Na aula de 3 anos disfrutamos durante o 1º trimestre das visitas de todas as familias coa actividade "A CAIXIÑA DA MIÑA VIDA". Esta é unha mostra, esperemos que vos guste!!!!

Desde o ano 1964 celébrase cada 30 de xaneiro o Día Escolar da Non Violencia e a Paz. Nesta data conmemórase a morte de Gandhi, a quen curiosamente non lle foi nunca concedido o Premio Nobel da Paz.

Un ano máis no colexio celebramos esta festividade con traballos de aula e diversas actividades plásticas e musicais.

O noso mural de centro  transformouse nun “Botámonos ao Monte pola Paz” decorado cos adornos feitos por todos os nenos e nenas do colexio.

No ximnasio, xa que o bo tempo non nos acompañou, os nenos e nenas de 6º curso leron un manifesto pola paz e distintos poemas e citas sobre a Paz.

MANIFESTO POLA PAZ (6º Curso)

Finalmente cantamos todos xuntos tres cancións centradas na Paz, o Amor e a Amizade.

Como as familias nesta ocasión non puidestes asistir deixámosvos este vídeo sobre a celebración do día. Esperamos que vos guste!

“Un neno, un profesor, un libro e un lapis poden cambiar o mundo”

Malala Yousafzai (Premio Nobel  da Paz 2014)  

A semana pasada celebramos o Nadal no colexio, neses días decoramos o colexio con árbores e adornos de Nadal preciosos...

... visualizamos un espectáculo de maxia e música organizado pola ANPA ...

...comemos turrón e roscón, e visitounos o Paxe Real.

As familias acompañáronnos o venres, e para elas os nenos e nenas interpretaron as panxoliñas que con tanto estusiasmo estiveran preparando durante días.

Grazas a tod@s pola vosa participación e asistencia un ano máis!

Galego: Na Casa da Miña Avoa

Castelán: En Navidad

Inglés: Rockin' Around The Christmas Tree 

 Felices Festas e Próspero Aninovo!

O profesorado do Ceip A Paz-Tintureira

Unha vez finalizado o prazo de presentación de candidaturas para a elección dos representantes de nais e pais do alumnado no CONSELLO ESCOLAR faise pública os nomes dos candidatos que se presentan á referida elección:

1. AIDA COSTAS GIL

2. CARLOS VIÑAS VÁZQUEZ

MAIS INFORMACIÓN

Achegámoslles información sobre o proceso de elección dos representantes de pais, nais e titores legais ao Consello Escolar do noso centro.

O prazo de presentación de candidaturas será ata ás 14:00h do día 15 de novembro.

ENLACE Á INFORMACIÓN

 Baixo o lema "Abrazo o monte", no día de hoxe, os nenos e nenas de 3º a 6º de Educación Primaria do noso colexio participaron nunha xornada de convivencia xunto con outros 8 colexios de Vigo no monte de Sobreira e dos Pozos.

Durante esta convivencia os nenos e nenas, uns 1300 escolares, levaron a cabo unha simbólica plantación de carballos nunha das zonas seriamente afectadas polos incendios ocorridos o 15 de outubro do ano pasado. 

Con este xesto, e coas outras actividades que se realizaron hoxe, buscábase reivindicar a importancia do coidado do medio natural, en especial o coidado do noso querido espazo forestal, amosando ao mesmo tempo o noso rexeitamento cara aos incendios.

Unha información máis detallada do día de hoxe pode atoparse no seguinte enlace:

http://montesdevigo.blogspot.com

e visitando a nosa GALERÍA DE FOTOS

A esperada Carta da Meiga Tintureira chegou esta semana ao colexio, e con ela as diferentes actividades que daban lugar a inauguración da Biblioteca.

No blogue da Biblioteca atoparedes máis información sobre esta inauguración, animádevos a visitalo premendo na imaxe da Meiga.

 A partir do luns,  día 22 de outubro, iníciase o servizo de préstamo de libros, tamén en horario de tarde, agás os martes.

GALERÍA DE FOTOS

Dámoslles a benvida a un novo ano escolar!

Pasamos a informarlles dalgúns aspectos a ter en conta durante este curso.

Equipo Directivo:

Directora: Tali Cartelle González

Xefa de Estudos: Manuela Fernández Feijóo

Secretario: Ángel Ramos Vivas

Apertura anticipada do colexio: As portas abriranse ás 09:05 horas, os nenos/as que non sexan usuarios de transporte escolar deberán permanecer baixo o coidado dos seus familiares ata ás 09:15h, momento de subir ás aulas.

Para as familias que o necesiten existe o Servizo de Madrugadores, xestionado pola ANPA, o que lles permitará deixar aos seus fillos a partir das 07:45 no centro escolar.

O horario das clases é obrigatorio para todos. Deben evitar retrasos pois as portas de entrada pecharanse pasados uns minutos despois das subidas das filas.

Os retrasos e as saídas en horario lectivo deben xustificarse por escrito ao profesorado, e sempre que sexa posible anuncialos con antelación. Ante faltas reiteradas e/ou inxustificadas por impuntualidade ou absentismo aplicarase o protocolo recollido no Plan de Convivencia do Centro.

Os nenos e nenas formarán filas nos lugares indicados para entrar co seu curso. Os familiares ou acompañantes non deben permanecer xunto as filas nin acompañar aos nenos/as ata as aulas.

Se algún pai/nai se ve na necesidade de acceder á aula do seu fillo/a, xa sexa para dar un recado ou levar ao neno/a médico, deberá pasar polo despacho de dirección. Non se pode acceder ás aulas unha vez iniciada a xornada lectiva.

SERVIZO DE COMEDOR 

Pagarase sempre nos primeiros días de cada mes asistindo persoalmente á entidade bancaria cos impresos entregados polo colexio ou telematicamente, seguindo as instrucións da web do centro. Lembren que calquera cambio na utilización deste servizo debe ser comunicado ao centro.