis especial pois conmemórase o día das Letras Galegas, dedicado este ano a Ricardo Carballo Calero. Faremos unha publicación para que poidades descubrir e coñecer algo máis del dunha forma divertida.

Pero de momento, velaqui vos deixamos as tarefas para esta semana. Non vos esquezades, os de primaria, de enviar as tarefas ás profes por correo electrónico, pois só así poderemos valoralo positivamente! Tamén recordarvos que se tendes algún problema para visualizalo podedes dercargalo nos arquivos adxuntos ou ben escribirnos ás profes.

Unha aperta, as vosas profes!

- Educación infantil

- 1º primaria

- 2º primaria

- Música

- Relixión católica

- Educación Física

- 4º primaria

- 5º primaria. (Poliedros)

- 6º primaria

- Tangram (4º, 5º, 6º)

Restablecemento do prazo de presentación de solicitudes de ADMISIÓN 2020- 2021

De acordo coa Resolución da Consellería de Educación do 7 de maio de 2020 (que podes consultar aquí) reábrese o prazo para a presentación de solicitudes de admisión de alumnado para o curso 2020-202.

O alumnado que xa está escolarizado no centro non precisa facer a solicitude, xa que a súa matriculación é automática. Máis información clicando aquí.  

Prazo de SOLICITUDES

Do 11 ao 18 de maio

Entrega de documentación (no caso de ter que baremar)

Ata o 26 de maio de 2020

Publicación das LISTAS PROVISIONAIS no interior do centro educativo

8 de xuño de 2020

 

Prazo de reclamación

9, 10 e 11 de xuño de 2020

 

Publicación das LISTAS DEFINITIVAS no interior do centro educativo

26 de xuño de 2020

 

FORMALIZACIÓN DA MATRÍCULA (tanto para infantil, primaria como ESO)

1 ao 10 de xullo de 2020

Calquera dúbida, poden poñerse en contacto con nós no teléfono 988404056. 

Tarefas do 4 ao 8 de maio

Bos días familias,

que tal estades? Agardamos que todo vaia ben. 

Aquí vos deixamos as propostas de tarefas para esta semana. Intentamos non sobrecargarvos de traballo, polo que as materias incluídas na área de educación artística (plástica e música) tamén iran alternas cada semana. 

Agradecémosvos e recordámosvos que é importante e necesario que en primaria mandedes as tarefas dos vosos fillos aos correos facilitados nos pdf correspondentes (1º e 2º ao ceipcarmengarciacarrasco@gmail.com) (4º, 5º e 6º ao correo citado no pdf das tarefas). 

De igual forma animámosvos de novo a enviarnos fotos e/ou vídeos  dos nenos e nenas para montar con eles un vídeo para facerlle chegar ao alumnado. 

Unha aperta forte!

- Educación infantil

- 1º primaria

- 2º primaria

- Plástica

-4º primaria      (Ficha 4º: A prehistoria)

-5º primaria

-6º primaria

-Educación Física

- Inglés todos os cursos

- Relixión

- Valores  para Infantil e Primaria, esta actividade é aberta para todo o alumnado. 

 

Distribuir contido


by Dr. Radut