CLUB DE LECTURA “BIBLIOPONTE”
O equipo de biblioteca do C.E.I.P: “A Ponte” organizou un club de lectura co alumnado de 6º curso de primaria por consideralo unha valiosa ferramenta para suscitar entre o alumnado o interese pola lectura nun ambiente relaxado e dinámico, relacionado directamente co pracer de ler, de experimentar e de divertirse lendo, compartindo cos propios compañeiros esta valiosa experiencia. Fomenta o diálogo e a socialización dos participantes, xa que se basea no debate e na contraposición de ideas, axudando a poñer en valor puntos de vista distintos ao propio.
ACORDOS BÁSICOS
1.- Respectar as opinión alleas. 2.- Respectar as quendas de intervención 3.- Coidar os libros: non manchar, non romper, nin subliñar. 4.- Rematar a lectura do libro no prazo convido.
LIBROS
1.- Viaje al centro de la tierra. Julio Verne.
2.- Poesía de Rosalía de Castro.
3.- Los hijos del capitán Gran. Julio Verne.
4.- Á lus do candil. Anxel Fole.
5.- A laranxa máis laranxa de tódalas laranxas. Carlos Casares.
6.- Cartas de inverno. Agustín Fernández Paz.
7.- Biografía de Julio Verne.
8.- El 35 de mayo. Erich Kästner
9.- Biografía de Ghandi.
CINE E LITERATURA
As obras literarias que teñan película adaptada ao cine, primeiro lerase e comentarase a obra e despois proxectarase a película baseada no libro e na seguinte reunión debatirase a película.
TEMAS
Este curso lerase narrativa, teatro, biografía e poesía. Os libros foron escollidos en reunión previa e en consenso da totalidade dos integrantes do club. Serán aportados pola biblioteca, por compra ou por préstamos doutras bibliotecas. Os idiomas: galego e castelán.
TEMPORALIZACIÓN
As reunións serán unha vez ao mes nunha sesión dunha hora de duración, nun contorno que invite á lectura e á reflexión, colocándose todos os membros en círculo para poder verse as caras. O lugar, a biblioteca do centro.
