Skip to Content

TRABALLANDO COA NOSA AUXILIAR DE CONVERSA NA CLASE DE INGLÉS

Coma en anos anteriores, este curso volvemos contar no centro coa presenza dunha auxiliar de conversa de fala inglesa. Nesta ocasión chámase Ana e vén dos Estados Unidos. Durante estas primeiras semanas de traballo fixemos actividades moi interesantes para mellorar o noso inglés, e ademais puidemos coñecer algunhas cousas sobre a súa familia, a súa cidade e o seu país. Ao longo de todo o curso seguro que nos irá contando moitas máis cousas sobre a súa lingua e a súa cultura. Aquí tedes algunhas imaxes das nosas clases:

Halloween no Antonio Palacios

A pasada semana, aproveitando que nos países anglosaxóns se festexaba o día de Halloween e que en Galicia contamos co Samaín, o equipo de plurilingüismo do centro preparou unha serie de actividades especiais para o noso alumnado. A finalidade destas actividades é que os nosos alumnos e alumnas practiquen o seu inglés e ao mesmo tempo pasen un bo rato. 

As mestras de inglés en infantil traballaron durante as súas clases o divertido libro What's in the witch's kitchen, e o día 30 todo o alumnado de infantil desfrutou dun divertido obradoiro de galletas de Halloween.

Os alumnos e alumnas de 1º e 2º tiveron unha sesión de contacontos en inglés onde escoitaron a historia de Meg and Mog, e ademáis desfrutaron de outras actividades como cancións e xogos en inglés.

Os alumnos e alumnas de 3º e 4º leron o libro Room on the Broom de Julia Donaldson durante as clases de inglés, e o día 30 viron a película baseada nesta fermosa historia.

Finalmente, os alumnos e alumnas de 5º e 6º participaron nunha búsqueda do tesouro con pistas en inglés, onde tiñan que traballar en equipo para descifrar todas as pistas e conseguir un tesouro de Halloween.

 

Aquí tedes algunhas imaxes sobre as actividades deste día:

 

 

DIGITALENT Y BIBLIOTECA CREATIVA

O noso centro foi seleccionado para dous novos proxectos para levar a cabo durante este ano académico

  • Digitalent: Proxecto DIGICRAFT NO TEU COLE no marco do plan DIGITALENT, por medio do cal preténdese potenciar o desenvolvemento da competencia dixital. Para levalo a cabo dotan ao centro con material adecuado: 12 tablets e "2 kits instant dixital skills". Acceso a convocatoria e resolución
  • Biblioteca Creativa: proxecto polo cal se quere apoiar a experimentación e a investigación, dos robots e da linguaxe da programación na biblioteca escolar. Acceso a convocatoria e resolución

SEMANA STEM CONSELLERÍA EDUCACIÓN

O noso centro foi seleccionado para participar na "Semana STem" convocado pola Consellería de Educación.

Dende o 27 de Outubro ao 2 de Novembro 25 alumnos/as de 6º de primaria participará nunha actividade que lle permitirá mellorar as súas competencias STEM por medio de actividades académicas e de carácter lúdico-recreativas que lles permitirá reforzar o traballado na aula

Acceso a resolución

MOVILIZATE POR EL CLIMA

 

 O Ceip Antonio Palacios comezou a súa andadura polo medio ambiente cando da man da mestra Miriam Leirós  levouse a cabo no centro o proxecto Plasticoff xa en en 2014. O proxecto multidisciplinar tiña como fío conductor promover a reducción, reutilización e reciclaxe de plástico. Deste xeito e contaxiándose todo o centro chegáronse a xuntar máis de 270 kg de tapóns que se doaron a Yessica para a investigación da súa enfermidade rara.

 

   En sucesivos curso levánronse a cabo proxectos como “Rutas Sostibles” e “Cooltureco” ámbolos dous na liña de sostenibilidade e contacto coa natureza.

 

    O curso pasado  participouse de maneira activa en accións de concienciación sobre a crise climática con actividades educativas e actos simbólicos os venres empatizando co movemento Fridays for Future que posteriormente deu lugar a o colectivo docente Teachers For Future Spain.

