XUIZO DO MECO CORONAVIRUS
No colexio Balaídos temos ben claro que a pandemia do coronavirus non ten porque amolar ás nosas nenas e nenos. Cumprimos protocolos, pero adaptamos as festas e tradicións celebrándoas dun xeito distinto co obxectivo de que estean presentes, algo diferentes... pero presentes.
Cada mes de febreiro chegaba e chega ao cole o TEMPO DE ENTROIDO presidido sempre polo MECO, un boneco que representa case sempre o “malo e ruín vivido ao longo do ano anterior”.
Nesta ocasión non había dúbida, era doado escoller! Non si?
Por iso o noso Meco é o Coronavirus, que xa nos fixo vir desde setembro coa incómoda máscara posta, e nesta semana, aínda por riba, mandounos traer: zapatos cambiados, cousas en cintura e pescozo,...
Por todo iso, foi xulgado no XUÍZO DO MECO polo alumnado de 6º de EP, como xa é tradición desde sempre, que diante da imposibilidade de facelo no patio coma noutrora argallouse unha videomontaxe na que tamén participaron todas os grupos de Infantil e Primaria, a fin de coñecer a súa opinión para sentencialo á QUEIMA ou salvalo.
Ah! Que estades a pensar? Que vos gustaría velo? Pois.... tendes sorte! Aquí vos deixamos o video. Desexamos que gostedes del!
Esquecíamos de dicirvos que o venres 12 de febreiro, sairemos ao patio coma un ENTROIDO calquera, cos nosos disfraces de homenaxe a tantas persoas e colectivos que nos fixeron e están a facer máis levadeira esta pandemia. Sentimos que neste ano non poidan facernos compaña AS FAMILIAS (nais, pais, avós e avoas) para gozar do desfile e do xuízo do Meco.
De todos os xeitos, xa vos informaremos de como resultou todo.
Os nosos nenos e nenas van ter ENTROIDO no COLE! Iso é o que realmente importa, verdade?
Apertas e VIVA O ENTROIDO!!!!!
Xa está aquí o Entroido!!
Xa estamos en tempos de entroido e, aínda que este ano é diferente, hai costumes que non desaparecen. O meco volve un ano máis cos seus mandatos que buscan complicarnos a vida!!
Recordade que os mandatos son acumulativos, isto quere dicir que cada día levaremos o que nos mande o teimado Meco, máis o do día anterior.
Dende a Dinamización da Lingua Galega deixanvos unha canción do Entroido para ir sumerxíndonos na festa!
Emociomartes do mes de xaneiro.
Continuamos coa realización do noso proxecto de Educación Emocional cos nosos alumnos, para que aprenden a identificar e xestionar as propias emoción.
No EMOCIOMARTES deste mes de XANEIRO axudamos ao alumnado de educación infantil a aprender a OBSERVAR ,recoñecer e identificar as diferentes emocións básicas no corpo.Tamén a recoñecer que cada estímulo provoca diferentes emocións en cada un de nós e a decatarnos da importancia de non xulgar ao outro, de non facer interpretacións á lixeira.
Vector de Personas creado por pikisuperstar - www.freepik.es
Co alumnado de educación primariatraballamos a empatía para a prevención do Bullying.
O noso obxectivo é que o alumnado coñeza que é o acoso e o ciberacoso , así como previlo. Que aprendan a diferenciar as vítimas, os agresores e os espectadores. Que coñezan as consecuencias do acoso e previr as condutas de microacoso coas que se empeza.
Nos cursos de 1º e 2º visionaron videos e realizaron os carteis de RACHA co silencio.
Os alumnos dende 3º a 6º traballaron a través da visualización de varios powerpoints con diferentes situacións para que aprenden a diferenciar as condutas que son acoso e as que non. Realizaron un traballo sobre os diferentes participantes no acoso e os sentimentos de cada un deles.
O alumnado de 6º ademáis reflexionou a través destes videos do ciberacoso e os perigos nas redes.
Vector de Personas creado por pikisuperstar - www.freepik.es
CONMEMORACIÓN DO DÍA DA PAZ
Posted Xaneiro 28th, 2021 by AnónimoO 30 de xaneiro celébrase o Día Internacional da Paz e a Non Violencia, pero como este ano cadra en sábado, conmemorámolo o venres 29.
Todos os anos xuntabámonos no patio para escoitar o manifesto e cantar a canción, cunha parte en lingua de signos, escollida e traballada na área de Educación Musical pola profesora Bea.
Este ano non podiamos quedarnos atrás e para celebralo adaptámonos a esta situación que estamos a vivir.
O alumnado de 6º de Educación Primaria elaborou un manifesto que gravou para que todos podamos velo nas nosas aulas:
Bo Nadal 2020
Hoxe celebramos unha festa de fin de ano un pouco atípica pero moi divertida pese ás restriccións.
Dende a comunidade educativa do CEIP Balaídos queremos felicitarvos neste Nadal 2020, aínda que foi un ano difícil, xuntos e xuntas seguimos disfrutando do día a día na nosa escola durante todo o 2021.
