O alumnado de 4º de EP vén de realizar no noso centro, da man da entidade Aquelar, unha actividade de igualdade centrada na eliminación de falsas creencias sobre os xoguetes. O alumnado elaborou un decálogo de boas prácticas e chapas en relación con ese temática para poñer en marcha, no centro e na Comunidade Educativa, unha pequena campaña de concienciación na que todas e todos debemos ser partícipes: alumnado, profesorado e familias.
(clic na imaxe para acceder ao decálogo)
Ao longo das vindeiras xornadas as persoas participantes repartirán unha chapa e un decálogo para cada membro do alumnado do centro.
O obxectivo da actividade, ademais de facer conscientes e partícipes a todas as persoas da importancia da eliminación de falsas ideas en relación á elección sexista dos xoguetes, foi tamén conseguir que o alumnado pasara á acción cos seus iguais, co profesorado e coas súas propias familias.
(clic na imaxe para acceder á galería da xornada)
Versión para impresora
