CEIP de Baamonde

Queridas familias, 

Aquí vos deixamos algunhas fotos do taller que se está a desenvolver por parte do Concello de Begonte nas escolas e que xira sobre a Educación Emocional e a xestión de Habilidades Sociais, ámbolos dous aspectos fundamentais para relacionarse!

Familias, 

Aquí deixamos as fotiños do festival de Nadal e da visita ó centro de día. 

Boas,

Hoxe foi un día moi especial, veunos a visitar PAPÁ NOEL!!!!! Habíades ver as nosas caras de ilusión...! E foron moitas as peticións que tivemos para el pois prometemos portarnos moi pero que moi ben, aínda que sabemos que as veces o intentamos pero non sempre o conseguimos. Aínda así, trouxonos un agasallo.

Mirade as fotos... e MOITAS GRAZAS PAPÁ NOEL POLA VISITA, ESPERÁMOSTE O 24!!

NOTA: Debido a cuestións organizativas foi necesario trasladar a visita de Papá Noel para hoxe e non se puido facer o día 19 como estaba prevista. Tamén pedimos desculpas se falta algunha foto, porque houbo errores á hora de subir ficheiros. Grzas pola vosa comprensión.

Queridas familias,

E como non, os maiores non ían a ser menos...e realizaron o taller de cociña, iso sí, a eles tocoulles elaborar un biscoito...case co arrecendo nos mantiamos pero non puidemos resistirnos a probalo! Aquí vos deixamos as fotos para comprobar o ben que nos saiu. Grazas Adrián por prestarnos a cociña!

Boas familias,

Hoxe os nenos e  nenas de E.Infantil convertíronse en chefs por un día para elaborar unha pizza no noso taller de cociña. Están feitos todos uns profesionais!! Pero o mellor sen dúbida foi degustar o traballo feito, mmmmmmm.....estaba deliciosa!!!

Ah! E Adrián, moitas grazas por facernolo doado....

Queridas familias,

Agora que xa estamos entrando no Nadal, informarvos de que:

O día 19 de decembro: Ás 10.00 horas visitará ós nenos do noso cole Papá Noel.

O día 20 de decembro: Ás 12.00 horas dará comezo o festival de Nadal. O programa de actuacións será o seguinte:

* 4º, 5º, 6º de E.I. interpretará "El abeto está vacío".

*1º, 2º, 3º de E.P. cantará "Navidad Rock" e tocará "Dulce Navidad".

*4º, 5º, 6º de E.P. interpretará "Recuérdame" (B.S.O. de Coco).

Haberá actuacións individuais instrumentais, cantaremos todos xuntos e moitas cousas máis.

RECORDARVOS QUE O DÍA 20 TODALAS FAMILIAS ESTADES CONVIDADAS A VIR VER AS NOSAS ESTELARES ACTUACIÓNS! ESPERÁMOSVOS.

Boas familia,

O pasado día 25 de Novembro celebrouse o Día Internacional contra a Violencia de Xénero e na nosa escola celebramos con diferentes actividades, pois cremos firmemente na coeducación e formar ós nosos alumnos e alumnas en valores que respeten as diferenzas para formar unha sociedade máis xusta. Aquí vos deixamos algunha fotiño.

Familias,

Co fin de optimizar tódolos recursos existentes no centro para ofrecer ós nosos nenos e nenas os maiores contextos de aprendizaxe, puxemos en marcha a Aula de Informática. Aínda hai unha fenda dixital que sobretodo no rural é difícil de eliminar, pero non imos ser nós os que contribuamos a aumentala. Por iso os nosos nenos e nenas continúan conectados á rede...O obxectivo da aula ademáis de ser unha contorna motivadora de traballo, permitirá contribuír á formación dixital do noso alumnado facéndoos cada vez máis competentes, e paliar os déficits de acceso ás teconolóxias da información e a comunicación. Aquí vos deixamos algunhas fotiños do mércores cando decidimos inagurala cunha xornada sobretodo lúdica para comezar.

Estamos en contacto familias....e seguimos traballando.

Queridas familias,

Unha nova importante....

Informarvos de que o próximo 25 de Novembro e o 20 de Marzo do vindeiro ano son DÍAS NON LECTIVOS para o noso centro, polo que eses días NON HAI ESCOLA.  (Orde 20 xuño 2019).

Un saúdo.

Despois de moitas propostas, todas moi boas e divertidas, e da votación de todo o alumnado e profesoras do centro... xa temos mascota na biblioteca da escola!