Skip to Content

Secretaría

Composteiro - Agasallo do Concello de Carballo

Estimadas familias: O pasado venres, 17 de marzo o alumnado do grupo de 4º curso de Educación Primaria tivo a oportunidade de montar e inaugurar o primeiro composteiro do colexio. Esta iniciativa foi posta en marcha polo Concello de Carballo dentro do programa "Carballo limpo, mellor así". Agardamos que ao longo do curso consigamos encher o composteiro coa colaboración do alumnado de Educación Infantil que deposita no composteiro diariamente os residuos orgánicos que xeran as súas merendas. Tamén contamos coa colaboración do persoal de cociña e das colaboradoras de comedor que seleccionan os residuos que se xeran durante o servizo. Moitas grazas a todas e a todos por colaborar e contribuír así a coidar do medioambiente. No adxunto deixamos fotos ilustrativas da actividade. Un saúdo. O equipo directivo. 

Acoges+ Galicia - Aldeas Infantiles

Estimadas familias: A través desta publicación damos difusión ao "Proxecto de Acollemento Familiar Especializado" de ALDEAS INFANTILES SOS. Está dirixido a todas aquelas familias que poidan estar interesadas en darlle unha oportunidade a nenos, nenas e adolescentes que, por diversas razóns, non poden crecer xunto á súa familia biolóxica e necesitan atopar a unha familia de acollida que lles brinde a oportunidade de crecer nun fogar cálido, estable e seguro e que lles axude a reconstruír a súa historia para que poidan vivir dunha forma positiva, amable e feliz. O proxecto "Acoges+" está financiado polo Ministerio de Asuntos Sociais e Axenda 2030 con fondos da Unión Europea. Un saúdo. O equipo directivo. 

Para máis información podedes consultar na web: www.casaconfamilia.com

Deixamos no documento adxunto información sobre o proxecto. 

 

Fálame moito e ben

Estimadas familias: Este mércores, 8 de marzo, ás 18:00h, o Servizo de Normalización Lingüística do Concello de Carballo achega á Biblioteca Rego da Balsa un obradoiro sobre cando e como estimular a linguaxe nun contexto coma o noso, onde conviven dous idiomas. O obradoiro será impartido pola psicóloga Raquel Bello Varela, do equipo Oikos, e incluirá diferentes materiais con actividades destinadas a estimular a adquisición lingüística nas crianzas, xogos e cancións.

A duración aproximada será de 90 minutos.

Público ao que está destinado o obradoiro: Adultos educadores e familiares que esperen unha crianza ou que teñan unha de ata 6 anos.

Incricións: Capacidade limitada, con inscrición telefónica previa, desde as 10:00h da mañá, no 981.758.580.

Acceso: Deberanse seguir as indicacións do persoal bibliotecario á hora de ocupar o espazo no que se desenvolverá a actividade.

XORNADA DE PORTAS ABERTAS

Charla - Plan Director - 2022-2023

Estimadas familias: Hoxe terá lugar a charla do Plan Director dirixida a familias do alumnado de 1º a 6º curso de Educación Primaria. Como xa vos fixemos saber, era necesario confirmar asistencia a través dos titores e titoras dos/das vosos/as fillos/as para poder organizar a actividade da mellor forma posible. A charla será impartida por un membro da Garda Civil que se desprazará ao centro e que tamén estará dispoñible para resolver todas aquelas dúbidas que desexedes plantexarlle relacionadas coa temática da formación. O horario da actividade é de 16:30hs a 18:00hs. Rógase puntualidade no horario de chegada ao centro. Moitas grazas pola vosa participación. Un saúdo. O equipo directivo. 

Admisión alumnado. Curso 2023-2024

Estimadas familias: Este mércores, 1 de marzo, empeza o prazo para xestionar o proceso de admisión de alumnado para o curso 2023-2024. Deixamos a información nos documentos adxuntos. Un saúdo. O equipo directivo. 

Reserva de praza para o alumnado de 6º Curso de Educación Primaria no centro adscrito (IES Isidro Parga Pondal)

O prazo de presentación de solicitudes é desde o día 16 de xaneiro ata o 6 de febreiro e diríxese ao alumnado de 6º Curso de Educación Primaria que continuará os estudos no IES Isidro Parga Pondal.

As familias poderán cumprimentar as solicitudes de reserva de xeito manual ou a través da aplicación http:www.edu.xunta.gal/admisionalumnado/

Para presentar unha solicitude deberá seguir algunha das opcións descritas a continuación:

1.Cubrir a solicitude informaticamente e presentala asinada de xeito manual no centro:

Instrucións para o pago telemático da taxa de comedor escolar

Estimadas familias: Dado que hai familias que manifestaron o seu interese por realizar o pago da taxa polo uso do comedor escolar de forma telemática, deixamos a información e os enlaces a vídeos explicativos de como debe realizarse o proceso de aboamento mensual. Na páxina 18 dos documentos en .PDF figuran as instrucións paso a paso do procedemento a realizar. Un saúdo. O equipo directivo. 

