Equipos docentes

Bo día!

Hoxe 17 de maio celebramos o Día das Letras Galegas. Este ano adicadas ao escritor Ricardo Carballo Calero. 

O traballo desta semana , refírome ás propostas desde as titorías e especialidades,  teñen como centro de interés o autor homenaxeado e a celebración desta data . Ides coñecer un pouquiño a Ricardo Carballo , a súa vida , a súa obra , os seus lugares preferidos...unha morea de cousas. Todo con xogos on line moi divertidos. Esperamos que vos guste.

Así, nesta entrada deixo uns vídeos de Sabela Gago cuns contos preciosos. Moitas grazas Sabela por compartir con nós o teu traballo.

FELIZ DÍA DAS LETRAS GALEGAS.

Equipo de Biblioteca.

Equipo de Dinamización e Normalización da Lingua Galega.

Ola familias!

Un ano mais o  23 de abril celébrase o Día do Libro . Desta vez atopámonos pechados nas casas pero non por eso imos deixar que os nosos amigos, os libros, permanezan pechados.

Supoño que os libros que tedes nas casas xa están requetelidos así que  lembro que na web Galicia Le , unha vez rexistrados,  podedes disfrutar da lectura on line. Tamén deixo enlaces a distintas páxinas de editoriais , audiocuentos , blogues ... onde podedes atopar libros e contos para todas as edades, sobre todo para os pequenos.

http://www.kalandraka.tv/gl/seccion2.php?id=33&pagina=1#PD_Antonio%20Rubio%20-%20Cocodrilo

https://issuu.com/grupoanayasa/stacks/6f96ef708f4c42e4af792116cf2fa164

https://www.youtube.com/watch?v=xMdrJknUCQA

https://www.yumpu.com/es/document/read/63156813/coronavirus-no-es-un-principe-ni-una-princesa

https://www.edu.xunta.gal/centros/ceipfernandezlatorre/node/23813

https://youtu.be/c-eQCKYPM_c

(Para abrir os enlaces :selecciono enlace e pico co botón dereito, pico ir a url)

Grazas aos libros podemos vivir miles de aventuras, percorrer o mundo enteiro en fantásticas viaxes, xogar , rir , chorar... pero tamén podemos contar un conto empregando os libros que temos na casa desenvolvendo a nosa imaxinación e cretividade. Eso foi o que fixo a nosa profe Elena ( cunhas axudantes moi especiais) e que podedes ver no seguinte vídeo.

A-LU-CI-FLI-PAN-TE!!!!!!!!!! VERDADE????

Para celebrar este "día do libro en confinamento" invitamos a todo o alumnado a unha vídeoconferencia .

Qué fariamos? Cada alumno/a que participe na vídeoconferencia terá que facer unha ficha do seu libro preferido co título, nome do  autor/a, do ilustrador/a , unha pequena sipnose e recomendarllo a un amigo/a. A ficha do libro terá que estar xa preparada de antemán e na conferencia soamente se lerá.

Cando o fariamos? O xoves 23 de abril.  Como somos moitos, o horario será :

16:00- 16:20horas . se conectaría o alumnado de quinto e sexto.

16:30-16:50horas, se conectaría o alumnado de terceiro e cuarto.

17:00-17:20horas o alumnado de primeiro e segundo

17:30-17:50horas o alumnado de educación infantil

Cómo o facemos? Descargando a aplicación CISCO WEBEX MEETINGS . Unha vez aberta debaixo de UNIRSE Á REUNIÓN introducimos o número de reunión( * MOI IMPORTANTE: a información da reunión será mandada o propio día por ABALAR)

Resumindo:

1- Deixamos uns enlaces para lectura on line

2- Quen se atreve a facer un conto coas portadas dos libros que tendes nas casas como o da profe Elena? Esperamos os vídeos dos contos en benchoprofes@gmail.com escribindo no asunto CONTOS PORTADAS

3- O xoves faremos videoconferencias con todo o alumnado que queira participar. Comezaremos as catro e seguiremos o horario( aproximado) marcado anteriormente. Usaremos a aplicación CISCO WEBEX e a información da reunión mandarémola o propio día por ABALAR.

Xa remato...

Disfrutade das lecturas!!!

#euquedonacasa

#todosxuntospodemos

#todovaisairben

Equipo de Biblioteca

Equipo Dinamización da Lingua Galega