     O centro é pioneiro ademáis en implantar os “Recreos Residuo Cero” , levándose a cabo en varias  clases no curso 18/19 e implantándose no centro completo no 19/20.  Ademáis participa tamén en camaña de reciclaxe de móbiles da Fundación Jane Goodall.

    Este ano como proxecto de centro temos os Obxectivos de Desenvolvemento Sostible, baixo o lema “Palacios pola sostenibilidade” , ademáis de ser tema a traballar nas aulas levará consigo medidas como “ecoaditorias” buscando o aforro enerxético e de recursos, e fomentando actitudes e hábitos máis sostibles.

    Desde aquí o noso agradecemento a o diario El País polo seu recoñecemento no seu artigo : “MOVILIZATE POR EL CLIMA”

 

ABERTO O PRAZO PARA SOLICITAR AXUDAS PARA ALUMNADO CON NECESIDADE ESPECÍFICA DE APOIO EDUCATIVO

PINCHA NA IMAXE PARA ACCEDER Á PÁXINA

Actividades nas nosas clases de inglés - curso 2018-19

 

Aquí vos mostramos unhas imaxes sobre algunhas das actividades que levamos a cabo nas

clases de inglés ao longo deste curso. Entre elas atoparedes fotos das clases coa nosa

auxiliar de conversa, de como traballamos festividades como Halloween, Book Day ou St.

Patrick's Day, e de diversas actividades e xogos que fixemos durante todo o curso para

traballar a lingua inglesa. Esperamos que vos gusten.

 

REVISTA DIXITAL ARTE E PINTURA 2019

    Este curso estivemos inmersos nun proxecto de arte e pintura. Miró, Kandinsky, Bansky... cada nivel escolleu un ou varios artistas, investigou a súa vida, a súa obra é despois fixo a súa propia representación artística inspirados nestes autores/as. Este xeito de traballar vai máis alá do referidio a  aspectos plásticos, estéticos ou artísticos, implica relacionar diferentes ámbitos de aprendizaxe e compartir o aprendido.

   Todo este traballo queda recollido nesta revista dixital, unha obra colaborativa na que se implicou todo o cole e que pretende mostrarnos unha pequena parte do aprendido. Agardamos que desfrutedes dela e non deixedes de clicar nas imaxes, hai moitas sorpresas agochadas!

 

EXCURSIÓN FINAL 5º PRIMARIA

O pasado martes 4 de xuño, respetounos o tempo e puidemos levar a cabo a tan esperada saída final de curso. Chegou o día e fomos en autobús cara a Marín, onde nos deixou o autobús e camiñamos polo sendeiro Azul da Ruta das praias ata a praia de Aguete. 

Camiñamos durante 1 hora nas que percorremos os 4,2 km que o separan de Marín e pasamos polas praias de Portocelo, Mogor,.. Foi un paseo no que poidemos disfrutar da paisaxe que nos íamos atopando

Pola tarde disfrutamos das tirolinas no parque multiaventura de Marín. Foi un día inolvidable e tamén agotador e para que o vexades, temos fotos que aparecen ao clicar na seguinte imaxe.

 

PREMIADOS NA VII EDICIÓN DE RELATOS CURTOS

O venres día 31 de maio tivo lugar no auditorio do Pazo da Cultura de Pontevedra  a entrega dos premios aos finalistas na VII edición de relatos curtos convocada pola FANPA. Presentaronse uns 1296 relatos dos que sairon os 120 finalistas, tendo a sorte de estar entre eles as alumnas de 5º Paula González Domínguez e Noa Delgado Durán. Mencionar tamén, a nosa compañeira Tamara Fernández (titora de 3º) que  resultou finalista. Parabéns a estas finalistas e tamén a todo  o alumnado que participou, os cales fixderon relatos fantásticos

O día da entrega estivo  a escritora Concha Blanco e o ilustrador Ramón Trigo

 

 

 

Fotos da entrega dos premios VII Certame Relato Curto

Distribuir contido


by Dr. Radut