Estimadas familias:

O artigo 7.2 da Orde do 25 de xuño de 2020 (DOG 9 de xullo), pola que se aproba o calendario escolar para o curso 2020-21 nos centros docentes sostidos con fondos públicos, establece que os centros educativos poderán solicitar un ou dous días como non lectivos que deberán preverse na PXA do centro, argumentando razóns de tradición, costume ou convivencia pedagóxica. 

Tendo en conta esta información, no CEIP de Baamonde foron solicitados e autorizados como días non lectivos de libre disposición os seguintes:

• 9 de novembro de 2020
• 14 de maio de 2021  

Por outro lado, queriamos comunicar a convocatoria dunha reunión informativa presencial (con carácter excepcional) o vindeiro martes, día 10 de novembro ás 16:15 h. no colexio.

A reunión estará condicionada á asistencia dun proxenitor, reducindo o risco de aglomeracións.