Inicio do procedemento de admisión de alumnado en centros docentes sostidos con fondos públicos para o curso 2016/2017

Enviado por ceiparua o Mar, 26/01/2016 - 00:11

 Comeza o período de matrícula para o curso 2016-2017

De acordo cos prazos establecidos na disposición adicional primeira da Orde de 12 de marzo de 2013, que regula o procedemento de admisión, o próximo 1 de febreiro inícianse os trámites do procedemento, coa reserva de praza nun centro de adscrición.

Publícanse, xa que logo, os formularios de solicitudes

Orde do 12 de marzo de 2013 pola que se desenvolve o procedemento para a admisión do alumnado (DOG)
Anexo I: Reserva de praza
Anexo II: Formularios de admisión e matrícula

Os postos escolares vacantes estarán publicados no taboleiro de anuncios do centro, e son os seguintes:

EDUCACIÓN INFANTIL

  • 4º curso de Educación Infantil (3 anos): 22 prazas + 3 para n.e.e.
  • 5º curso de Educación Infantil (4 anos): 1 prazas
  • 6º curso de Educación Infantil (5 anos): 4 prazas

EDUCACIÓN PRIMARIA

  • 1º curso de Educación Primaria: 2 prazas + 3 prazas para n.e.e.
  • 2º curso de Educación Primaria: 2 prazas
  • 3º curso de Educación Primaria: 5 prazas
  • 4º curso de Educación Primaria: 9 prazas
  • 5º curso de Educación Primaria: 0 prazas
  • 6º curso de Educación Primaria: 4 prazas

 

Prazos:

Artigo 10.2. O alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe o modelo normalizado que se publica como anexo I da presente orde entre os días 1 e 15 de febreiro de cada ano.

Artigo 14.1. Solicitude de admisión

1. O alumnado matriculado nun centro docente que desexe cambiar a outro centro, o alumnado que pretenda continuar estudos nun centro de adscrición cando o número de prazas dispoñibles sexa inferior á demanda, e o alumnado que solicite posto escolar por primeira vez, presentará a solicitude que deberá axustarse ao modelo normalizado do anexo II desta Orde.

  • Solicitude de admisión e entrega de documentación: do 1 ao 29 de marzo.
  • Presentación de documentación adicional se hai que baremar: do 13 ao 19 de abril.
  • Publicación de listas provisionais de admitidos e non admitidos: antes do 25 de abril.
  • Reclamacións ás listas provisionais: do 26 de abril ao 2 de maio.
  • Publicación de listas definitivas de admitidos e non admitidos: antes do 15 de maio.
  • Formalización de matrícula: do 20 ao 30 de xuño.

 

DOCUMENTACIÓN NECESARIA

  • Impreso de solicitude de admisión (recóllese en Conserxería)
  • 2 fotografías tamaño carné
  • Fotocopia do libro de familia ou do DNI
  • Certificado médico ou fotocopia da cartilla de vacinas
  • Fotocopia da cartilla da Seguridade Social ou seguro do/a neno/a
  • Certificado de matrícula do centro de procedencia, de ser o caso
  • Certificado de empadroamento (só no caso de baremar)

INFORMACIÓN DE INTERESE

  • Cada alumno e alumna só pode presentar unha única solicitude no centro no que solicite praza en primeiro lugar, advertindo que a infracción determinará a perda dos dereitos de prioridade que poidan corresponderlle.
  • O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.
  • Que o alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

Recursos para o entroido (web da CGENDL)

Enviado por ceiparua o Ven, 15/01/2016 - 17:14

A páxina web da CGENDL acolle unha vez máis un monográfico especial sobre o Entroido con materiais para traballar nos centros escolares e nas casas: http://coordinadoraendl.org/entroido/index.php.

entroido

Neste sitio web reúnense recursos didácticos de diferente fasquía como actividades, vocabularios, manualidades, audiovisual, publicacións, etc.

Felicitación do Nadal 2015 do CEIP A Rúa

Enviado por ceiparua o Mér, 16/12/2015 - 00:32

Bo Nadal e feliz 2016 para toda a comunidade educativa do CEIP A Rúa!
.

PREMIOS AO PROXECTO "VIAXE NO TEMPO"

Enviado por ceiparua o Mar, 15/12/2015 - 21:56

No curso 2014-2015 O CEIP A Rúa recibiu dous novos premios á innovación educativa. Os dous teñen como soporte o Proxecto   "Viaxe no tempo".

 

  . PREMIO DE ALFABETIZACIÓN AUDIOVISUAL, concedido polo Ministerio de Educación, Cultura e Deporte (MECD, Orden ECD/2657/2015 de 1 de decembro). Recibimos este premio nacional por segundo ano consecutivo.

