O 24 de febreiro está recollido no Calendario do Libro e da Lectura, publicado pola Consellería de Cultura, Educación e Universidade como o aniversario do nacemento de Rosalía de Castro.

No CEIP Ana María Diéguez levamos varios anos celebrando este día con actividades para achegarnos a súa  vida e obra, compartindo co alumnado as propostas de diferentes organismos.

E un ano máis, dende o 2010, a  Asociación de Escritoras e Escritores en Lingua Galega  propón á cidadanía que agasalle cun libro en galego e cunha flor ás amizades e persoas queridas. Este ano baixo o lema Teus doces cantares publica un manifesto da man de Ana R. Figueiredo, así como varias actividades interesantes e divertidas que veremos de realizar.

E rematando igual que o manifesto da AELG,

No xeito de nunca nós calar. Así hoxe no teu aniversario, habémoste cantar, Rosalía.

            #rdc_2021      #TeusDocesCantares