Xa que nos atopamos na semana do libro, ahí van unhas propostas de actividades para conmemorar esta data:
PROPOSTA 1:
Vamos a intentar reproducir dun xeito caseiro a portada dun libro ou conto que vos guste, caracterizándovos dalgún personaxe ou tentanto repetir a portada pero con cousas que teñades pola casa. Igualmente, se non se vos ocorre ningunha portada ou como facela, simplemente podedes representar algunha escena dalgunha historia que vos guste. Sacades foto e compartides coa profe.
PROPOSTA 2:
Eleximos un conto que nos guste ou que sepamos contar e o reproducimos para os nosos compañeiros e compañeiras. Podedes facelo cun vídeo e compartilo por drive na miña dirección de correo de gmail (está nas anotacións de abaixo). Despois podemos subilos a youtube para que os demáis podan velo (se compartides o vídeo entendemos que temos permiso para publicalo polas redes sociais).
PROPOSTA 3:
Baía Edicións pon á vosa disposición varios títulos para ler de forma gratuíta e dende os 4 aos 12 anos. Pica AQUÍ e desfruta de títulos como: "Nube Branca quere ser astronauta" de Pablo Nogueira e Manuel Uhia, a "Casa máis animada do mundo" de Cristina Sáez e Almudena Aparicio ou "O tempo do revés" de María Solar, Arturo Iglesias e Xosé Tomás.
PROPOSTA 4:
Facemos un rexistro dos libros que vaiamos lendo durante a cuarentena. Debemos facer unha lista e apuntar:
1. Día que de lectura.
2. Título do conto.
3. Número de páxinas.
4. Carita feliz se me gustou ou triste se non.
Xa veredes cantos sodes capaces de ler en todo este tempo.
PROPOSTA 5:
Escribimos o noso nome con materiais que teñamos pola casa. Velaquí tedes algúns exemplos dalgunha letra.
PROPOSTA 6:
A agrupación teatral Ghazafellos comparte esta obra de RUBICUNDO. Que a desfrutedes!
Para calquera dúbida, ou para enviarme cousiñas que vaiades facendo, podedes poñervos en contacto directo conmigo en lidiacasalprieto@gmail.com ou lidiacasal@edu.xunta.es. Encantaríame ir recibindo noticias vosas e das vosas actividades, así podemos ir compartindo por aquí os traballos de todos e todas vós. Será como continuar xuntos 
!!!!
ANÍMADEVOS!!!!
