O BALONMÁN VISITA O COLEXIO da man dO "CLUBE SEIS DO NADAL" de Vigo
Todo o alumnado de Educación Primaria está a gozar dunha sesión de Iniciación ao Balonmán, no horario da asignatura de Educación Física.
A titoría das mesmas correspondeulle a Yolanda Correa e Fernando Mosquera, dous adestradores e xogadores do clube desta cidade: SEIS DO NADAL. A quen lles damos as grazas pola súas atencións, ensinanzas e implicación coas nenas e nenos do Ceip Balaídos.
Se queres ver imaxes das sesións, clica na imaxe ou no enlace.
https://drive.google.com/open?id=1q89VWLkZoIesyNSsAS9GjRgDCiyjY9mw
INSTRUMENTOS MUSICAIS CON MATERIAIS DE REFUGALLO
O alumnado de 6º de Educación Primaria elaborou, coa axuda das familias, estos instrumentos musicais feitos con materiais de refugallo.
Son uns verdadeiros luthiers!
A exposición atópase na entrada do colexio.
Non a perdades!!
VISITA DA ILUSTRADORA ABI CASTILLO
O 22 de maio recibimos a visita da ilustradora viguesa Abi Castillo. Quedamos abraiados co seu traballo e con todo o cariño que nos mostrou. Percorreu os corredores do cole e quedou impresionada coas recreacións das súas obras feitas por todo o alumnado do centro.
Visitou catro aulas comezando por unha de 4 anos, seguiu cunha de 5º, continuando por unha de 2º e rematando cun 4º de Educación Primaria. No seu percorrido foise artellando un fermoso cadro. Ela foinos indicando e explicando como o tiñamos que ir elaborando. O resultado final foi espectacular, un fermoso lienzo que quedará sempre nas nosas memorias e nos nosos corazóns.
Agradecemos enormemente a súa presenza no cole, foi unha mañá diferente. Clicade no cadro para ver como foi todo!!
Día internacional da Orientación. Ceip Balaídos 2017 - 2018.
Os mestres do departamento de Educación Física organizou hoxe, 23 de maio, unha carreira de orientación polo patio con motivo do Día Internacional da Orientación. Coa axuda do alumnado de 4º repartiron balizas polo patio e demáis zonas exteriores do colexio e repartiron mapas aos nenos e nenas para que seguiran uns itinerarios adaptados ás súas capacidades. Todo o alumnado participou, dende os nenos e nenas de 3 anos ata o alumnado de 6º de primaria. Os mestres e mestras tamén puideron participar. Foi unha actividade moi especial onde todos os participantes pasáronno en grande!
PARTICIPACIÓN NO FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR
CONVOCATORIA DO FONDO SOLIDARIO DE LIBROS E AXUDAS PARA MATERIAL E LIBROS DE TEXTO PARA O ALUMNADO DE EDUCACIÓN PRIMARIA PARA O CURSO 2022-2023
Publicouse no DOGA do 18 de maio a Orde do 29 de abril de 2022 que regula a participación no fondo solidario de libros de texto e a convocatoria de axudas para adquirir libros de texto e material escolar destinadas ao alumnado matriculado en Educación Primaria |
Fondo solidario de libros: Alumnado de 3º, 4º, 5º e 6º de Educación Primaria O alumnado matriculado nos centros e cursos incluídos no proxecto educación dixital (E-Dixgal) no curso 2022/23 está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquirir material escolar, así como ás establecidas nas disposicións adicionais primeira e segunda, se reúne os requisitos establecidos nesta orde. Axudas para adquirir libros de texto: Alumnado de 1º e 2º de Educación Primaria Axudas para adquirir material escolar: Alumnado de 1º a 6º de Educación Primaria Prazo de presentación de solicitudes - Do 19 de maio ata o 22 de xuño de 2022 ( incluídos) Solicitudes: Presentación de solicitudes Tamén será obrigatoria a presentación do Anexo II escaneado correctamente cuberto e asinado por tódolos membros da unidade familiar. Poden acceder a toda información do procedemento a través de este enlace: http://www.edu.xunta.gal/portal/fondolibros
Documentación complementaria necesaria para tramitar o procedemento En caso de separación ou divorcio, deberán achegar ademais a sentenza xudicial e/ou convenio regulador onde conste a atribución da custodia do/da menor. Opcionalmente, as persoas interesadas poderán presentar a documentación complementaria presencialmente no centro docente ( entregarase xunto coa solicitude aos titores/as ) |
CALENDARIO E PRAZOS DAS AXUDAS PARA
PARTICIPAR NO
FONDO SOLIDARIO DE LIBROS DE TEXTO
PRAZO DE PRESENTACIÓN DE SOLICITUDES
COMÚN E ÚNICO PARA TODAS AS AXUDAS:
DO 19 DE MAIO AO 22 DE XUÑO
DEVOLUCIÓN DOS LIBROS DO CURSO 2021/2022
17 DE XUÑO, AGÁS 1º E 2º PRIMARIA
FONDO SOLIDARIO DE LIBROS DE TEXTO ( ALUMNADO DE 3º, 4º, 5º E 6º ) |
|
PUBLICACIÓN LISTAXES PROVISIONAIS DE ADMITIDOS E EXCLUIDOS |
1 DE XULLO DE 2022 |
RECLAMACIÓN LISTAXES PROVISIONAIS |
DO 1 DE XULLO AO 5 DE XULLO DE 2022 |
PUBLICACIÓN LISTAXES DEFINITIVAS |
6 DE XULLO DE 2022 |
ENTREGA DOS LIBROS AO ALUMNADO |
AO COMEZO DE CURSO |
AXUDAS PARA ADQUIRIR LIBROS DE TEXTO (ALUMNADO 1º E 2º ) |
|
ENTREGA DE VALES |
DO 6 AO 8 DE XULLO |
AXUDAS PARA MATERIAL ESCOLAR (TODO O ALUMNADO DE EDUCACIÓN PRIMARIA) |
|
ENTREGA DE VALES |
DO 6 AO 8 DE XULLO |
AVISO MOI IMPORTANTE:
AS FAMILIAS INTERESADAS EN PRESENTAR A SOLICITUDE
PRESENCIALMENTE NO CENTRO DEBERÁN ENTREGARLLA AOS
TITORES/AS
Teatro Negro: Emociónate!!
Neste curso 2017 - 2018 na área de Educación Artística ( máis concretamente en música) a mestra Bea levou a cabo co alumnado de 6º o seu tradicional Teatro Negro cunha obra titulada "Emociónate!!" de Ruth Bernárdez (mestra de Educación Primaria) que colabora co noso centro escribindo as obras dende moitos anos atrás. Dar as grazas a todas as persoas que fan posible este espectáculo; a implicación do alumnado, a Rogelio (conserxe), Mari Carmén (antiga nai do centro), Rubén (administrativo), Ana e Rosa (encargadas do comedor) e a todo o equipo docente na preparación da posta en escea da obra. Felicitar unha vez máis ao alumnado de 6º EP polo gran traballo realizado.
Día da familia.
Hoxe 15 de maio celebramos no noso centro o día da familia. O cole encheuse de debuxos e murais onde nenos e nenas plasmaron a diversidade de tipos de familias que hai, como dicía a parede do edificio de infantil: "Hai tantas familias como formas de amar".
- « primeira
- ‹ anterior
- …
- 30
- 31
- 32
- 33
- 34
- 35
- 36
- 37
- 38
- …
- seguinte ›
- última »