ORDE DE DISTRIBUCIÓN DE MÁSCARAS ENTRE O ALUMNADO
XA ESTÁN DISPOÑIBLES
ENTREGA DE MÁSCARAS AO ALUMNADO BENEFICIARIO, DEBERÁN RECOLLELAS NA SECRETARÍA DO CENTRO EN HORARIO DE 9 A 13:45
ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en Educación primaria
As máscaras distribuiranse entre o alumnado incluído no ámbito desta orde pertencente a familias cunha renda per cápita igual ou inferior ao limiar de 6.000 €, que foi o limiar de referencia no curso 2020/21 para ter dereito á axuda para adquirir material escolar (Orde do 12 de maio de 2020 pola que se regula a participación no fondo solidario de libros de
texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial (DOG núm. 96, do 9 de maio).
Polo tanto, será beneficiario das máscaras, directamente, o alumnado que resultou beneficiario das axudas de material escolar, logo de solicitude e comprobación da renda per cápita da unidade familiar, e o resto do alumnado que non foi beneficiario por diferentes circunstancias, sempre que reúna o requisito de rendas e presente a solicitude en prazo.
O prazo para presentar as solicitudes será de diez (10) días hábiles contados a partir do día seguinte ao da publicación desta orde no Diario Oficial de Galicia - DO 16 AO 27 DE NOVEMBRO
Alumnado destinatario
O alumnado matriculado en educación primaria, educación secundaria obrigatoria e educación especial que, de acordo coa Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar no curso 2020/21:
1. Fose beneficiario da axuda para adquirir material escolar.
2. Non fose beneficiario da axuda para adquirir material escolar por diferentes circunstancias, pero:
a) Pertenza a familias cunha renda per cápita igual ou inferior a 6.000 €.
b) Estea matriculado en educación especial, ou suxeito a tutela ou garda da Xunta de Galicia ou teña unha discapacidade igual ou superior ao 65 %, con independencia da renda da unidade familiar.
Competencia e procedemento
1. Corresponderalles aos centros docentes incluídos no ámbito desta orde, a través da aplicación informática, tramitar as solicitudes e realizar os demais actos de xestión.
2. De acordo co artigo 23.4 e 5 da citada lei, o prazo máximo para tramitar o procedemento será de tres (3) meses contado a partir do día seguinte ao da publicación da convocatoria no Diario Oficial de Galicia; transcorrido este, a solicitude poderá entenderse desestimada por silencio administrativo negativo.
Alumnado exento de presentar solicitude
Non terá que presentar solicitude o alumnado que fose beneficiario da axuda para adquirir material escolar no curso 2020/21.
Presentación de solicitudes
1. Deberán presentar solicitude os pais, nais, titores ou representantes legais do alumnado que non presentou solicitude de material escolar en tempo e forma ou resultou excluída. No caso de alumnado en situación de garda ou tutela da Xunta de Galicia, presentará asolicitude a persoa titular da dirección do centro de menores ou a persoa coa que conviva en acollemento familiar.
2. A solicitude será única para todos os fillos e, de ser o caso, tutelados, que estean admitidos no mesmo centro docente para o curso 2020/21; se están admitidos en centros docentes distintos, presentarase unha solicitude en cada un dos centros.
3. As solicitudes deberán presentarse presencialmente no centro docente onde estea matriculado o alumno utilizando o formulario normalizado (anexo I) dispoñible na sede electrónica da Xunta de Galicia, https://sede.xunta.gal.
Este formulario de solicitude (anexo I) tamén estará dispoñible:
a) No centro docente
b) No portal educativo, enderezo http://www.edu.xunta.gal
Prazo para presentar solicitudes
O prazo para presentar as solicitudes será de diez (10) días hábiles contados a partir do día seguinte ao da publicación desta orde no Diario Oficial de Galicia.
Documentación complementaria
1. As persoas interesadas deberán achegar coa solicitude (anexo I) a seguinte documentación:
a) Anexo II (comprobación de datos dos membros computables da unidade familiar).
b) Copia do libro de familia ou documento equivalente, onde figuren o alumno e os demais membros computables da unidade familiar.
En caso de separación ou divorcio, ademais deberán achegar a sentenza xudicial e/ou convenio regulador onde conste a atribución da custodia do/a menor.
Excepcionalmente, poderase acreditar o número de membros computables utilizando algún dos seguintes medios:
1. Certificado ou volante de convivencia.
2. Informe dos servizos sociais ou do órgano equivalente do concello onde resida a familia.
Nos casos especiais, en que a composición da unidade familiar non se axuste ao sinalado no artigo 4.1 desta orde, achegarase un certificado ou volante de convivencia en que deberán figurar o/a alumno/a e todos os familiares que convivan con el/ela, ou un certificado dos servizos sociais do concello que acredite a situación familiar.
c) Certificado do grao de discapacidade do/da alumno/a ou calquera membro da familia recoñecido por un órgano que non pertenza á Xunta de Galicia.
PODEN CONSULTAR TODA A INFORMACIÓN DO PROCEDEMENTO NO SEGUINTE ENLACE:
https://sede.xunta.gal/detalle-procedemento?codtram=ED330E
- « primeira
- ‹ anterior
- …
- 11
- 12
- 13
- 14
- 15
- 16
- 17
- 18
- 19
- …
- seguinte ›
- última »