"El jurado ha querido destacar este trabajo su forma de promover la alfabetización y desarrollar el pensamiento crítico. Igualmente se resalta el hecho de que a través de él se genera una profunda vinculación con su tradición cultural. Por último se ha valorado que se trata de un proyecto muy sólido en su configuración."

.PREMIO IMPULS, convocado pola Fundació Impuls

Accésit a la mejor experiencia de aprendizaje cooperativo en el aula para el proyecto VIAJE EN EL TIEMPO del CEIP A Rúa (Cangas) presentado por Ana Mª Fernández - See more at: http://fundacioimpuls.org/conoce-los-ganadores-del-vii-premio-impuls/#sthash.rjvAyj30.dpuf

 Áccesit á mellor experiencia de aprendizaxe cooperativa na aula (20/10/2015), para o proxecto VIAXE NO TEMPO do CEIP A Rúa.

Accésit a la mejor experiencia de aprendizaje cooperativo en el aula para el proyecto VIAJE EN EL TIEMPO del CEIP A Rúa (Cangas) presentado por Ana Mª Fernández. - See more at: http://fundacioimpuls.org/conoce-los-ganadores-del-vii-premio-impuls/#sthash.rjvAyj30.dpuf
Accésit a la mejor experiencia de aprendizaje cooperativo en el aula para el proyecto VIAJE EN EL TIEMPO del CEIP A Rúa (Cangas) presentado por Ana Mª Fernández. - See more at: http://fundacioimpuls.org/conoce-los-ganadores-del-vii-premio-impuls/#sthash.rjvAyj30.dpuf

A dotación económica permítenos continuar costeando os proxectos audiovisuais que levaremos a cabo neste curso. Neste proxecto galardoado destaca a nosa participación en Cine en curso como eixo vertebrador de todas as propostas relacionadas coa Pedagoxía do cine.

Proxecto "Piensa, Crea... Acción!" Proxección no Auditorio Municipal de Cangas

Enviado por ceiparua o Mér, 11/11/2015 - 18:06
O xoves 12 de novembro, ás 20:00 horas, no Auditorio Municipal de Cangas proxectaremos unha selección de pezas audiovisuais creadas polo alumnado dos centros participantes no Proxecto Piensa, Crea... Acción! 

Esta proxección forma parte das actividades programadas na convivencia en Cangas con representantes do profesorado e do alumnado dos centros CEIP Santa Marina de Magán (Toledo) ea Escola de Bordils (Girona), que estarán con nós dende o mércores 11 ata o venres 13 de novembro.

O Faro de Vigo recolle así a noticia: A Rúa conecta con Toledo e Bordils

Animamos a toda a comunidade educativa do CEIP A Rúa a participar neste acto.
 
 

25 anos medrando xuntos

Enviado por ceiparua o Ven, 11/09/2015 - 13:14

HOXE DEMOS COMEZO A UN CURSO MOI ESPECIAL!!!
O NOSO COLE CUMPRE 25 ANOS!!!

O cole preparado para a ocasión

 

Todos e todas cargados de ilusión

 

Momento de reencontros

 

Preparados, listos,...

 

 

Convocatoria bolsas para alumnado con necesidade específica de apoio educativo 2015-2016

Enviado por ceiparua o Lun, 07/09/2015 - 22:46

Son unha bolsas que concede o goberno central: Ministerio de Educación, Cultura e Deporte (MECD).

- Prazo presentación: 2 de agosto ao 30 de setembro de 2015.

- A partir deste ano é obrigatorio cubrir o formulario vía on-line. Hai que acceder á páxina web do MECD, darse de alta como usuario da aplicación, cubrir o formulario, imprimilo e presentalo no centro escolar. NON HAI OPCIÓN DE ENCHER OS DATOS NUN FORMULARIO EN PAPEL.

Na páxina www.educacion.es ademais de ter toda a información relativa á convocatoria pódense encher os datos das solicitudes e imprimilas para despois entregalas no centro educativo onde estean matriculados os alumnos.

Para calquera dúbida, ou en caso de necesitar axuda, chamar ao teléfono 986 80 59 55

Presentamos "Deixando atrás", o noso documental do proxecto Cine en Curso

Enviado por ceiparua o Mar, 23/06/2015 - 13:59
Os alumnos e alumnas de 5º curso de Primaria estamos moi pero que moi orgullosos de presentarvos o noso traballo do proxecto de Cine en Curso do 2014-2015, o documental titulado "Deixando atrás" que ofrece a nosa mirada sobre a emigración en Galicia nos anos 50-60.

 Antes de máis nada aquí tedes o resultado final. Invitámosvos a gozalo.

