3º Curso

Bo día, raparigas e raparigos!

Comezamos unha nova semana! A partires de agora imos organizar o traballo desta forma:

Luns: Inglés, Música, Educación Física e Relixión/Valores.

Martes: Matemáticas.

Mércores: Inglés e Ciencias Sociais.

Xoves: Ciencias da Natureza e Lingua Galega.

Venres: Inglés, Lingua Castelá e Plástica.

Entón, o traballo de hoxe vai ser o que podedes atopar adxunto.

Lembrade: O de Educación Física está nesta mesma web en https://www.edu.xunta.gal/centros/ceipbarrantes/?q=taxonomy/term/43 e de Inglés no blog da profe Tamara https://tamarasclass.wordpress.com/unit-4/

O conto de Valores podedes lelo incluso os de Reli (se vos apetece) xa que o venres imos facer unha actividade relacionada co protagonista da historia.

Saudiños!

Que sigades ben!

O recuncho favorito de Xoán é... O seu cuarto.

É grande, bonito, acolledor e tranquilo. Nel ten a súa cama, os seus xoguetes, 3 andeis, os libros, as cousas de estudar e a roupa.

Conta que é o seu lugar favorito porque nel séntese tranquilo, moi orgulloso e moi contento.

Bo día, criaturas!

Hoxe a cousa vai de... animais!

Déixovos adxunta unha lectura. É unha fábula marabillosa con ensinanza incluída.

Lembrades o que era unha fábula? É un relato breve de ficción (historia inventada) con animais como personaxes e que contén unha ensinanza moral (valores).

Cando acabedes de ler o conto, podedes facer animaliños de papel.

Como debuxar animais coas mans:

Como facer animaliños de papel.

Lembrade, sempre que poidades empregade material reciclado.

Agardo as vosas fotografías!!!

Eu vou facer un tamén! Ao que me envíe lle ensino o meu.

Saudiños!!!

O profe Adrián.

Hola de novo, pelexiños/pelexiñas!

Podedes facer os Kahoots todas as veces que quirades. Así mirades de mellorar a puntuación anterior. De feito, se ademais de acertar respondedes rápido, dávos máis puntos.

Como xa algún compañeiro me dixo que lle gustaron, crearei máis este trimestre.

Bicazos!

O profe Adrián.

O recuncho favorito de Adela é... o piso de arriba da súa casa.

Trátase dun lugar especial, agochado detrás dunha planta grande a carón do seu cuarto. Puxo no chan mantas e coxíns, e cóntanos que se esta moi ben.

Este recuncho é especial para ela porque lle gusta deitarse e ler libros.  Agora está lendo un de Junie B. Jones que é  moi divertido.  Onte os seus pais a deixaron durmir alí e pasouno ben.

Que marabilla de lugar o de Adela!