Tarxetas de Nadal 2015

Este ano o concurso de tarxetas de Nadal, organizado polo Equipo de Dinamización da Lingua Galega, tivo como protagonista ao APALPADOR, un personaxe galego que percorría os pobos galegos deixando regalos e castañas aos nenos e nenas máis necesitados. O noso Papá Noel galego.

Escolleuse unha tarxeta gañadora por nivel, e con ela felicitouse o Nadal ás familias. Noraboa aos gañadores!

Adornos de Nadal

Este ano, o Equipo de Actividades Extraescolares e Complementarias solicitou a colaboración de todas as familias, para que axudaran aos seus fillos e fillas na elaboración de adornos de Nadal para decorar o centro.

O resultado foi espectacular; botas, bastóns, estrelas, bolas e papás noel encheron o cole do espíritu navideño.

Gracias pola vosa colaboración!

 

Títeres: "Lío en la granja"

O pasado día 14 de decembro os alumnos e alumnas de 1º e 2º de E.P., acudiron ao Auditorio de Ourense a ver a obra de títeres "Lío en la granja".

Nesta divertida actuación, o alumnado puido pasar unha mañá distinta, pero aprendendo ao mesmo tempo valores tan importantes como o respeto polo compañeiros e o perigo dos prexuizos sociais, o perdón ante un erro e a necesidade de non xulgar antes de tempo a ninguén. Todo isto, maxistralmente transmitido a través dun espectáculo dinámico e orixinal da compañía Comediants La Baldufa.

 

Primeira proba de Campo a Través do curso 2015-16

Este xoves 26 de novembro, celebramos no "Puzo do Lago" (Maside) a 1ª proba de Campo a Través deste curso 2015-2016. A participación foi impresionante, máis de 650 alumnos e alumnas de 12 centros da contorna.

Foi unha gran xornada deportiva e de convivencia!

 

 

 

Podedes consultar máis información e as clasificacións individuais no seguinte enlace:

 

LIGAZÓN

 

 

Storytelling

O xoves día 19 de novembro os nenos e nenas de Ed. Infantil de 5 anos e os de 3º e 4º nivel de Ed. Primaria, asistiron a unha sesión moi divertida de Contacontos en inglés.

Magosto 2015

O mércores día 11 de novembro, pola tarde, cun tempo espléndido, celebramos O MAGOSTO, unha festa moi nosa e organizada polo Equipo de Actividades Extraescolares e Complementarias.

O mellor xeito de facela foi:

  • XOGANDO: Varios xogos que tiveron á castaña de protagonista.

 

  • COMENDO CASTAÑAS: Unha vez rematados os xogos repuxemos forzas comendo castañas.

 

Unha tarde estupenda e divertida!

A Reciclaxe

 O día 5 de novembro ás 11 horas, os nenos e nenas de 6º, asistiron a unha Charla sobre "A RECICLAXE", organizada pola Cruz Vermella en colaboración co Concello de O Carballiño.

 

Violencia de Xénero e Perigos de Internet

O día 28 de outubro os alumnos e alumnas de 6º, asistiron a unha Charla sobre a Violencia de Xénero e os Perigos de Internet, ofertada polos Servizos Sociais do Concello en colaboración coa Consellería de Educación e Ordenación Universitaria.

     

Normas de Organización, Funcionamento e Convivencia

As Normas de Organización, Funcionamento e Convivencia, permiten desenvolver o Proxecto Educativo, tendo en conta os fins da educación e os dereitos e deberes recoñecidos a todos os membros da Comunidade Educativa. Concretan aspectos de participación, procedementos para a toma de decisións, establece os canles de coordinación entre os órganos de goberno e de coordinación docente, o funcionamento interno do centro e normas de convivencia, entre outros.

LIGAZÓN

Presentación

O Xoves día 10 de setembro comeza o novo curso escolar.  A presentación será de 09:45 a 12:00 h.

  • O niveis de 1º. 2º, 3º e 4º terán a reunión coas familias.
  • Nos niveis de 5º e 6º a presentación será só para os alumnos e alumnas. A reunión coas familias será proximamente para explicar o funcionamento do proxecto EDIXGAL.
  • A reunión coas familias de Educación Infantil é o día 9 a partir das 10:00 horas, no edificio ao que acudirán os seus fillos e fillas.

BENVIDOS A TODOS!

Distribuir contido