Skip to Content

English

Halloween no Antonio Palacios

A pasada semana, aproveitando que nos países anglosaxóns se festexaba o día de Halloween e que en Galicia contamos co Samaín, o equipo de plurilingüismo do centro preparou unha serie de actividades especiais para o noso alumnado. A finalidade destas actividades é que os nosos alumnos e alumnas practiquen o seu inglés e ao mesmo tempo pasen un bo rato. 

As mestras de inglés en infantil traballaron durante as súas clases o divertido libro What's in the witch's kitchen, e o día 30 todo o alumnado de infantil desfrutou dun divertido obradoiro de galletas de Halloween.

Os alumnos e alumnas de 1º e 2º tiveron unha sesión de contacontos en inglés onde escoitaron a historia de Meg and Mog, e ademáis desfrutaron de outras actividades como cancións e xogos en inglés.

Os alumnos e alumnas de 3º e 4º leron o libro Room on the Broom de Julia Donaldson durante as clases de inglés, e o día 30 viron a película baseada nesta fermosa historia.

Finalmente, os alumnos e alumnas de 5º e 6º participaron nunha búsqueda do tesouro con pistas en inglés, onde tiñan que traballar en equipo para descifrar todas as pistas e conseguir un tesouro de Halloween.

 

Aquí tedes algunhas imaxes sobre as actividades deste día:

 

 

Actividades nas nosas clases de inglés - curso 2018-19

 

Aquí vos mostramos unhas imaxes sobre algunhas das actividades que levamos a cabo nas

clases de inglés ao longo deste curso. Entre elas atoparedes fotos das clases coa nosa

auxiliar de conversa, de como traballamos festividades como Halloween, Book Day ou St.

Patrick's Day, e de diversas actividades e xogos que fixemos durante todo o curso para

traballar a lingua inglesa. Esperamos que vos gusten.

 

Día das Artes Galegas 2019 - Galician Arts Day 2019

O pasado luns 1 de abril conmemorouse o Día das Artes Galegas, que este ano estivo dedicado ao artista e escritor Luís Seoane. Aquí tedes algunhas imaxes dos traballos que fixeron os nosos alumnos e alumnas nas clases de Arts and Crafts inspirándose na obra do artista homenaxeado.

 

Primeiras semanas de traballo coa nosa nova auxiliar de conversa

Este ano, coma en anos anteriores, contamos cunha nova auxiliar de conversa. O seu nome é Heather e vén de Washington DC, nos Estados Unidos. Comezou o seu traballo no noso centro neste mes de outubro e estará connosco ata o mes de maio. Nestas primeiras semanas puidemos facerlle preguntas para coñecela un pouco mellor, e ademais tróuxonos fotos e vídeos para saber un pouco máis sobre o seu país, a súa cidade, a súa familia e os seus intereses. Nós tamén lle contamos cousas sobre Galicia e sobre nós, e ata tivemos tempo para bailar e cantar con ela. Aquí tedes algunhas imaxes destas primeiras clases con Heather:

Atoparedes máis imaxes e información sobre as actividades que levamos a cabo nas clases de inglés no blogue de inglés do centro. Aquí tedes o enlace: 

https://5littlepumpkinsblog.blogspot.com.es/

BLOGUE DE INGLÉS

A partires deste curso 2016-17 todos os contidos das clases de inglés e plástica poderedes atopalos no blogue de inglés do centro. Nel iremos engadindo actividades, xogos, vídeos e enlaces útiles relacionados coa aprendizaxe do inglés, así como fotos e información sobre as actividades que vaiamos levando a cabo.

 Aquí tedes o enlace ao mesmo: 

http://5littlepumpkinsblog.blogspot.com.es/

ACTIVIDADES NA CLASE DE INGLÉS

Como xa sabedes este ano contamos coa axuda de Clara, a nosa auxiliar de conversa americana, para as clases de inglés. Isto permite que ademáis de axudarnos a aprender a súa lingua tamén poidamos coñecer distintos aspectos do seu país e a súa cultura, algo que resulta moi enriquecedor. Así, neste segundo trimestre puidemos coñecer por exemplo información sobre algunhas das mulleres máis relevantes da historia dos Estados Unidos ou como se festexa a St Patrick's Day en Chicago. Tamén escribimos as nosas mensaxes para o Día da Paz e fixemos un mural no que contabamos a que se asemella o amor con motivo do Valentine's Day. Aquí tedes algunhas imaxes para ver o noso traballo:

 

Traballamos coa nosa auxiliar de conversa

Este curso, coma en anos anteriores, contamos no centro cunha auxiliar de conversa estadounidense. Neste caso chámase Clara e vén de Chicago. Durante o primeiro trimestre non só traballamos a comprensión e expresión en lingua inglesa, sobre todo de maneira oral, senón que tamén nos explicou moitas cousas sobre o seu país, como por exemplo como é a súa cidade ou en que consisten festividades coma Halloween, Thanksgiving Day, Christmas ou Hannukah. Aquí tedes algunhas imaxes do traballo que realizamos con ela. 

 

Distribuir contido


by Dr. Radut