  
ÍMOSVOS CONTAR COMO CHEGAMOS ATA AQUÍ:

 No curso 2014-2015 solicitamos e foinos concedido un proxecto de Cine en Curso para elaborar un documental sobre as migracións, aproveitando que o tema núcleo do noso centro para este curso versa sobre As Viaxes. O traballo que fomos desenvolvendo durante este curso quedou rexistrado no Blog reservado para o CEIP A Rúa, que pon á nosa disposición a organización de Cine en Curso. Na Site Sempre en Cangas rexistramos o Diario de aula, que recolle todo o proceso de formación e todas as actividades que fomos desenvolvendo relacionadas co proxecto, ata concluír na elaboración do documental "Deixando atrás".


   A seguir presentámosvos algúns dos momentos estelares da presentación do noso documental:

 1) Estrea do documental no CGAI, en A Coruña. 
 

O día 12 de xuño os participantes dos obradorios anuais de documental presentaron no CGAI os catro filmes realizados neste curso en Galicia. Despois de cada proxección, o grupo presentou o proceso de creación e iniciouse un diálogo con outro grupo que previamente viu e analizou a súa curtametraxe.
 
  Un momento da estrea no CGAI

  

2) Estrea do documental en Cineteca de Madrid. 
 O día 16 de xuño os alumnos do Colexio Lourdes-Fuhem (Madrid), o Colexio Montserrat-Orcasitas (Madrid), o CEIP A Rúa (Cangas), a Escola de Bordils (Bordils), o Institut Bellvitge (L’Hospitalet de Llobregat) e o Institut Milà i Fontanals (Barcelona) estrean as súas películas na Cineteca de Madrid.
Un momento da estrea na Cineteca de Madrid
 
 
 
 Os nenos co director de cine Fernando Trueba
 


3) Presentación do documental ás familias dos nenos e nenas de 5º de Primaria no CEIP A Rúa.
Un momento da estrea no CEIP A Rúa



En novembro, cando veñan os alumnos/as de Toledo e Bordils, contamos con facer a estrea no Auditorio para o resto do centro e para todas as persoas que queiran compartir connosco este emocionante momento. Será unha festa audiovisual na que se exporán traballos dos tres centros educativos.



 4. Making Off (Imaxes)

Libros de texto para o curso 2015-2016

Enviado por ceiparua o Mar, 23/06/2015 - 11:11

LIBROS DE TEXTO (2015-2016)

1º curso
- Matemáticas: Aula Activa 1º, ED. VICENS VIVES
ISBN: 978-84-682-2028-4.
- Estrelamar- Proxecto Saber Facer 1º, ED. SANTILLANA.(Lingua, Ciencias da Natureza, e Sociais).
ISBN:978-84-9972-414-0.

2º curso
- Matemáticas: Aula Activa 2º, ED. VICENS VIVES.
ISBN:978-84-682-2834-1.
- Estrelamar- Proxecto Saber Facer 2º, ED. SANTILLANA.(Lingua, Ciencias da Natureza, e Sociais).
ISBN:978-84-9972-947-3.

4º curso
- Matemáticas: Matemáticas 4, Aula Activa, ED. VICENS VIVES
ISBN:978-84-682-2881-5.
- Lingua Galega: Lingua 4.Aprender e crecer en conexión, ED. ANAYA.
ISBN:978-84-678-8013-7.
Ciencias Sociais: Talentia, ED. EDEBÉ-RODEIRA
ISBN:978-84-8349-414-1.
- Ciencias Naturais: Talentia, ED. EDEBÉ-RODEIRA
ISBN:978-84-8349-413-4.
- Dicionario de Lingua Galega.

Nota: A lista de materiais será facilitada polos titores/as en setembro.

Axudas para libros de texto no curso 2015-2016

Enviado por ceiparua o Mar, 02/06/2015 - 18:17

Publicouse a Orde do 22 de maio de 2015 pola que se convocan axudas para a adquisición de libros de texto destinadas ao alumnado matriculado en 1º, 2º, 4º e 6º de educación primaria ou educación especial en centros sostidos con fondos públicos, para o seu uso no curso escolar 2015/16.

O prazo de presentación de solicitudes para o alumnado matriculado no ano académico 2015/16 nas ensinanzas e cursos obxecto desta convocatoria é o seguinte:

* Para o alumnado de educación primaria e educación especial: un mes desde o día seguinte ao da publicación desta orde no Diario Oficial de Galicia.

* Para as novas incorporacións de alumnado que se produzan ao longo do curso con posterioridade aos períodos indicados, o prazo será dun mes e contarase a partir do día seguinte ao da formalización da matrícula. En todo caso, o prazo para presentar a solicitude para as novas incorporacións terá como data límite o 31 de marzo de 2016.

Pódese descargar a solicitude na seguinte ligazón:

Orde do 22 de maio de 2015
 
Distribuir contido