Estrea do documental "Coa terra nas mans"

Estimadas familias: Hoxe tivo lugar a estrea do documental "Coa terra nas mans" (elaborado pola produtora Tex 45 coa colaboración do Concello de Coristanco e a Deputación da Coruña) que se centra no cultivo da pataca, na importancia que tivo para a poboación do Concello de Coristanco e na grande repercusión que acabou obtendo as características deste tubérculo tan habitual na nosa vida diaria. A pataca contribuíu a mellorar a calidade de vida de moitas familias da comarca que fai moitos anos tiñan como principal fonte de ingresos o froito do seu traballo co gando e a agricultura. A día de hoxe a pataca de Coristanco ten un recoñecido prestixio polo seu sabor único e característico e a súa propia festa no mes de setembro. Para poder ver o documental completo e outros materiais só necesitades acceder á páxina: www.coaterranasmans.com. Un saúdo. O equipo directivo. 

Boas Festas!

Estimadas familias: Hoxe finalizamos o primeiro trimestre deste curso e agora toca descansar un pouco e agardar a que comece un novo ano cheo de novos plans, ilusións e moita felicidade. As clases empezan de novo o luns, 9 de xaneiro. Felices Festas! Un saúdo. O equipo directivo.

"Coa terra nas mans" - Documental sobre a pataca de Coristanco

Estimadas familias: A produtora de televisión Tex45 Producións está a desenvolver un documental chamado "Coa terra nas mans" sobre a pataca de Cosirtanco, en colaboración co Concello de Coristanco e a Deputación da Coruña. Todas aquelas familias que estean interesadas en colaborar co documental poderán facelo de distintos xeitos e achegando diferentes tipos de documentos: fotos antigas da vida no rural e da "Festa da Pataca", ilustracións creativas sobre o "Mundo da pataca", textos explicativos relacionados co tubérculo, os traballos que leva consigo o seu cultivo, se nos domicilios do alumnado ou familiares se dedican a cultivar a pataca, debuxos sobre o traballo no rural e as súas peculiariedades e costumes... Textos que recollan lembranzas curiosas sobre a pataca, a súa festa conmemorativa, as posibilidades que ofrece o tubérculo para formar parte de infinitos pratos que forman parte do menú habitual de moitos galegos e galegas e, por suposto, dos visitantes que se achegan a Galicia a degustar os exquisitos pratos cos que nos agasallan os numerosos locais dedicados á gastronomía que se espallan por todo o territorio.

Campaña Neve 2023

Estimadas familias: A Deputación da Coruña organiza a Campaña Neve destinada a rapazas e rapaces de entre 11 e 15 anos inclusive cumpridos a 31-12-2022. Ao Concello de Coristanco fóronlle concedidas 5 prazas para participar nesta campaña. Deixamos nos documentos adxuntos a información sobre a campaña e o modelo de folla de inscrición para que no caso de que sexa do voso interese poidades realizar as xestións. Un saúdo. O equipo directivo. 

Vales de material - Novas axudas

Estimadas familias: A Consellería de Cultura, Educación, Formación Profesioanl e Universidades publicou no DOGA nº 196, do venres 14 de outubro de 2022 a Resolución do 5 de outubro de 2022 de concesión directa da ampliación da axuda para adquirir material escolar, regulada na Orde de 29 de abril de 2022. Podedes consultar o documento completo no adxunto. Para poder retirar os vales das axudas é necesario que se persoen no colexio os pais/nais/titores dos/das alumnos/as beneficiarios/as e no caso de non poder vir ningún dos proxenitores poderán autorizar a outra persoa indicando no texto da autorización que debe entregar no centro: o nome completo, o DNI e a relación coa persoa autorizada. Os vales para material entregaranse nas horas de atención ao público de Xefatura e de Secretaría. Seguindo as instrucións da Consellería NON se emitirán duplicados dos vales e deberán ser empregados, preferentemente, antes do 1 de decembro de 2022. Un saúdo. O equipo directivo. 

Horario do centro - Xornada partida

Estimadas familias: Informamos de que finalmente o horario do noso colexio non cambia durante a xornada partida e seguirá a ser como nos cursos anteriores. A hora de saída será ás 16:15hs tódolos días agás os xoves que será ás 15:40hs. En caso de que se produza algún cambio seredes informadas. Este luns, 3 de outubro o horario de saída será ás 16:15hs. O resto dos días da semana tamén sairemos ás 16:15hs agás o xoves que será ás 15:40hs. Desculpade as molestias. Un saúdo. O equipo directivo. 

Escola de nais e pais - Asociación Vieiro

Estimadas familias: A Asociación Vieiro pon en marcha, un curso máis, dentro do programa de Prevención no ámbito familiar, o programa “Pais e Nais no océano educativo” destinado a pais, nais e persoas con responsabilidade familiar, que desexen informarse á hora de desempeñar a súa labor como educadores/as. É un programa gratuíto ao que podedes acceder previa inscrición e que está impartido por educadoras e psicólogas de Vieiro que buscarán dar as ferramentas axeitadas. Dispoñedes de máis información no documento adxunto. Un saúdo. O equipo directivo. 

Distribuir contido


by Dr. Radut