Radio Codeseda

No arquivo adxunto podedes escoitar LITTLE RED RIDING HOOD gravado na Radio Escolar polo alumnado de 2º de Primaria coa Teacher María.

Celebramos o Día da Poesía no cole dando comenzo a unha nova andaina que esperemos sexa proveitosa:

"Radio Codeseda"

Experimentamos a radio un ano máis. Desta volta elaboramos unha cuña publicitaria grazas á colaboración do noso mestre en prácticas Alberto.  Desexamos que vos guste...  Logo desta pequena experiencia, gran parte do profesorado está convencido das posibilidades que esta potente ferramenta didáctica pode ofrecer a todo o alumnado do centro; de feito, neste momento tres docentes do centro están particpando nun curso de radio escolar.  As grandes vantaxes son moi importantes  tamén para o alumnado con dificultades na expresión oral, na fluidez verbal, na escoita activa...  Sen embargo, a grande desventaxa coa que nos atopamos é que o equipamento básico co que esta actividade se puido levar a cabo, pertence na súa totalidade, ao mestre de prácticas citado anteriormente, Alberto Pereiras, que con moito interese e xenerosidade se ofreceu para sacar adiante esta iniciativa. É por iso polo que nun futuro, próximo, xa neste curso, nos gustaría atopar a posibilidade de conseguir ese equipamento para poder desenvolver e implementar unha radio escolar no noso centro.