Skip to Content

Abalar

Consellería de Educación

5º Curso

Un libro xigante do Quixote feito polos alumnos/as de 5º

     Os alumnos e as alumnas de 5º de Primaria fixeron este libro en formato xigante con ilustracións sobre o Quixote, para conmemorar os 400 anos da morte do seu autor Miguel de Cervantes.
Empregaron cartón de embalaxe para facer as páxinas que están cosidas con cordel para encuadernalo.  

     Está exposto na Biblioteca.

O menú de Don Quixote por 5ºB

    Con motivo do 400 aniversario da morte de Miguel de Cervantes os alumnos e alumnas  de 5ºB  construiron este muiño de vento. Nel  puxeron os personaxes máis importantes do Quixote e un traballo de investigación no que explican o que comían e como se preparaban algúns dos platos que se  mencionan no libro: duelos e quebrantos, coello, fabas...

        Está exposto na Biblioteca.

Premio no I Concurso de marcapáxinas "Día Internacional da Muller"

  Iria Núñez Filgueira de 5ºB resultou gañadora no Iº Concurso de marcapáxinas "Día Internacional da Muller".

   Os marcapáxinas premiados serán editados e enviados aos centros e Bibliotecas do Concello.

  No auditorio da Casa da Cultura do Milladoiro celebrouse  o acto de conmemoración do Día e entregáronse os premios do concurso posto en marcha polo Centro de Información á Muller.

 

   Premer AQUÍ para ver máis información do acto na páxina do Concello.

 

    Este certame estivo dirixido aos nenos e nenas de Educación Infantil e Primaria dos colexios públicos de Ames. As bases do concurso estableceron tres categorías diferentes.

   A primeira estivo dirixida ao alumnado de Educación Infantil; a segunda ao de 1º, 2º e 3º de Educación Primaria e a terceira aos rapaces e rapazas de 4º, 5º e 6º de Educación Primaria.

 

  educació 

   Deste xeito os gañadores e gañadoras foron na 1ª categoría, Carolina Guerra García, alumna de infantil do CEIP Agro do Muíño; na 2ª categoría, Diego Cacheiro Blanco, alumno de 2º de primaria do CEIP Agro do Muíño; e na 3ª categoría, Iria Núñez Filgueira, alumna de 5º de primaria do CEIP A Maía.

                      Parabéns Iria!

5º e 6º coa Tropa Trapalleira

  Os alumnos de 5º e de 6º fomos a Santiago ao teatro a ver a a tropa Trapalleira da compañía Bocaberta. A Tropa Trapalleira (Rosiña, Laranxiño e Mariña) presentounos "Pequena trapallada e algunha que outra batalla", un espectáculo cheo de color no que a través dos gags físicos  e do humor nos fan reflexionar sobre o absurdo da guerra e a necesidade de empregar a tolerancia.      Ademáis aproveitamos a viaxe para facer un pouquiño de turismo pola zona vella, percorrendo as súas rúas e visitando a Praza de Abastos (vendo os peixes, os postos de carne, de queixos e de froitas).

    

 

  Despois tomamos un descanso na praza de mazarelos e por último entramos na Catedral pola porta santa e fixemos un percorrido por ela, con abrazo ao Apóstolo e visita á súa tumba. Tamén observámolo órgano e as diversas capelas que rodean a Catedral. Foi unha viaxe estupenda!

     
 

 

 

HOMENAXE A NELSON MANDELA

NELSON MANDELA OU A RECONCILIACIÓN NACIONAL

Nelson Rolihlahla Mandela (Mvezo, Unión de Sudáfrica, 18 de xullo de 1918-Johannesburgo, Gauteng, Sudáfrica, 5 de decembro de 2013).

Coñecido no seu país, Sudáfrica, como Madiba (título honorífico outorgado polos anciáns do clan de Mandela; tamén era chamado Tata), foi  político e avogado.

Despois de estar preso durante máis de 27 anos cumprindo cadea perpetua, Nelson Mandela foi liberado. Trala súa saída da cadea, o 11 de febreiro de 1990, Mandela traballou co entonces presidente de Sudáfrica, Frederik Willem de Klerk, liderando o seu partido nas negociacións para conseguir unha democracia multirracial en Sudáfrica, cousa que se conseguiu en 1994, coas primeiras eleccións democráticas por sufraxio universal.

Polo seu traballo en conxunto, tanto Mandela como de Klerk recibiron o Premio Nobel da Paz de 1993. Posteriormente Mandela gañou as eleccións e foi presidente de Sudáfrica desde 1994 ata 1999. A súa prioridade estivo na reconciliación nacional.

A súa última aparición pública foi o 11 de xullo de 2010 na final do Campionato Mundial de fútbol de Sudáfrica 2010. Finou o día 5 de decembro de 2013.

Vaia desde aquí a nosa pequena homenaxe a este gran home.

Homenaxe a Nelson Mandela2.jpg

 

VISITA DE LUIS NAVARRO, PROFESOR DA UNIVERSIDADE DE VIGO

O venres 7 de novembro visitonos Luis Navarro, Biólogo, profesor e investigador da Facultade de Ciencias da Universidade de Vigo.

Luís é responsable do Laboratorio de Ecoloxía e Evolución de Plantas e promotor do Blogue Divulgare (http://www.divulgare.net/), que ten como obxectivo “facer accesible a ciencia e a ecoloxía para todos os públicos”.

Luis Navarro ten colleitado numerosos premios polo seu traballo entre os que cabe salientar o da Revista “The Scientist” que adxudicou o equivalente ao  Óscar Científico ao traballo sobre “A importancia dos lagartos nos ecosistemas insulares” ( O lagarto das Cíes). A este galardón presentábase tamén National Geographic.

Este mesmo ano acaba de recibir o Premio ao Mellor Corto de Animación no DelhiShortsInternational Film Festival 2013 polo traballo “Breaking the Rules”.

Poderiamos seguir sinalando méritos durante moito tempo: presenza en traballos sobre Repoboación de Bosques Tropicais, Investigacións sobre Invasións Biológicas… en numerosos países de todo o mundo. Participación no Proxecto Internacional ARCOPOL PLUS que loita contra a contaminación mariña accidental…

Luis veu ó noso centro para falarlle ó noso alumnado sobre as plantas e os ecosistemas aproveitando que estivemos traballando estes temas en Coñecemento do Medio de quinto.

Na súa exposición mostrounos algúns dos traballos premiados citados anteriormente e outros máis, para ensinar ós nenos e nenas detalles sobre os que era preguntado e nos que poidemos apreciar o nivel tecnolóxico de última xeración nas animacións en 3D que fai o seu equipo.

IMG_5700B.jpg

 

Destacar a paciencia e o saber chegar ao alumnado de primaria despertando o seu interese e gañas de aprender máis.

Desde aquí só nos queda darlle as grazas a Luis Navarro pola súa presenza no noso centro, esperando que nos visite cantas veces queira e poda porque todos, alumnado e profesorado, quedamos moi contentos por todo o que nos ensinou.

O escritor en 5ª

Distribuir contido


Usuarios conectados

Agora mesmo hai 0 usuarios e 1 invitado conectados.

by Dr. Radut